الســــــــنترا

[النجار]

السلام عليكم ،،،
ياشباب كيف ادخل على السنترا علشان احضر الدوره وكيف احمل برنامج السنترا ...
شاكرين حسن تعاونكم معنا ... واتمنى لكم التوفيق والنجاح،،،

[النجار]

الله يعطيكم العافيه .. اتمنى تردون علي بخصوص السنترا
موفقين

[المنسية]

تدخل على هاالرابط وتسجل دخول برقمك الجامعي قبل المحاضره بربع ساعة

http://centra.kau.edu.sa

[r_r]

^
ورقم السجل المدني بدون اول رقم

[rayana al harbi]

تدخلون ع موقع السنترا اللي حطته الاخت المنسيه وتكتبون رقمكم الجامعي بخانه تسجيل الدخول ورقم هويتكم بخانه كلمه المرور بس انتبهو اكتبو رقم الهويه بعد الرقم الاول يعني الرقم الاول احذفوه وابدأو من الرقم الثاني ويظهرلكم الجدول ...
وبالتوفيق انشاءالله ..

[المنسية]

شكراً للأخوات على توضيبح كلمة المرور نسيت اوضحها .

[وردة &&العشاق]

هلا اخويا النجار
هذا هو الموضوع اخذته من ملكه الليل واتمنى انو يفيدك انا مثلك كنت حايسه بس الحين الحمد لله واتمنى تسوي مثل ماهو مكتوب عشان يضبط معاك
عارفه طولت عليك هذا هو الموضوع


بالتوفيق للجميع
اختك
وردة العشاق







السلآم عليكم

الموضوع وباختصاار لآحظت إنو الأغلبيهـ مهم عارفين كيف يتصرفوو

او يعرفو طريقة السنترااا أو كيف ينزلووه

فانا قلت خليني اعلمكم بس على فكره الي حشرحو مهو تعليم عن بعد

الي حشررحوا دا انتسااب مطور

فيلآ يابناات حباايبي مع بعض اشرحلكم ووحده ووحده افتحوو

المواقع الي اقلكم عليها

بسم الله
آولآ :: تكتبي بجووجل على جاامعة الملك عبد العزيز

ثانيآآ ::تدخلي على أول راابط عندك

ثالثاآ :: يجيكي خيااراات فووق على شكل افقي مكتوب فيهاا

الجاامعة _ إداارة الجاامعة _الكلياات _ العمادات _المرااكز _

مرافق

تجي عند خانة العماداات

لو جيتوو عندهاا حيجيكم اووريدي خيااراات تضغطوا على ساادس

خانهـ الي هياا (عمادة التعليم عن بعد )

وبعدين تجيكوو برضووا خياراات على شكل عامودي الي هيا ::

إنجلش
خريطة الموقع
عن العمادة
الطلاب وهيئة التدريس

دي الأخيره الي قلتها طلآب وهيئة التدريس تضغطوا عليها وحجيكم

برضوا خياارات الي هياا ::
طلآب التعليم عن بعد
طلآب الانتساب المطور
نظام الخدمات الالكترونيه

والي بعدوو مالو داعي الخيارات ماتحتااجوها

المهم :::
تضغطووا على طلآب الانتسااب المطوور

حيجيكم خياارات

تضغطوا على طول على خطوات الإنطلاق بالنظاام

واهوو الحمدالله جيينا في صفحة تنزيل البرنامجين

بس في حااجه حقلكم عليها

الي عندها برناامج الجاافاا لاتفكر انها تنزلوو تاني مراا

لاانكم لو نزلتووه مرح يشتغل برنامج السنترا الي مرتبط بيه

واذا ماافهمتوو سوو الي قلتلكم عليه

المهم::
تنزلووا ياحباايبي لتحت مراااااااا
حتلآقو شرح للبرنامجين سنترا+ جافاا
تضغطووا على السنترا والجاافا وتحملووا

معلومات بسيطة للتحميل ::
لمن تجوو تضغطوا على البراامج عشان تنزلووها طبعا حيجيكم اختياارين انو يااتحفظووه او بس تفتحووه يعني كداا

فتح _ حفظ _ الغاء الأمر

انتو اضغطوو على الفتح

وانا سمعتها شخصيا من استااذه

قالت غلط نضغط على حفظ

وتحملو البرنامجين ونفس الطريقة تعملووها فتح للبرنامجين طبعاا

وحيجيكي خياارات عايديه زي انوو كيفية تطبيق البرناامج بالجهااز

حيجيكي خيااراات تضغطي على نكست ........وتكملي عليه الين

ماايجيكي كلمة فنش خلآص دا معناتو انو البرنامج نفسوو اتحمل

عندك

وكداا خلصت من شرح البراامج وتحمليها

نجي الحين لشرح كيفية ادخل على موقع السنترا نفسوو من بعد

مااحمل البرناامج

عشاان طبعا تقدروو تحضررووا المحاضراات

يلآ ::

نرجع من جديد لصفحة جامعة الملك عبدالعزيز ونضغط عالراابط

الاول

حتجيينا حباايبي خيااراات على اليميين الي هياا ::

الاكااديمية
السنه التحضيرية
الخدمات الالكتروونية

والي بعدوو كتير ومالوا دااعي

تضغطوا على الخدماات الالكتروونية

حتجيكي من بعدهاا صفحة كبيرررررة وكلها خيارات

تروحوا على :: نظام الفصول الإفترااضية سنترااا
9 سطر
حيجيكي اول شي على جنب جملة الي هياا


Select a Language

وجنبها مكان ضغط حق خياراات

هوا حطللك من عندوو انجليزي

انتي حوليه الصفحه لعربي عشاان تسهللك

ومن بعدهاا حتجيكي خاانة فيها تسجيل الدخوول

(الرقم الجاامعي حقك )
وكلمة المروور
(الي هياا رقم الهوية )
ملآحظه :: لمن تبغي تحطي رقمك السري الي في بطااقتك

ابداا لاتحطي الرقم الاول الي عاليساار

يعني مثلا ::10797777
دا من عقلي خرفتووا
المهم :: ابداا ماتحطي رقم 1
ابدأي من الصفر والارقام الي بعدهاا

وبس حتغطي على تسجيل الدخوول

وابدؤووا بتسمية الله

واستعمووا للمحااضره والله يوفقناا كلناا



كلمة اخيره قبل لآاغلق كل الي طاالبتو منكم من بعد المجهوود الي

عملتووو وربي عالم بنييتي من كتر مااقرأ بالممنتدى انو البناات

حاايسين ومو عارفين كيف يتصرفووا

ابغاكم تدعوولي انو ربي يحققلي طمووحي وااكوون دكتورة بعلم النفس

وانو ربي يحققلي الي ببالي

اللهم آآآآآآآآمين

[النجار]

الله يعطيك العافيه وماقصرتي والله يحقق لك كل الي تتمنيه في حياتك وتصيري دكتوره وعالمه وبريفيسوره في علم النفس واتنمنى لك التوفيق والنجاح

[النجار]

الله يعطيكم العافيه السنترا مو راضي يفتح ليه ياجماعة اذا كتبت رقمي الجامعي وكلمة المرور مايفتح مررررررررررره الاحتبارات قربت وانا تايه مع السنترا اذا عندكم حل ساعدوني الله يوفقكم ,,,

[النجار]

الله يوفقكم ماني عارف ايش اسوي اتمنى الرد على مشكلتي
موفقين