!!::.. تشبهيـن البحـر ؟ ..::!!

[PACIFIC OCEAN]

تشبهين البحر ؟ قالت: أشبه البحر و تخافـه
قلت: يتشرد سنا نجمـه و لا تضمـا مرايـا .


تقربين لماه ؟ قالت: بيننـا فـرق و مسافـه !
قلت: كم يبعد سواد الرمش عن سود المنايا ؟!


يا الحبيبة : لا تلوميني علـى قـل الكلافـه
ما ذبحت الاّ الطعون و ما عزمت الاّ الحنايـا


سامحيني لو هزعت الغصن و أحزني جفافه
الظلوع اللي على خبرك على خبرك ظمايا


يومها ضاق الخيال بيمتي رفض و صلافـه
باقيٍ منـك الكثيـر و لابقـى منـي بقايـا


أدرج مثل النهار اللي لمـح ظلـه و شافـه
اطرقٍ مثل المشيب اللي غشا روس الخطايا


عاشقٍ هزة هواك و شاعرٍ ما أهتـز قافـه
قادها عيطا نشاش عضودهـا فـج و ملايـا


وين ما ريع عليه الليـل و الرمضـا خلافـه
لحف القمرى طرف بشته ونجماته عرايـا !


المهم اني عبـرت لعمر وادمتنـي ضفافـه
آآهـ يا قل الخطـا منـي و يا كثـر الرزايـا


كل ما عرج على قلبي هاك الطاري و حافـه
ساقني للموت طرف و ضحكةٍ بيـن الثنايـا


ما على حسنك كلام و لا على جرحي حسافه
ما خلق ربي جمال الا و لـك منّـه حلايـا


ايه يا ملح القصيد أنـت و يا عـذر ارتجافـه
لو عذاريبه تجيب بسيرتك صـارت مزايـا


من متى كان الخيار انتِ و كان الحلم تافـه ؟
يا بعد كـل الغيـاب و يا بعـد كـل الهدايـا


بس انا عندي سؤال ان كان مافيها كلافـه

تذكرين البحر ؟ قالت: و ألمسه بيـن الحنايـا !




























~




^



مُختارة من روائع الشعر للشاعر / مساعد الرشيدي ،،

أعجبتني و حبيت تشاركونني قرائتها ،،

بالغ التقدير ،،

[cOrAbEcA]

بس انا عندي سؤال ان كان مافيها كلافـه

تذكرين البحر ؟ قالت: و ألمسه بيـن الحنايـا !


جميلة جداً هذه المناجاة الهادئة..

أمتعتني شخصياً..

أشكر لك منحي هذه المتعة...

تحياتي

[كريستيانو]

ما أحلاها الكلمات وما اروعها

[نووونه]

كالندى اختيارتك


اخوي المحيط

ومن اجمل مافيها


يا الحبيبة : لا تلوميني علـى قـل الكلافـه
ما ذبحت الاّ الطعون و ما عزمت الاّ الحنايـا



مشكوره على الاختيار ..

تقبل مروري

[طالبة محاسبة]

يا الحبيبة : لا تلوميني علـى قـل الكلافـه
ما ذبحت الاّ الطعون و ما عزمت الاّ الحنايـا


سامحيني لو هزعت الغصن و أحزني جفافه
الظلوع اللي على خبرك على خبرك ظمايا
ياااااه ياذي الابيات لها ذكرى غير
تسلم عالكلمات الحلوة

[PACIFIC OCEAN]

	كورابيكا ، كريستيانو ، نــووونــــه ، طالبة محاسبة ، من ذوقكم و شرفني مروركم ،، أشكركم على تواجدكــم ،،