مارأيكم في هؤلاء الدكاترة ؟؟

[Harley]

السلام عليكم ورحمة الله وبركاته
اخواني .نزلت عند هشام كتوعة (تحليل ونظم).. وباشيخ (إستثمار).. وحمدي نصار(موارد بشرية) .. وصالح سبعان(إدارة عمليات) .. وحبيب تركستاني(تسويق) إيش رايكم ؟؟؟

[طالب mis]

[SIZE="4"]اهلين أخوي
هشام كتوعة أهم شي الحضور وتسليم الواجبات وتسليم الحالة الدراسية وأسئلته بسيطة تجد موضوع فيه الاسئلة حقة هشام
بالنسبة لاستثمار عند باشيخ أسمع كل خير عن الدكتور وبالنسبة للموارد البشرية عند حمدي خليه يعرف اسمك وتشارك معاه وانشالله 90 وصالح السبعان الحضور اهم شي يكون فل عشان تاخد درجة كويسة بالاخير
اما بالنسبة الى التسويق انصحك أخوي بعصام كتوعة ماحد نصحني عند الدكتور حبيب تركستاني

بالتوفيق لك يارب /SIZE]

[يلدرم]

الدكتور عبدالرحمن باشيخ جدا طيب وصراحة محاضرته حلوه والمنهج حلو وبسيط تخرج تفهم المطلوب

[n!ce]

هشام كتوعه افضل الموجودين في النظم وبعدين اذا جبت معه 40 وجبت صفر في كل الاختبارات ينجحك والـ 40 درجة هي حضور + واجبات ( تلخص درس من الكتاب ) + دورة اكسس + حاله واحنا الترم اللي فات ما طلب مننا الحاله
وحتى لو طلبها سهله , وغير كذا اسئلته حلوة بس اهم شيء تنتظم معه في الحضور وماتتاخر عن موعد المحاضره

حمدي نصار هذا الدكتور عسل نزل عنده موارد بشريه ولا تهتم لو مشيت معه تمام ابش ر بدرجه مره حلوة

صالح السبعان شباب كانو منزلين عنده اداره عمليات الترم اللي فات هو صحيح فلاوي لكن يطلب منك تروح لمصنع وتعمل تقرير او بحث المهم انه راح يطلب منك طلب مثل هذا , وفي الاختبار ما يصحح وفي الاخير درجاته كلها تقريبا 80 .

واذا تبي دكتور يعطيك حقك في الماده واكثر من حقك بعد فهو الدكتور سعود العيسى والله من افضل الدكاتره اللي مرو علي صحيح ان اسئلته مقاليه لكن يساعد كثير واهم شيء عنده الحضور + التفاعل وطلباته بس واجبات لكن اذا تبي دكتور فلاوي بس ما تضمنه في الدرجات فخلك عند السبعان اغلب الشباب يحبوه لانه الماده متعبه عشان كذا دايما شعبة السبعان فل

[Harley]

شكرا لكم .. أخواني .. ولكن .. ما رأيكم .. في الدكاترة .. كدة جدولي .. مرة تمام .. بالنسبة للمواعيد .. هل أحتاج أغير .. لدكتور تاني . ام لا .. الشباب .. سمعت منهم .. إنو دكتور حبيب .. كويس .. المشكلة .. عصام كتوعة فيها تعارض .. بإنتظار ردودكم .. الجميلة .. وشكرا لكم .. مرة ثانية . اخوكم :harley

[طالب جامعه]

هلا فهد كيفك

اسمحلي ما عندي خلفيه الا عن الكتور عصام كتوعه

الدكتور تمام ويعطيك حقك وزياده وعنده ملخص من 35 صفحه تذاكر منها يعني الكتاب لاتشتريه والملخص هذا لا تذاكره الا يوم الاختبار والاختبارات صح وخطا واختيارات بس عنده بحث من 30 درجه عن سلعه تطور او تعدل فيها

اتمنى اني افدتك واي سؤال انا حاضر

[Harley]

شكرا لك ... اخي .. انا عارف .. إنو الدكتور عصام كتوعة كدة طريقتو .. بس سؤالي كان على حبيب الله التركستاني .. شكرا لك .. مرة أخرى أخي الحبيب ..

[Wael07]

أنا سمعت عن حبيب إنو كل الطلاب ستينات سبعينات وأنسى يعطيك حقك والعهدة على الطلاب، وبصراحة أنا طالب تسويق وأشرد منه، وعندك رعد حبيب ماله أمان، وأنا أخدت عند عصام ومرة كيفت عنده (أخدت عنده قنوات توزيع في الصيف)

بالنسبة لإدارة عمليات فصراحة إذا كنت دافور وتبغى حقك وتبغى درجة حلوة بعد عن السبعان وخد مع العيسى وخليك المنسق حقه أو أجلسله دايما في الصف الأول وشارك معاه وتاخد عنده درجة عسل
أما السبعان من ٦٠ إلى ٨٦ والله ماتضمن عنده أي شي، وترا لايطالع في حضور ولا غياب ولا أبحاث ولازيارات وكله رمي درجات، الترم التاني شعبة من ٦٠ ل ٧٠ وشعبة من ٧٠ ل ٨٥ وانتا ونصيبك، بس اذا تبغى تفلها ومتفرق معاك الدرجة خد عنده على طول

[Harley]

والله إحترت .. ماني . عارف إيش أسوي .. ربي يستر .. شكرا على كل حال ..