أنا متحير قبلوني ادارة اعمال وابي مستشفيات نفسيتي تعبانة

[عبدالله30]

اخواني اخواتي انا في حيرة من امري وتوتر انا سبق وان قدمت على الجامعة الملك عبدالعزيز العام الماضي وتم قبولي لانني مخطط ادرس ادراة مستشفيات لان عندي دبلوم مستشفيات وموظف حاليا في مستشفى لكن بعد القبول حضلت لي ظروف مادية ولا سددت رسوم القبول والصدمة الكبرى لي انه طلع قرار من الجامعة بإغلاق تخصص ادارة المستشفيات للانتسباب واقتصاره على الانتظام وصرت في حالة نقسية سيئة لاني فقدت الامل .. انا حاليا ادرس لي اول فصل انتساب ادارة أعمال في جامعة الملك فيصل بس المشكلة اني لو تخرجت من القسم هذا ما راح استفيد ابدا من ناحية الترقيات لاني معين على وظيفة بالكادر الصحي وليس اداري والكادر الصحي طبعا افضل في الرواتب يعني بتخرج وبحط الشهادة في الدولاب وبغفل عليها ولو بستفيد من الشهادة بستفيد في مستشفيات تعمل على بند التشغيل الذاتي بنظام العقود لانهم يهتموا بنوع الشهادة يعني لازم افصل من الوظيفة الحكومي واروح اقدم عندهم .. ولا ادري ايش اسوي هل اكمل او احد عنده نصيحة لي من واقع خبرته وهل احد سمع انه راح يفتح القبول للانتساب بادارة المستشفيات المشكلة الكل يقول لي ليش تدرس ادارة اعمال الحين ما دام تعرف انه ما راح يفيدك في جهة عملك وانا موظف في مستشفى حكومي بوظيفة حكومية بوظيفة فني سجلات طبية نفسي اتخرج بكالوريوس ادارة مستشفيات عشان اصير اخصائي ادارة صحية بس ما ادري ايش اسوي الحين انا في حيرة من امري واسف اذا طولت عليكم بس ما شفت متنفس لي الا هالمنتدى وانتم فيكم الخير والبركة .. ارجو النصيحة الله يجزاكم خير

[فهد ksa]

اخوي الكريم

انا من رأيي انك تكمل في تخصصك الاصلي ادراة مستشفيات

حسب علمي فيه بكالوريوس في تخصصك في جامعتنا

وانا اشوف انه الافضل لك

بس تأكد قبل تفصل من جامعة الملك فيصل

ان التخصص موجود ولا لا

واذا موجود استخر وقدم ع التسجيل مفتوح الى 1 _ 8 _ 1431

في الانتساب

وربي يوفقك الى كل خير

[انثى لامثيل لها]

الله يعيييييييييييينك ويسهل علييييييييييك

[مدوخ النمل]

اذا قفلوا القسم ياخي في جامعات ياكثرها اذا انت تبي انتساب ليش مصمم هذي الجامعة ...اذا فعلا ماتستفيد شي من الادارة وانت مش حاب الادارة لاتدرسها

[أنثى رائعة]

السلام عليكم اخوي عبدالله كيفك انا متخصصة ادارة مستشفيات وللأسف اللي سمعتة صحيح
هذا التخصص تقفل ومالك نصيب فية وهذي قسمتك ونصيبك لو ربي كاتبلك انك تتخصص فية ماكان صارلك الضرف االي ماخلاك تكمل تسجيلك في الجامعه ولكن هذي سواة الله ولااعتراض عليها كمل تعليمك والله يوفقك بغيت اسئلك من وين اخذت دبلوم ادارة مستشفيات اتمنى اكون افدتك وارجع اقولك لاتازل وارضى بمكتوبك دعواتك ياعبود.

