كيف اختار مشرفتي في الماستر

[airi]

(السلام عليكم و رحمة الله و بركاته)
طبعا زي مو واضح من العنوان حاليا انا في مرحلة الماستر و محتاره في اختيار المشرفة ..هل يشمل الاشراف جميع اعضاء هيئة التدريس يعني انا تخصصي وراثة هل اختار اي دكتورة في هذا المجال..واتمنى استفيد من تجاربكم لان انا من جامعه ثانيه و ما عندي خلفية عن اعضاء هيئة التدريس و تعاملهم ..

[زوزو الكمونه]

اذا تقصدي في جامعه الملك عبدالعزيز. ..يتم اختيار المشرف تلقائي من النظام من اول ماتم فبولك وتلاقينه في الاودس

[بيو كيميائية ^_^]

ايوا انت تروحي تكلمي الدكاترة و تشوفي اللي تناسبك اهتمامتها و شخصيتها

أما اللي تقصده زوزو فهذا المرشد و ليس المشرف

و فيه فرق بينهم لازم تنتبهون

[شمس العالم]

من تجربة مؤلمة

انصحك ..

1) يفضل يكون عندك موضوع للرسالة
2) تبحثي عن مشرفه في نفس التخصص و لها أبحاث منشورة أو اشرفت على رسائل قبل ..
3) يفضل تسألي عند طالباتها لان في مشرفات صعب التعامل معاهم و في مشرفات مهم قادرين على العملي و لا حتى كتابة الرسالة فدي حتكون لك هم و عاله ..
4) روحي للمشرفة اطرحي عليها فكرتك و تبادلي معها أفكارها. امكن في موضوع أفضل أو في مشكلة ما في موضوعك .. طبعا اذا اشرفت سابقا حيكون عندها معرفة باللي تواجهه الطالبات من صعوبات في التخصص..

5) استشيري

6) استخيري و اتوكلي


و ربنا يختار لك اللي فيه الخير