ممكن مساعده ! ^_^

[::Harmony::]

السلامُُ عليكمُُ

عندي مشكلة بتتكرر كل ترم للأسف وكل ترم بتنكب بسببها :(

لانو عندي اعفاء .. وفي كل بداية ترم اجلس على اعصابي هل راح يستمر الاعفاء او حيتلغي ؟؟
وجدولي ماينزل .. وحاطه يدي على خدي مني عارفه ادفع او ماادفع ؟
ويتحرق دمي لما ادخل ع الشعب وبسرعة البرق تتملي بسرعه ويصير مافي شعب

الترم اللي فات .. روحت لجامعة من بدري وسالتهم ..
اخذت رقمي وشيكت وقالت لي خلاص روحي ويومين بالكثير ينزل جدولك
وجلست استنى اسبوع اسبوعين ولا نزل راجعتهم تاني ..
العبقريه اكتشفت فجأة انو الاعفاء جاني من قسم الرجال .. روحي راجعي هناك :(

وعبال ماالقى لي احد يروح يشوفلي الموضوع ..
في النهاية الشخص اللي راح قالولو ماااااافي اعفاااء لازم تسدد ..
بعد التأخير هذا كلو ..
ولما استسلمت اني راح ادفع خلاص
وانو مافي امل ادفع حاليا لانو عرفت متاخر
وانو راح اتاخر اكثر زياده وراح تبدأ الدورة وانا مااعرف عن جدولي اي شي

بعدها يومين بالضبط ينزل جدولي ..
بعد ماخلاااص رميت كل شي في الحيطه
ورجعت رتبت جدولي وانا زي العمياااا

الخلاصة .. ماعندي احد يراجع لي في قسم الرجال كل ترم على دا الحال
هل في طريقة اعرف فيها هل راح يستمر الاعفاء معايا لين التخرج او لا ؟؟
.. مع العلم انو الاعفاء جاني من ثاني ترم ليا بالجامعه
عشان اعرف واعمل حسابي هل راح اسدد او لا ؟؟

وشكراًً ^_^

[Nephrology]

الإعفاء مستمر حتى التخرج بإذن الله تعالى
مالم ينزل المعـــــــــــــدل عن 75ر2

[ابو الاء]

زي ما قال الاخ
لا تخافي مادام معدلك اكثر من 2.75

[b.os.a]

انا الي اعرفه ان مدة الاعفاء ترمين

الا الي عنده ضمان اجتماعي

يستمرمعاه الى التخرج

[::Harmony::]

مشكووورين ع الرد ماقصرتوو

بس للان حاطيلي طالب غير مسدد

معدلي نزل بشرطه وحده بعد الفاصله خخخ

استنى زياده ! مو مشكلة بس المهم مايروح انتظاري ع الفاضي ..

وللان مااعرف موادي > كيف الواحد يقدر يجيب معدل محترم

شكراااًً آآقييين

[جيهآآن]

لا آجل مدام معدلك نزل اغسسلي يدك وسسددي

آختي السنه اللي راحت نفس حكآيتك معدلها صار2.74

وسحبوه ولا رضيو يرجعوه لهآآ الابعد مارفعته

الله يعينك

[dkss]

الله يوفقك الاعفاء يكون معاك حتى التخرج مادام معدلك 2.75 . وهذا رقم خدمة المجتع ايمن الغامدي 026952502 وفاكس 026951128 والله ييسر امرك

[::Harmony::]

ماااانزل جدولي :(

طيب ليييش كاتبيلي * مستمر في الدراسة *
و * طالب غير مسدد *

ياربي

[i DonT Care]

انا قدمت اعفاء كان معدلي 1.88 بعدين نزل معدلي 1.62 والغوو الاعفاء =(
الخلاصه من كلامي انه اذا نزل المعدل يتلغي الاعفاء :s
والله اعلم