[ابو عبدالهادي]

اخوي عبدالله انا مثلك بالضبط فني سجلات طبية متخرج من معهد الإدارة على الكادر الصحي في احد المستشفيات الحكومية الكبرى وماسك احد الادارات الحساسه بعد ، واول مادخلت الجامعة تخصصت ادارة مستشفيات والترم الماضي غيرت التخصص لادارة أعمال بعد نصيحة احد الدكاتره في المستشفى واحد الدكاتره ايضا عضو هيئة تدريس في معهد الإدارة، ونصيحه لوجه الله كمل في ادارة الأعمال ولاتحكر نفسك في تخصص ادارة المستشفيات يعني مالك الا مستشفى وانت عارف اخوي ومجرب وتعمل في مستشفى ان المستشفيات للأطباااااء والصياااااادله فقط والفرق ترى بالترقيه اذا انت تتكلم من ناحية ماديه ترى الفرق كله 1500 الى 2000 ريال بالكثيراذا اخذت البكالريوس وصار مسماك اخصائي وفي نفس الوقت حكرت نفسك في المستشفيات وماتدري وش مستقبلا وش يصير من ضغوطات على الفنيين وانت شايف بنفسك الزيادة الأخيرة الي جتنا ماتتعدد 700 ريال ولا تكون زيادة الظاهر ولا بعد عشر سنين اما في تخصص ادارة الأعمال بإمكانك تعمل في اي جهه سواء حكومي او خاص او حتى مثل ماقلت مستشفيات التشغيل الذاتي والرواتب افضل واحسن وتطوير اكثر وصدقني الوظائف الحكومية مثل ماقال عندنا دكتور في معهد الادارة انها مافيها خير لان التطوير والبعثات والدورات كلها للدكاتره(الأطباء) وصدقني ماراح تخسر وكمل ادارة اعمال وراح تتدعيلي

[عبدالله30]

مشكورة كثيرة انثى رائعة على مرورك وردك انا طبعا متخرج ادارة مستشفيات من معهد الأدارة بالرياض قبل خمس سنوات تقريبا .. حبيت التخصص بس مالي نصيب اكمل فيه

اتمنى للجميع التوفيق ودعواتكم

[عبدالله30]

اخوي عبدالهادي عاجز عن شكرك والله يعطيك العافية زين حصلت احد يفهم شعوري ودرس نفس مجالي .. واتمنى نكون على اتصال على طول .. وعطيتني بريق أمل بكلامك في اكمال الدراسة .. بس المشكلة للحين ادارة الجامعة ما حطت خطة للقسم وايش المواد اللي بندرسها وايش التخصص الفرعي موارد بشرية مثلا او نظم معلومات وخايف ان خطتهم تعتمد فقط عى المحاسبة او التسوق عاد هذا اللي ماحبه التسويق ..

[عبدالله30]

أنا أعمل في المستشفى الجامعي بالمنطقة الشرقية

[انثى لامثيل لها]

المشاركة الأصلية كتبت بواسطة ابو عبدالهادي اخوي عبدالله انا مثلك بالضبط فني سجلات طبية متخرج من معهد الإدارة على الكادر الصحي في احد المستشفيات الحكومية الكبرى وماسك احد الادارات الحساسه بعد ، واول مادخلت الجامعة تخصصت ادارة مستشفيات والترم الماضي غيرت التخصص لادارة أعمال بعد نصيحة احد الدكاتره في المستشفى واحد الدكاتره ايضا عضو هيئة تدريس في معهد الإدارة، ونصيحه لوجه الله كمل في ادارة الأعمال ولاتحكر نفسك في تخصص ادارة المستشفيات يعني مالك الا مستشفى وانت عارف اخوي ومجرب وتعمل في مستشفى ان المستشفيات للأطباااااء والصياااااادله فقط والفرق ترى بالترقيه اذا انت تتكلم من ناحية ماديه ترى الفرق كله 1500 الى 2000 ريال بالكثيراذا اخذت البكالريوس وصار مسماك اخصائي وفي نفس الوقت حكرت نفسك في المستشفيات وماتدري وش مستقبلا وش يصير من ضغوطات على الفنيين وانت شايف بنفسك الزيادة الأخيرة الي جتنا ماتتعدد 700 ريال ولا تكون زيادة الظاهر ولا بعد عشر سنين اما في تخصص ادارة الأعمال بإمكانك تعمل في اي جهه سواء حكومي او خاص او حتى مثل ماقلت مستشفيات التشغيل الذاتي والرواتب افضل واحسن وتطوير اكثر وصدقني الوظائف الحكومية مثل ماقال عندنا دكتور في معهد الادارة انها مافيها خير لان التطوير والبعثات والدورات كلها للدكاتره(الأطباء) وصدقني ماراح تخسر وكمل ادارة اعمال وراح تتدعيلي

انا نفسي بهالتخصص ,, بس ما اعرف وشلون طبيعة عمله ..؟
يعني ماتنصحني ادخله ؟