مرررره متحطمه

[لصمتي حكمة]

السلام عليكم ...

انا اليوم حابه افضض ماادري ليييش يمكن لاني مالقيت غيركم

اول شي انا الحمدلله تخرجت من الثانويه بنسبة 99،25 وكان طموحيي كله اني ادخل ادارة اعمال

واصير امراة اعمال عندي مشاريع يعني بالعربي اكون امراه عامله لي هيبتي في المجتمع واول

ماينطقون اسمي الكل يعرفني <تحملواا احلا مي مهيه في النهايه احلاااااااااام

لايمكن انها تتحقق ابدا وهذا اللي متعبني انا طول فترة دراستي وربي الشاهد اخذ الاولى على الدفعه

والكل كان عارف اني لما اتخرج رااح امشي ورى طموحاتي ورااح انجح في دراستي

بس عااد ربي ماكتبلي اني اكمل اللي كنت احلم فيه

حتى اللحين جايبه 4.25 يعني لا بأس بها واقدر معها احول انتظام وادخل الكليه اللي ابغاها

بس الظرووووووووف ماتسمح والله مااكذب عليكم اني احس بالنقص لما اشوف بنات الانتظام

احس الوحده فيهم تمشي بكل ثقه الله يهنيهم

والله اني اكتبلكم وانا مخنوقه من نفسي صح اني احب الانجليزي بس مااحس انه هوا نهايه طموحي

في النهايه مااقول الا الحمدلله على كل حال

اتمنى اني ماكنت ثقيله عليكم

[لصمتي حكمة]

ماكل مايتمناه المرء يدركه تجري الرياح بما لا تشتهي السفن

[لقيت روحي]

يا قلبووووووو .. لا تحزني نصيبك ..

يالله .. مرررة 99 + انتساب = تحطييييييم ..

وانتي ليه ماصبرتي .. شوية ..

والله مرررررة زعلت .. عليكي ..

حطي في بالك هذا المثل ..

(( من ترك شيئا لله عوضه الله خيرا منه))

وخليكي على المعدل الرائع .. وتاخذيه مرتبة الشرف .. إن شاء الله ..

وادرسي وكملي ماجستير مثلا علم نفس وخذي دورات ..

وطوري نفسك ..

لا تقعدي مثل الناس في البيت وتعلقي شهادة ..

ونتظــري الوظيفة تجيكي ..

بدل ماتروحي لها ..

امنياتي الحارة لكي بالتوفيــق والسداد ..

[لصمتي حكمة]

اي مرتبه شرف مهي في النهايه مكتوب انتسااااااااااب تسلمي حبيبتي عالمواساه

[حنين الود]

لازم تعرفي الشي دا انو النصيب يصيب وفي بنات جايبين زي معدلك وعلمي ونهايتهم انجليزي والله شي يقهر لما تكون البنت علمي ومكروفه وتدخل انجليزي زيها زي اي بنت ادبي هادا شي
الشي التاني ايش هيا ظروفك الي ماتخليكي تدرسي انتظام يمكن تلاقي حل عند البنات او تلقي بنت زيك وكملت انتظام
ثالثا للمعلوميه عشان يكون عندك خلفيه اكثر سيدات الاعمال تخصصهم اصلا مو اداره واقتصاد تلقيها لغه فرنسيه ولا انجليزي ولا اقتصاد منزلي او اعلام من اي منطقه وفيه امثله كتير مره لو حابه اذكرلك والله قاعده اكتب وانا حاسه فيكي واكلمك زي مابكون اكلم اختي بس طبعا انا اكلمك باحترام شويه مو زي ماأشرشح اختي

[أم فارس]

طيب شهادة الانتساب معترف بها عند الخدمة المدنية والتعليم العالي او لا؟
لأني سمعت انهم يرفضوا الانتساب؟ طيب ليش ؟
حراااااااااااااااااااااااااااام حنا نتعب اكثر من الانتظام
دامنا من جامعة حكومية المفروض حالنا يكون مثل الانتظام

[أم فارس]

اعذريني عزيزتي طلعت من موضوعك
بس اصبري وتحملي وان شاءالله خيرة
والله يوفقك ويحقق امنياتك

[لصمتي حكمة]

والله جد حراام اكون علمي وفي النهايه انجليزي وظروفي اللي منعتني اني تزوجت وفي مدينه ثانيه غير جده

يعني حتى بالقوه مااقدر احول انتظام

[حنين الود]

المشاركة الأصلية كتبت بواسطة لصمتي حكمة والله جد حراام اكون علمي وفي النهايه انجليزي وظروفي اللي منعتني اني تزوجت وفي مدينه ثانيه غير جده يعني حتى بالقوه مااقدر احول انتظام

