هالمشكلة عندي و متعبتني ؟؟

[شخصية مستهدفة]

السلام عليكم ...

كيفكم يا حلوين ؟؟؟


بصراحه أنا عندي مشكلة رافعه ضغطي ...

و هي اني أجلس أفكر كيف أذاكر و أحس يضيع الوقت وما استفدت الشي اللي كنت اتمناه ...


يعني السيمستر هذا عندي

1- براكتيكم 1

2- مقدمة في الأدب

3- أبلايد

4- فونولوجي

كيف أبدأ أذاكر ؟؟؟؟؟

أمسك مادة مادة إلين ما أخلصها و لا أمسك جزئية ؟؟؟ايش المادة اللي تنصحوني أبدأ فيها ؟؟

والله هذي المشكلة جايبتلي قلق لأني أكون متحمسة و فجأة أحس تقل الهمة عندي !!!!

ايش أحسن طرق المذاكرة ؟؟؟

و ربي صرت كل يوم أحلم في الامتحانات و المذاكرة ... و أكثر وحده أحلم فيها د/ سوزان ؟؟؟

بلييييييييييييييييييز ساعدووووووووووني الله يجزاكم الجنه يارب

[حنين الود]

شوفي حتى انا بس لازم تعرفي اسلوبك الأول والشي الي ترتاحيله يعني انتي من النوع الي يمل من الماده ؟؟ او عادي عندك تخلصي الماده وتخلصي من همها كمان لو من النوع الي يطفش اقولك خلصي تشابترين من الفونولوجي بعدين امسكي الأدب مثلا قسم منه بعدين روحي للأبلايد تشابتر واحد وبعدين براكتيكم والأغلب الناس الي بيذاكروا بالطريقه دي عشان يذاكروا نص المنهج ليله الاإختبار ويراجعوه ويراجعوا الباقي وزي كدا بس انتي حابه تختمي المنهج قبل الإختبار بما انك انتساب مافي مشكله عندك
لكن انا اقول انو تخلصي من هم ماده وتبدأي بالتانيه وترتاحي من همها ياحياتي إبدأي قولي لنفسك حذاكر حذاكر بأي طريقه لو قعدتي تفكري ماحتبدأي زي طريقتي ترى هادي الأشياء من عقلنا الباطن عشان مانبغى نذاكر حطي في بالك حذااااااااااااااااااااااااااااااااااااااااااااااكر ان شاء الله واستعيني بالله وقبل ماتبدأي صلي ركعتين وقولي يارب سهل عليه انتا الي حتعينني حتى لو بسرررعه جربي وشوفي لاتردي على الموضوع هنا الا لما تحفظي الصفحه الاولى من الأبلايد طيب؟ يله جربي

[my-nana]

الله يفتح نفسك ونفسي ونفس كل البنات للمذاكره >>>
هذي الحاله نمر بها كثيرا
حاولي تكسري الملل عندك

[شخصية مستهدفة]

الله يعطيكم ألف عافية و يجزاكم الجنة ...

المشكلة عندي كل ما عزمت على المذاكرة أحس ألف شغلة تجيني و تلهيني لكني ناوية اليوم بإذن الله أختم introduction حق الأبلايد ...

تسلموووووووو و يااااااااااااااارب كلنا ننجح ...

[متخرجة حديثاً]

المشاركة الأصلية كتبت بواسطة حنين الود شوفي حتى انا بس لازم تعرفي اسلوبك الأول والشي الي ترتاحيله يعني انتي من النوع الي يمل من الماده ؟؟ او عادي عندك تخلصي الماده وتخلصي من همها كمان لو من النوع الي يطفش اقولك خلصي تشابترين من الفونولوجي بعدين امسكي الأدب مثلا قسم منه بعدين روحي للأبلايد تشابتر واحد وبعدين براكتيكم والأغلب الناس الي بيذاكروا بالطريقه دي عشان يذاكروا نص المنهج ليله الاإختبار ويراجعوه ويراجعوا الباقي وزي كدا بس انتي حابه تختمي المنهج قبل الإختبار بما انك انتساب مافي مشكله عندك لكن انا اقول انو تخلصي من هم ماده وتبدأي بالتانيه وترتاحي من همها ياحياتي إبدأي قولي لنفسك حذاكر حذاكر بأي طريقه لو قعدتي تفكري ماحتبدأي زي طريقتي ترى هادي الأشياء من عقلنا الباطن عشان مانبغى نذاكر حطي في بالك حذااااااااااااااااااااااااااااااااااااااااااااااكر ان شاء الله واستعيني بالله وقبل ماتبدأي صلي ركعتين وقولي يارب سهل عليه انتا الي حتعينني حتى لو بسرررعه جربي وشوفي لاتردي على الموضوع هنا الا لما تحفظي الصفحه الاولى من الأبلايد طيب؟ يله جربي

كلام سليم 100% ...
أنا من النوع اللي أمل بسرعة فكنت اذاكر شوي وارتاح شوي<<ارتاح شوي مو شويتين

<<الحمدلله افتكينا من غثا الدراسة...عقبالكم