الى دكتوره رندامع التحيه

rosaline · #1 29-03-2009, 09:45 AM

السلام عليكم ورحمة الله وبركاته :

انا شفت اسماء الأستاذات بالنسبه للإنتساب في مادة 438 السيمانتيكس مكتوب عضو هيئة تدريس

ياليت لو تدرسنا استاذه منال التاودي وما تكون خوله زهران لأن اسئلتها مش واضحه ودايما تبغانا

نحفظ التعاريف كلها بالكتاب وما تعرف طريقة الأسئله اللي اتعودنا عليها مع استاذات الجامعه

غير انو درجاتها قليله وتبغانا نشارك في الكلاس زي الإنتظام مع اننا نكون مشغولين ايام الدوره اللي

عندها دوام واللي عندها اولادها واللي تدريب عملي ونرجع ما في وقت ابدا لأي شي

سهر · 29-03-2009, 10:29 AM

بالعكس اختي انا اخذت لغويات مع خوله زهران واخذت ترجمه مع منال التاودي شتان بين اسلوب الثنتين في الكلاس منال التادودي اما خوله صح انا معاكي مااحب انها تسأل وتبغانا نشارك بس هو لمصلحتنا في الاخر ..حبيت انقل تجربتي

rosaline · 29-03-2009, 11:21 PM

صراحه انا افضل استاذات الجامعه لأن عندهم خبره اكتر من استاذات الكليات الخاصه من ناحية

الشرح والأسئله لأن في تعاون بينهم بخصوص المطلوب من الإنتساب , اما استاذات المعاهد

والكليات يجو ما يعرفو ا كيف يتعاملو معانا وايش المطلوب منهم انهم يوصلوه للطالبات , اما

بالنسبه للترجمه فهي ماده سهله مهما كانت الأستاذه لكن السيمانتكس انا اعتقد منال التاودي صار

عندها خبره في تدريسه واذا كانت هي تقرا من الكتاب فخوله كمان بتقرا من الكتاب لأنه مو المنهج

اللي هي تدرسه في دار الحكمه واختباراتها تعاريف اغلبها حتى البنات كانو بيشتكوا من اسلوبها في

الفونيتيكس والسينتاكس و اللغويات الإجتماعيه والتطبيقيه

شهووووده · 30-03-2009, 05:04 PM

لااااااااااااااااااا إلا دكتورة منال التاودي
بالعكس انا مرررررررره احب انزل معاها مواد
شرحها واضح واللي تقوله تجيبه
وانسانه منظمة
ولغتها واضحه للكل
وتعيد وتزيد في الشرح الين تفهمي معاها
اسئلتها جدا رائعه
شورت ايساي واختيارات
ايش تبغوا اكثر من كذا
انتي انتبهي معاها
وشوفي لو ماجبتي معاها a+

صـــبا · 30-03-2009, 05:12 PM

المشاركة الأصلية كتبت بواسطة سهر

بالعكس اختي انا اخذت لغويات مع خوله زهران واخذت ترجمه مع منال التاودي شتان بين اسلوب الثنتين في الكلاس منال التادودي بس متنصصه على هالكرسي وبس تتكلم وكل كلامها ائ ائ ايئ اءء ااااءء اما خوله صح انا معاكي مااحب انها تسأل وتبغانا نشارك بس هو لمصلحتنا في الاخر ..حبيت انقل تجربتي

حرام عليك هذا شي من ربي
التأتأة مو بيدها
اهم شي انه كلامها واضح

وبعدين الترجمة مو بس تعتمد على الدكتورة لأنها تعتمد على مستواك في الانجلش وقواعد العربي كمان ..ماتقارني الترجمة بمادة ثانية

rosaline · 30-03-2009, 11:04 PM

اختي شهووده انتي فهمتيني غلط انا اقصد استاذه خوله اللي بيشتكوا منها البنات
من اسئلتها اللي ما تكون واضحه وتبغانا نحفظ كل التعاريف حفظ , انابالعكس نفسي استاذه منال تدرسنا وبنات كتير معايا هم كمان يبغو استاذه منال

سهر · 31-03-2009, 04:29 AM

حبيباتي انا ما اتريق على الانسانه بس والله اتشتت منها مدري ليه .......

الى دكتوره رندامع التحيه

قسم اللغات الأوروبية و آدابها