فرحة تخرج ماتمت

[saaiid]

تفاجات يوم امس بوجود ماده لم يتم اختبارها وهي مقدمه باالترجمه علما اني قمت بزياره للجامعه بشهر 8 وتم تزويدي باالخطه الدراسيه ولم تكن موجوده وقدمت قبل ذالك معامله الكترونيه ولم يتم الرد علي فمن لديه اي نصيحه او مساعده يتفضل مشكورا

[dksn]

مامنها مفر لان مادة تخصص الله يعينك على ترم
اضف معاها مواد حرة لكي ترفع في المعدل
ان شالله خير لك
بالتوفيق

[المسعودي الهذلي]

اولا الله يعوضك خير أخوي
وعساها خيره إن شاء الله وردد قدر الله وما شاء فعل

ثانياً الموقف ماعاد يحتمل لوم شد حيلك عساها خيره كما ذكرت سابقاً

[white rose]

حياك الله اخوي

وافادوك الاخوان الكرام الله يجزاهم الجنة

وربي يعوضك خير ومعدلك يرتفع بهالترم ويكون ترم مبارك عليك

بالنسبة للخطة الدراسية اذا ما تضمنت اي مادة من مواد التخصص اعرف انها سقطت بخطأ من عندهم لانك بعد ما تاخذ الخطة الدراسية لازم تقارنها بالخطة اللي على موقع الجامعة عشان تتاكد من انك درست كل متطلبات التخرج والساعات الاساسية اللي هيا 128 ساعة واذا اي مادة ما تجاوزتها راح تضطر انك تدرسها لانها متطلب القسم للحصول على درجة البكالوريوس ..

والحل زي ما ذكروا الاخوان نزل الترجمة ومواد حرة وارفع المعدل

او انك تنزل الترجمة فقط وتطلب اعفاء طالما بقي لك مادة وتشد حيلك زين فيها وربي يوفقك وما يضيع لك تعب :-)

[shakespeare]

يمكن تكون خيره نزل معها ثلاث حره وارفع معدلك وهي اسمع تسجيلات الدكتور شرحه روعه وذاكر ملخصات الشباب الله يوفقك الخوف لايكون استقبلت التبريكات من الاقارب واللي حولككككك ههههههههه

[saaiid]

انا جيت للجامعه وطلبت الخطه واعطوني ورقه ومو من ظمنها الترجمه. انا خلصت 128 ساعه وكان يمديني اخلصها باالنوم الصيفي. فكرت اني اتجه لرئيس القسم أو مدير الجامعه لحل مشكلتي. مو معقوله أتأخر سنه بسبب غلط من الجامعه. :

[white rose]

المشاركة الأصلية كتبت بواسطة saaiid انا جيت للجامعه وطلبت الخطه واعطوني ورقه ومو من ظمنها الترجمه. انا خلصت 128 ساعه وكان يمديني اخلصها باالنوم الصيفي. فكرت اني اتجه لرئيس القسم أو مدير الجامعه لحل مشكلتي. مو معقوله أتأخر سنه بسبب غلط من الجامعه. :

اخي الكريم

الخطآ صحيح منهم لكنه وراد عشان كذا احنا نراجع وراهم وننتبه عليهم خاصة بالاودس حقهم المخرف

وكان المفروض انك ما تثق فيهم وتقارن موادك بالخطة الدراسية الاساسية

والمادة من متطلبات التخرج بدونها ما تتخرج للاسف

فلابد انك تتجاوزها لكي تحصل على البكالوريوس وحتى لو رحت لهم راح يخبروك بنفس الكلام وكثير اخروهم بالتخرج على مادة وما سمحو لهم يتخرجون الين يتجاوزونها

وما راح تتاخر سنة فقط ترم واحد تدرس فيه المادة وتكون من خريجين الترم الاول ان شاء الله

الله يوفقك :-)

[saaiid]

الله يوفقكم جميعاً ومشكورين على ردودكم ياالغالين.
وأقول حسبي الله على من كان السبب. قدمت استقاله من العمل لقبولي بوضيفه أخرى ولازم من الجامعه كشرط.

[Tiger20]

الله يعينك

وان شاء الله تكون خيره لك في رفع المعدل

[nour al3mr]

الله يعوضك خير و ييسر أمرك
اللي أعطاك الخطة أبدع الله يصلحه المادة أساس في القسم من سنين ماهي جديدة
لكن الله ما يصيبك بأمر إلا و من ورآءه خيـر عظيم