الله يفتحها بوجيهكم يا طالبات وطلاب النظم ابي مشورتكم لاغير

[queen k.s.a]

السلام عليكم ورحمه الله وبركاته

كيفكم جميعا ان شاءالله بخير ؟؟!

الموضوع باختصار اني محتاره احذف ماده شبكات 370 والا لا لان جدولي مرررره ضغط منزلين لنا 6 كلها تخصص والمواد هي سلوك تنظيمي ومبادئ نظم التشغيل 222 ونظم اداره قواعد البيانات 240 وهندسه برمجيات 250 ومقدمه اداره مشاريع 334 ايش رايكم في الجدول احذف الماده والا لا فيه بنات قالوا لي انها سهله وان لابها سهل بس انا خايفه انو ينزل المعدل لانو سمعت كل ماده لها مشرووع واللي تدينا شبكات وحده اسمها ندين لبنانيه اللي عنده معلومه عنها ياليت يقولنا وحبيت اسال كمان كيف اسلوب الباكستانيه سارا يعني اختباراتها واسئلتها ياليت اللي عنده اي معلومه عن المواد ولاباتها واستاذاتها يفيدنا

وشكرا
لاتطنشون

[MeEnSAt]

وعليكم السلام ورحمة الله وبركاته

انا كنت باقول للبنات يحذفو ماجة من الترم دا لأنو مررة ضغط كدا ,, احنا كان دا الترم مررررة بئيييس معانا

انا اشوف لو تقدري تحذفي الشبكات طيب !

ما اعرف عن أ. نادين بس يمدحوها البنات

وطبعا كل مادة ببروجكت ما عدا السلوك التنظيمي

بالنسبة لأستاذة سارة تراها هندية مو باكستانية

واسئلتها على مزاجها ,, غالبا صح وخطأ واختياري وسؤال مقالي ( في الدوريات )

وفي النهائي انوااااع التحافة

بس قبل الاختبار هيا تقولكم نوع الاسئلة وتعمل مراجعة

وبالتوفيق

[queen k.s.a]

مشكوره ماقصرتي والله
وان شاءالله يحذفونها لنا

[Arwa A]

أنصحك ما تحذفي شي.. الخطة كدا تمام ويادوب تتخرجي خلال 5 سنين إذا مشيتي عليها
احنا أخذنا المستوى السادس بنفس هذه المواد وكان ماشي الحمدلله
الضغط موجود وحيبدأ من هذا المستوى والمستويات اللي بعده.. حتلاقي بعد كدا أنك مضطرة تاخذي 5 أو 6 مواد تخصص مع بعض وكلها بمشاريع.. لكن الحمدلله ميسّرة
نصيحة لا تحذفي وتتأخري وتاخذي المادة لوحدك بعدين ما حتعرفي مين يدرسها وكيف وضع الاختبارات
خذيها مع دفعتك دحين أحسن..
وبالتوفيق