][ وللدفْرنة عُشّاق ][

[asma'a]

السلام عليكم ورحمة الله وبركاته .. كيفكم حاسوبينا وحاسوبياتنا ؟! ي رب تكونو بخير وصحة وعافية طبعن زي ماهوا باين من العنوان .. الموضوع حيكون فيه كمية دفرنة مش طبيعية بإذن الله الفكرة ومافيها .. انو حنعمل قروب مذاكرة .. كل يوم أو ع بداية كل أسبوع .. حنعمل جدول عشان نذاكر ونتناقش في اللي ذاكرناه .. يعني حنفتح موضوع جديد.. ودا الموضوع حيكون مُغلق ^^.. عشان حنحوط فيه الجدول الأسبوعي للمواد.. وطبعن الجدول ممكن أنا أعمله .. وممكن أي وحدة أو أي واحد منكم يعملوو ويحطو هنا في دا الموضوع ونعتمدوو في موضوع الجداول بإذن الله .. طبعن ليش حيكون مغلق ؟!! عشان مانبا نكثر ردود ع الموضوع ويصير الواحد لو يبا يدور ع الجدول يحوس بين المشاركات لين يطفش ويسكر كل شيء :P .. وبعد مانخلص كل شابتر .. حنفتح موضوع ثاني .. <== المواضيع ببلاش دا الموضوع مثلا حيكون اسمو كذا .. "مناقشة شابتر 7" لأنه اول شابتر في مادة البرمجة حنذاكرو إن شاء الله .. الغرض من دا الموضوع .. انو كل شخص قرا الشابتر .. يحوط النقاط المهمة فيه .. ولو مثلن احد احتاج شيء في دا الشابتر .. يُكتب سؤاله هناك .. واحنا الدوافير ماحنقصر معاه ان شاء الله .. وفي الاخير حنحوط فهرسة للأشياء اللي عملناها داخل موضوع الجداول .. عشان تكون المرجع الرئيسي للناس الدوافير اللي هما احنا ^^.. يالله نقول بسم الله طبعن عشان فاتتنا اسبوعين .. فحيكون فيه خيارين للمذاكرة .. واللي يناسبكم اختاروه ^^.. أول خيار .. ان الدوافير يذاكروو اليوم شابتر 7 للبرمجة .. وبكرة نذاكر سكشن 3.11 للرياضيات وتحلو معاه اللاب شيت حق البرمجة .. والسبت حنذاكر تراكيب متقطعة .. ^ انا كتبت دا الجدول للتخصص سي اس .. لأن مااعرف كم الأقسام الثانية خلصو في المواد المش مشتركة .. لكن مايمنع إنو الآي تي يذاكروو معانا البرمجة والتراكيب .. والآي اس يشاركونا في البرمجة ^^.. لأن دي المواد الوحيدة المشتركة بيننا دا السمستر ثاني خيار .. تذاكرو اليوم نص شابتر 7 .. يعني مثلن توقفو لـ 7.4 .. ونص الرياضيات .. لأن فيه ناس تتنح من حل المسائل الكثيرة .. أو من الدش الكثير وبكرة تذاكرو النص الباقي من الاثنين .. بالاضافة لحل بعض تمارين اللاب شيت .. ويوم السبت تراكيب + تكملو الحل الباقي حق البرمجة ^^.. <== التراكيب الحمدلله سهلة .. يعني يمدينا نحوط معاها أي شيء باقيلنا طبعن عشان نرتاح في الأخير .. حنضطر نضغط نفسنا دا الويكند ^^.. واحنا اللي جنيناه ع نفسنا .. وان شاء الله من الأسبوع الجاي .. حتكون المذاكرة أول بأول .. والاستفسارات حتنحط اول بأول .. وحنصير بجد عُشاق الدفرنة واللي ليه في الفوتوشوب .. ي ليت يسويلناعبارات حماسية .. زي انا دافورة .. انا دافور .. وغيروو وغيروو .. عشان ننقل لنفسنا ايحاءات ايجابية .. ونصير دوافير بحئ وحئيئي ^ طبعن لاحظتو اني كتبت دوافير 660 مرة .. أي أحد عندو تعديل ع الفكرة أو إضافة ؟!! بانتظاركم بالتوفيق ي دوافير * تنسيق الخلفية بعيد عن الدفرنة .. بس الصراحة مافيا اسوي خلفية ثانية .. ومافراسي فكرة تبين محتوى الموضوع .. في المستقبل القريب حغيرها ان شاء الله دمتم بخير

[ابتسامة الاميرة]

سلام سوسو
ماشاء الله عليك وعلى افكارك منورة
يشرفني اكون اول صوت يؤيد فكرتك خصوصا ان عندنا كويز في اللاب الاسبوع الجاي وواجب تراكيب > بالرغم من اننا مالحقنا نبدا دراسة اصلا
و باذن الله اي مساعدة حكون عند حسن ظن الجميع إن شاء الله

[asma'a]

