ايش الافضل للصبف : Math205, EE202, IE256 ؟

[عبادي جدة]

السلام عليكم ..

بالنسبة للي أخذ أحد المواد الموجودة في العنوان .. عندي كم استفسار :

1- الماث 205 , مكتوب انه دوام كل الايام , هل فعلا داومتم طوال الاسبوع أم تم انقاص المحاضرات مثل مواد أخرى ؟
2- والجافا , هل فعلا في الصيف يختصر المنهج؟

3- بشكل عام , كم استغرقت دراستكم للمواد أعلاه , هل طوال الترم الصيفي , أم اختصر لشعبان فقط ؟ داومتو في رمضان ؟ الفاينال كان في بداية رمضان أم في نهايته كما هو مقرر؟

وشكرا

[سمران]

اعتذر انا انتساب

[الباش مهندس faisal]

شوف ياعسل ie256 انا اخدتها الصيف الماضي عند دكتور اسموا احسان الحق شديد بس اسئلتوا حلوه وسهلة من السلايدات الي يعطيكم هيا اضمنلك لو ذاكرتها تاخد اقل شي 85 وبالنسبة للماث 205 انا مااخدتها الين الحين بس يقولوا دسمة شوي الماده وماتنفع بالصيف مرا ودوامها كرف يعني افهمها انت. وبالنسبه للجافا ماعندي خلفيه كبيره عنها لكن اسمع انها بالترم العادي عند بالعمش الدرجات مش ولابد لكن بالصيف الله اعلم . ودعواتك يالغالي وبالتوفيييق يارب.

[الباش مهندس faisal]

وبالنسبه للدوام في المانجمنت افتكر ماخلصنا الا تقريبا 19 رمضان الفاينال هذا عيبها طولنا شوي بس انصحك تاخدها بالصيف حلوه مره وخد معاها جافا اشوف افضل من 205

[عبادي جدة]

المشاركة الأصلية كتبت بواسطة الباش مهندس faisal شوف ياعسل ie256 انا اخدتها الصيف الماضي عند دكتور اسموا احسان الحق شديد بس اسئلتوا حلوه وسهلة من السلايدات الي يعطيكم هيا اضمنلك لو ذاكرتها تاخد اقل شي 85 وبالنسبة للماث 205 انا مااخدتها الين الحين بس يقولوا دسمة شوي الماده وماتنفع بالصيف مرا ودوامها كرف يعني افهمها انت. وبالنسبه للجافا ماعندي خلفيه كبيره عنها لكن اسمع انها بالترم العادي عند بالعمش الدرجات مش ولابد لكن بالصيف الله اعلم . ودعواتك يالغالي وبالتوفيييق يارب.

المشاركة الأصلية كتبت بواسطة الباش مهندس faisal وبالنسبه للدوام في المانجمنت افتكر ماخلصنا الا تقريبا 19 رمضان الفاينال هذا عيبها طولنا شوي بس انصحك تاخدها بالصيف حلوه مره وخد معاها جافا اشوف افضل من 205

الله يوفقك يافيصل دنيا واخرة ..
بالنسبة للمانجمنت مكتوب انه المرعب برضه يدرسها , ما ادري هو افضل ولا احسان الحق ؟
والفاينال كان 19 رمضان , طيب المحاضرات انتهت متى ؟
بالنسبة للماث باصحح معلوماتك , المادة صارت سهلة مع المنسق عبداللطيف, شوف درجات الطلاب قبل وبعد .. وشكرا

[kaka -22]

وعليكم السلام
أنا زيك بانزل مانجيمنت وماث 205
لكن مشكلة الماث دوام كل يوم

كيف عرفت انه المرعب بيدرسها ؟ وين مكتوب ؟؟

[AbsolutioN]

المانجمت ماده جدا سهله

و بسيطه و لو ذاكرت السلايدات تضمن الـ 85
و عادتا تخلص من بدري ما تاخذ الصيف كله

و بالنسبه لـ 205 مثل ما قالو الشباب ما ده دسمه و تحتاج ترم عادي




والله يوفقك و يوفق الجميع

[الباش مهندس faisal]

شوف انا كنت محتار زيك الصيف الماضي اخدها عند المرعب ولا احسان الحق لكن بعد بحث وسؤال لقيت ناس مع دا وناس مع التاني وبالاخير رحت مع الاغلبيه والحمدلله اخذت درجه حلوه توكل وخدها عند احسان الحق بس بشرط لاتغيب ولاتتأخر مرا لانوا شديد شوي وبالنسبة للماث 205 انا عارف انها سارت سهله بس سئلت كذا مدرس خصوصي قلت كيف الماده قال الماده حلوه واسهل من اول كتييير بس دسمه شوي يبالها وقت وكمان بالصيف دوامها يوميا ساعتين وربي تقررررف حياتك مايمديك تذاكر حق الي اختوا اليوم الا وبكره معطيك دروووووس كتيرره والقرار الاخير لك وبالتوفيييييق يااااارب.

[الباش مهندس faisal]

دوام المانجمنت اصلا يومين بالاسبوع بس. (وخلصنا قبل الفاينال بأسبوع تقريبا ) ممكن على 14 رمضان.

[صقرر]

بالتوفيق .....