مـــبـــروك للاتـــحـــاد السعودي :)

[الاهلاوي]

بسم الله الرحمن الرحيم

انتهت مباراة الاتحاد والعين بفوز الاتحاد 4 -2
الف الف مبروك

الشوط الاول انتهى 2 - 0 للاتحاد
الهدف الاول في الدقيقة الثالثة عن طرق محمد كالون فاول
الهدف الثاني عن طريق محمد نور

الشوط الثاني 2 - 2
الدقيقة اعتقد العاشرة بلنتي للعين بسبب عدنان فلاته
بعده على طول الهدف الثالث براسية جوب
الهدف الرابع عن طريق احمد الدوخي
الوقت بدل الضايع الهدف الثاني للعين

حقيقة انا مااتفرجت المباراة زي الناس لاني كنت شوية مشغول ولا كان فصلنا اكثر

بعد المباراة رحت النادي واتفرجنا على الهيصة الاتحادية فكرت اني اسجل بالجوال بس افتكرت انه جوالي بس للاهلي وزي الطيبين قبل ماادخل النادي غيرنا نغمة الجوال الاهلاوية عشان لا اتلطش وقابلنا اصحابنا الاتحادية والشماتات وعلى الله
بعدها رحت لجدي الاهلاوي وهذا كلامه انا مالي صلاح
مصير الساحر يموت
ههههههههههههههههههه

طفوا اللمبات بدري ما ادري ليه الفريق راح للعالمية يعني الين الصباح المفروض تكون الهيصة في النادي والمزمار زي العادة
بس ماادري ليه

سمعت شوية كلام ابغى اتأكد منه
الاتحاد حيعسكر بره قريب لبطولة العالم الي حتكون تقريبا بعد شهرين


ملخص كاس اسيا بشكل عام
شارك الاهلي والشباب في التصفيات الاولية ....الاتحاد على طول لدور الثمنية لانه حامل اللقب
اتأهل الاهلي لدور الثمنية وقابل شينزين وطلع منه
الشباب طلع من التصفيات الاولية والفريق الي اتأهل من مجموعته العين

كاس اسيا الجاية
حيشارك فيها الهلال والشباب


إن شاء الله عودة قوية للاهلي في السنوات الجاية عارفيين ليش
لانه في اخبار قريتها في اكثر من موقع وسمعتها من اكثر من واحد انه
امير القلوب الاهلاوية الامير خالد بن عبدالله حيكون في اعلى سلطة رياضية
حتكون التغييرات في الوقت القريب في هذا الشهر
يعني مع السلامة للظلم على الاهلاوية
وترجع ايامنا


والف الف مبروك