اهاااا طيب نبدأ حبه حبه انتي علمي ودخلتي انجليزي اول شي صحيح حرام وزي كدا بس برضو فيها اشياء كتييييييييييير حلوه في الحكايه
انو على الاقل ماتدخلي قسم زي الاحياء والا كيمياء ويكون زيك زي غيرك مجرد زياده عدد لانو ماراح تقدري توازني بين الأقسام هادي وبين البيت والجهد بيكون عليكي مره كتير وصاحب شغلتين كداب زي مابيقولوا
اول حاجه حلوه حققتيها انو تزوجتي ماشاء الله تبارك الرحمن وفي نفس الوقت مانسيتي مستقبلك العلمي والدراسي وكملتي الجامعه وحطيتيها في راسك وسجلتي انتساب في قسم الناس يتمنوه هادا اول شي
الشي التاني انو انتي معدلك ماشاء الله تبارك الرحمن عالي وحاولي تستمري وتركزي وترفعيه اكت واكتر لانو لو رفعتيه وحافظتي عليه ماراح يكون زيك زي اي وحده غيرك معدلها واطي حتى لو انتي انتساب
تالت حاجه و اهم حاجه انو الأشياء (الأحاسيس الي محسستك بالتحطيم )هادي ايش جابها تحديدا في الوقت هادا و ليش فكرتي فيها في الوقت دا ؟؟ اكيد راح يكون لأسباب خاصه فيكي نفسيه وغيرو وغيرو
يعني مثلا ماتكوني راضيه عن حياتك دحين ونفسك تطوري نفسك ونفسك يكون لكي مكانه بالمجتمع وزي كدا استغلي الشعور بالشي الإيجابي مو السلبي انتي دحين سلبيه بس في بدايه طريقك للإيجابيه ودا الشي باين عليكي من تاريخك الدراسي واضح عزيمتك واصرارك حاولي تخليه شي ايجابي كيف ماني عارفه هادا الشي عليكي انتي الي تسويه
خدي قراراتك
أقترح عليكي مجموعه من القرارات تساعدكي يارب وتساعدني وتساعدنا كلنا
1-انتبهي للدراسه حاليا لاتفكري في شي تاني اجمعي المقررات وابدأي في جمع اسئله الأختبارات وخدي فكره عن المنهج قبل ماتدرسيه
2- حطي في بالك رفع المعدل بأي طريقه
3-وقت الفراغ لازم تقرأي لازم لازم لازم لازم لازم لازم لازم لازم لازم لازم لازم لازم لازم لازم
ابدأي اقرأي عن الأعمال والتجارب الموجوده حاليا حوالينا في مجتمعنا في بيئتنا فكري بمشروع حياتك الي تتمنيه سواء تجاره او اي شي تاني اقرأي عن الموضوع الي تهتمي فيه كيف تصيري تاجره مع انو مادري ليش مركزه على الشي دا حو انو يكون شي ثانوي بحياتك بس مو اساسي واهم حاجه خلي نيتك انو انتي ماتبغى السمعه من الناس يعني ماتبغى تتفاخري وزي كدا لانو مايصلح مارح اقول حكم ديني بس نفسيا لكي مايصلح انا كدا اشوف وشيلي الناس من راسك وشيلي الأحاسيس السلبيه لأنها ماراح تفيد تهدمك بس يعني حتخليكي تبطلي دراسه لانو انتي المفروض علمي وتدوري طريقه تبطلي فيها علشان تدخلي فيها قسم تاني ومادري ايش كلها احاسيس تتوهكي وتخليكي تتحطمي من جد من دون فايده خليها تنفعك بدل ماتهدمك ويارب يارب يارب يهدي سرك وينولك مرادك ويحقق امانيكي يارب ويهديكي ويريح بالك ويخليكي بنت قد الدنيا وافتخر يوم من الأيام اني اتكلمت معاكي
(اختك الكبيره والي حتكسر راسك )انا

[-amal-]

المشاركة الأصلية كتبت بواسطة لصمتي حكمة والله جد حراام اكون علمي وفي النهايه انجليزي وظروفي اللي منعتني اني تزوجت وفي مدينه ثانيه غير جده يعني حتى بالقوه مااقدر احول انتظام

طيب انا مثلك كنت علمي ونسبتي قريبه لنسبتك ... والحين انا قسم انجليزي برغبتي ما كنت حابة اكمل بالعلوم او الاقتصاد
لأنو بصراحه مواد العلوم مالها ذاك المستقبل يمكن الانجلشش افضل من الفيزيا او الكيميا او الاحياء وش اسوي فيهم بعد التخرج .. اطبق التجارب بالبيت... بالرغم من اني حاصلة على المركز الاول على المنطقة الغربية في مسابقة الفيزياء العامه... ومع كذا راضية بالانجليزي
ومو كل من من تخرج اشتغل بنفس التخصص يعني صدقيني الانجليزي ح يفيدك كثيير اذا اصبحت سيدة اعمال