المشاركة الأصلية كتبت بواسطة ابتسامة الاميرة سلام سوسو ماشاء الله عليك وعلى افكارك منورة يشرفني اكون اول صوت يؤيد فكرتك خصوصا ان عندنا كويز في اللاب الاسبوع الجاي وواجب تراكيب > بالرغم من اننا مالحقنا نبدا دراسة اصلا و باذن الله اي مساعدة حكون عند حسن ظن الجميع إن شاء الله

سلام حبيبي

يسعدلي قلبك يختشي

وربي حمستيييييييييييني

والنوور نوورك ي عسل

ي رررررررب نلاقي ناس كثير تشاركنا ونحقق الاستفادة المرجوة من الموضوع

وكمان لا تنسي عندنا اختبار تفاضل وتكامل في أي يوم من الأسبوع الجاي .. كويس انها قالتلنا ولا حيكون اختبار انتحاري

بالتوفيق حبيبتي

ماننحرمشي

دمتـِ بخير

[Hamsa }~]

يـآختييير انت ياأبو الأفكار الختييرة << ماتفرق بي الطـآء والتآء

مـآشاء الله فكرة قليل في حقهـآ أقول رووعة ،، أكثر من الروعة ..

ان شاء الله نتشـآرك فيها كلنـآ وتعود بالنفع ع الجميع ..

الله يخليلنـآ هالدمـآغ ..

يسلمو يـآقمر ..

موفقة يختشي

[asma'a]

المشاركة الأصلية كتبت بواسطة hamsa }~ يـآختييير انت ياأبو الأفكار الختييرة << ماتفرق بي الطـآء والتآء مـآشاء الله فكرة قليل في حقهـآ أقول رووعة ،، أكثر من الروعة .. ان شاء الله نتشـآرك فيها كلنـآ وتعود بالنفع ع الجميع .. الله يخليلنـآ هالدمـآغ .. يسلمو يـآقمر .. موفقة يختشي

ي لبااااااااااااا انتي :$ والتاء والطاء فداكي

يختي وربي انك اروع واروع :$ مااننحرررررررررررررشي من التشجيع :$

ان شاء الله حنتشارك ونوصل للي نباه ان شاء الله :$

ويخليكي ليا ي ألبي

الله يسلمك ويوفقك ويحقق امانيكي

دمتـِ بخير

[قلب ينبض لله ~]

ماشاء الله =d
الله يقويكم جميعًا ^__^ .. وينفعكم بعلمكم .. ويعلمكم اللّي ينفعكم .. ^^
معاكم إن شآء الله بالتراكيب

[SoSoooo B]

ماشاء الله تبارك الله يسعدك ياارب فكرة حللللوة زيك يالبي <3
انا معاكم ان شاء الله <3
بالتوفيق للجميع

[n3omh]

ىآقلبى انتى ..,


من جججد كنت اتمنآ نعمل شى زى كدآآ ..,

أنا معآآكم وبقووة *_^

[asma'a]

المشاركة الأصلية كتبت بواسطة قلب ينبض لله ~ ماشاء الله =d الله يقويكم جميعًا ^__^ .. وينفعكم بعلمكم .. ويعلمكم اللّي ينفعكم .. ^^ معاكم إن شآء الله بالتراكيب

آميييين أجمعين

ربي يجعل كل الدعوات الحلوة دي في موازين حسناتك ي ررررررررب

ي لبا انتي

يالله افرحي دي اليومين .. عشان يوم السبت تكرفي معانا

بالتوفيق حبيبتي

دمتـِ بخير

المشاركة الأصلية كتبت بواسطة sosoooo b ماشاء الله تبارك الله يسعدك ياارب فكرة حللللوة زيك يالبي <3 انا معاكم ان شاء الله <3 بالتوفيق للجميع

ووووووووه ي ألبي ووووه

سوستي زمان عنك يختي :p .. الله يسامح الجامعة حرمتنا من الهروج

ارسليلي جدول بريكاتك عشان ادق عليكي واطفشك

ويسعدك ويحقق امانيكي ي بطتي

بالتوفيق

دمتـِ بخير

المشاركة الأصلية كتبت بواسطة n3omh ىآقلبى انتى .., من جججد كنت اتمنآ نعمل شى زى كدآآ .., أنا معآآكم وبقووة *_^

طيب يالله دحين روحي ذاكري برمجة

ولو تبيني اراقبك وادقدق عليكي عشان اطمن .. انا لها

بالتوفيق حبيبتي وان شاء الله ننجززززز

دمتـِ بخير

[رورو الغامدي]

سلام اسومه وسلام لكل البنوتات الدوافير
انا معاكم اقوى شيء فكره مره جنان الله يديك العافيه
مره حمستوني على المذاكره ربي يسعدكم يالله

لنبدأ القـتال ونجعل شعارنا لنقاتل حسيت نفسي في حرب مو في جامعه من زود الحماس اعذروني
مره شكرا للموضوع nice .
سامحوني على الاطاله ولي عوده بإذن الله للمشاركه في الموضوع .