تجاربي مع بعض استاذات قسم اللغات الاوروبية ( تعليم عن بعد )

[Reham_z]

السلام عليكم و رحمة الله وبركاته ..
في هالموضوع المتواضع حبيت اكتب بعض من تجاربي مع استاذات قسم اللغات الاوروبية و اتمنى الكل يستفيد .
الاستاذة حنان جبر / اخذت معاها ريدنق 1 و لسننق 1 بأول سمستر لي بالتخصص استاذة رائعة شرحها جميل وواضح متفهمة للطالبات وتحاول تساعدهم بكل الطرق تعطي كل ماعندها عشان تفيد البنات , دقيقة نوعا ما بالتصحيح واسئلتها متوسطة الصعوبة .
الاستاذة ريم سائحي / اخذت معاها ريدنق 2 و لسننق 2 شرحها جيد ومتعاونة مع البنات كانت تكتب التعاريف والكلمات والملاحظات المهمة ع الوايت بورد وفعلا ماطلعت عنها بالاختبار اسئلتها بالنهائي كانت واضحة وسهلة سواء مقطع الاستماع او قطع القراءة وتساعد باخر الترم سواء بواجب او اختبار تعويضي يعني بصراحة ماقصرت معانا ابدا . اخذت معها رايتنق 1 كانت جيدة نوعا ماا بس ماحسيتها تمام فيه مرة زي الريدنق واللسننق .
الاستاذة خلود السريحي / هذي لو اتكلم من اليوم لبكرة ماراح اوفيها حقها استاذة رائعة بمعنى الكلمة سواء اخلاق تعامل شرح اهتمام بالمادة .. ممتازة من جميع النواحي ومهتمة بالمادة اللي تدرسها ساعدتنا جدا وتعاونت معانا .. وكانت حريصة ع درجات البنات اعطتنا اختبار تعويضي اخر الترم وراجعت معانا المادة بمحاضرتين اي مادة معاها لاتفوتوها اخذت معاها مقدمة اللغويات .
الاستاذة مرفت الببلاوي / مادة الفرنسي : شرحها ممتاز ومهتمة بالمادة مشكلتها دقيقة بالتصحيح ويهمها السبلنق كثيرر .

اتمنى تستفيدوا من هالموضوع البسيط . تمنياتي للجميع بالتوفيق

[nour al3mr]

و عليكم السلام و رحمة الله و بركاته

الله يعطيك العافية و يبارك بك
معلومات مهمة و قيمة تفيد زميلاتك :)
أضيف لِـ :
||تجاربنا مع أستاذات قسم اللغات الأوروبية - طالبـــــات || ~ متجدد