هل أستطيع التحويل من الفيصلية إلى المقر الرئيسي~

[Ms hanan]

السلام عليكم ورحمة الله وبركاته

سؤالي هو اذا كنت اقدر احول !
كيف احول !
ومتى؟
و إش مطلوب
انا ان شاء الله تخصصي حيكون انقلش
اتمنى تساعدوني لان الفيصليه مررره بعيد عن بيتي

[szoza]

والله ي قمر انا ززييييك بالزبط والسليمانية بيني وبينها دقيقة بالزبط والتمام الكمال وروحت وطلبت تحويل ورفضوا وبشدة خصوصاً لو كان عذرك مواصلات ومسافة اما لو شي صحي اوظروف مررررررررة صعبة يحولوكك ( او واسطة طبعا)

[Ms hanan]

طيب ايش اسوي اش دخل المرض ف مكان الجامعه
ايش دا انا مررره ماارتحت ل فرع الفيصليله الحين الفرع اللي ف
اللي قريب من حي الجامعه ايش اسمو
لاني اسمع اغلب البنات يقولوا السليمانيه؟؟؟

[szoza]

مدري عنهم
والفرع يب السليمانية
اعرف وحدة نقلت بس نقولها لظروفها ابوها مريض ع الفراش وما عندها غير اخو واحد يشتغل بالكامل برا جدة وراتبه ي دوب يكفي اهله وعلاج ابوه وما عندها اللي تدفعه للباص يبوا ظروف زي كدا

[Ms hanan]

الله يسترنا لهدرجة
ياااربي الله يسهلها

[ســآســآ]

تقدري تروحي اول يوم دوام للعمادة في الفرع الرئيسي شباك 4

راح يسألونك عن موزونتك اللي هي مجموع نتيجة كل مادة تضربينها في عدد ساعة المادة قسسمة عدد الساعات المجتازه

وبما انك انجليزي اكييد الموزونة المطلوبة تكون عاليه للتحويل الى الرئيسي

لو ماكان معدلك يسمح ششدي حيلك وحولي بعد ترم

وبالتوفيق

[szoza]

المشاركة الأصلية كتبت بواسطة ســآســآ تقدري تروحي اول يوم دوام للعمادة في الفرع الرئيسي شباك 4 راح يسألونك عن موزونتك اللي هي مجموع نتيجة كل مادة تضربينها في عدد ساعة المادة قسسمة عدد الساعات المجتازه وبما انك انجليزي اكييد الموزونة المطلوبة تكون عاليه للتحويل الى الرئيسي لو ماكان معدلك يسمح ششدي حيلك وحولي بعد ترم وبالتوفيق

رفضوا مرة قالت لي عندكم انقلش هناك لاني انا كمان انقلش بس برضو حرججع احاول وما يمنع انك تحاولي روحي وحاولي زي ما روحت وكلميهم لعل وعسى

[Ms hanan]

ربي يسسسسعدكم مشكورين مرا ربي يسههل

[ahlam gha]

السلام عليكم ورحمة وبركاته

اهلا عزيزتي اتمنى الله يسهل لك ويحقق الي في بالك

شوف حكاية النقل هذا الترم خلاص انسيها وابداي ادرسي
لكن .. تابعي تقويم الجامعة واذا جا موعد التحويل ادخلي من الاودس وحولي
واذا كان معدلك عالي راح تنتقلي بسهولة ان شاء الله


اما لو تبغي نصيحتي عن تجربة ..؟
اذا زي ما تقولي انتي تخصصك انقلش .. خليكي في الفيصلية لان الدراسة فيها اسهل بكثيرر من السليمانية
انا عن نفسي الان انقلش فالسليمانية وان شاء الله نهاية الترم بارجع الفيصلية



فالنهاية الله يسهل على الجميع امره يا رب .. وننال مبتغانا

[أقصى طموح]

صـــــــادقه
ahlam gha
انا ياما كلمت الدكتوره وقالت مافيه مايسمح النظام ويبغون ظرووف شديده ولا اقعدي في الفيصليه

المهم انا مثلك الفيصليه مره بعييييد عن بيتي وحتى أهلي ماكانو بيوافقون على تحويلي إنتظام لكن خبرتهم إن فيه تحويل للسليمانيه بعد سنه من دراستي في الفيصليه
وإن شاء الله نحول ونرتاح لو فيه خير

واهم شي تتابعي تقويم الجامعه أول مايفتحون التحويل الداخلي سجلي وان شاء الله يكون فيه تحويل بعد ترم مو سنه

لأن ذا الجامعه ماترحم التحويل بالذات يكون كل سنه مو كل ترم

بتتيسر إن شاء الله