ارجو المساعدة

[TeeNa....]

ياعسل صعبه تاخدي دي المواد كلها لاتاخدي ماده ما اخدتي متطلبها نصيحه
خدي مواد حره اختياريه تجاره الكترونيه نقود قانون اي حاجه

[تفـــــــــــــاؤل]

نفس كلام الينات كيف ينزلونك ضريبة وزكوية ومالية وانتي لسه ما اخذتي متوسطه 1 و2 مايمدي اصلا الله يعينك.........

[BoBy]

لا الله يسعدك ويسعد اهلك كمان
احذفيها
خليكي ماشيه عالخطه واحنا كمان
لاني انا واتوقع كثيرررررررر زيي مستوى سابع
وهذه هي المواد الاساسية لنا
ساعدينا واحذفيها انتي واللي نفس حالتك انضافتلهم بالغلط
لانو احنا اساسية عندنا وما انضافتلنا لانها قفلت

[Miss Honey]

روح .. كيف انتي مستوى ثامن ولسه ما اخذتي متوسطة وتكاليف؟!!!!!!!


انا من رايي تحذفيها وتروحي من الجامعة تضيفي المواد اللي بخطتك إذا ما قدرتي تضيفيها من الاودس المخمج


الله يخارجنا بس ..

[زهره القمر]

من جد ياقلبو ماينفع تاخذيها مدام مااخذتي متطلباتهاا واكيد نزلتلك بالغلط

وخذ اي ماده حره او اختياري وامشي على الخطة

وخلي المواد تبع المستوي الساابع للبنات الي في المستوي السابع وماانضاافتلهم

[LoOoOoD]

بما انك محولة الوضع مختلف والحمدلله انهم سامحينلك تاخذين مواد ومتطلباتها

انا اشوف انه تاخذين متوسطة 1 وتكاليف 1 طبعاً هذي لازم.. وضريبية وزكوية تاافهه لاتفكرين تحذفينها ومالها علاقة بالمتوسطة والتكاليف .. حتى منشآت برضوه يجي لان الماده سهله وعن منشآت معينة يعني برضوه ماحيكون عندك مشكلة بالنسبة للمتطلبات .. بس غيري مالية متقدمة 1(ولاتحسبيها صعبة بالعكس مره سهله) لكن متوسطة 1 و2 متطلب اساسي لها .. يعني افضل تنزلين بدالها تكاليف 2 مره سهله ....

ترى مافي شي صعب ولا فيه شي يلخبط من جد كل ماده غير عن الثانية توكلي على الله .. وبالتوفيق ..

[روح الروح]

الله يسعدك عن جد ريحتني كنت افكر كيف بس مادتين وانا اخذت كل شي ر واختياري ومالية شركات ونقود خلصت كل شي بقي متوسطة وتكاليف واللي تبعها
رب يوفقك

[صفاالورد]

انا نفس المشكلة..وربي يسعدك ويفرج همك ياأخت لوود أحسك ساعدتيني شوي
جزاكِ الله خير وصاحبة الموضوع

[حفيدة عمر]

عاااااادي جدا تآخدي مواد ومتطلباتها
انا محولة وكان عندي لخبطة واخدت محاسبة 2 ومتوسطة 1 في نفس الترم
والوضع ماشي تمام

اهم شي انتي تأكدي انو المادتين ماتعتمد على بعض كثير
وطبعا ماحتعرفي دا الشي غير من طالبات يكون درسو المواد دي
ونصيحة لاتسألي اي احد اسألي احد تعرفيه وتعرفي شخصيتو
لاتسألي وحدة تبالغ مررا ولا وحدة تهون مررا
شوفي وحدة معتدلة

وربي يوفقك يارب