ابغى عرض الشرائح لمادة القران الكريم للأستاذة حنان باحمدان

[zainab]

الله يسعدكم ويوفقكم اختي من يوم ماخلصت الدورة الين اليوم وهي تدور على عرض الشرائح عشان اختبار القران والين دحين مالقته
ورحنا الجامعة على اساس اني احملو لاختي في الusb بس قالتلي استاذة حنان انو ممنوع وماتقدر تحملي العرض عشان تقدر اختي تذاكر وقالتي تلاقية في موقعها وموقعها مو راضي ينفتح اصلا
قالتلي خديه من هيئة اعضاء وعضوات التدريس وماني عارفة كيف اوصل لده الشيء
اللي يعرف لايبخل علينا لو سمحتوا الله يعطيكم العافية ويسعدكم اللي يعرف واللي ما يعرف ...

مشكووووووووورين
بس الرد ياريت يكون سرييييييييييع لان الاختبار في 3صفر وكلها كم يوم ..
الله يسهل عليكم ...
آآآآآآآآآآآآآآآآآآمين..

[zainab]

مافي احد عنده دي المادة
ولا احد طيب يعرف من فين اقدر اوصل لهيئة اعضاء وعضوات التدريس
لو سمحتو الاختبارات ما باقيلها شيء

[طالبة متميزة]

حبيبتي
ادخلي على موقع الجامعه ..
في الصفحه الرئيسيه ع جنب مكتوب (بحث)

اكتبي في المستطيل حنان باحمدان .. بحث
وادخلي على موقعها .. حتلقي مكتوب صفحة الترشيحات المهم ادخلي ع ملفات .. بعدين اخرى .. وحتلقي كل الملخصات هناك .. ادعيلي معاك وطمنيني بعد ماتلاقيها .. وموفقه يارب

[zainab]

يا اختي الله يعطيكي العافية وموفقة ياارب
امين
بس موقع الجامعة ما ينفتح ليش

[طالبة متميزة]

حبيبتي يمكن جهازك فيه شي انا طول الوقت ع موقع الجامعه

[طالبة متميزة]

لوتبغي الملخصات مني ممكن انزلك هيا
وع فكره الاختبار تأجل ليوم السبت 8/2

[zainab]

ايوا الله يعطيكي العافية
انفتح معاي الموقع وحملتها الله يجزاكي الجنة ويوفقك ..آآآآآآآآآمين ..
مشكووووووورة
معلية مارديت عليكي في ساعتها انو انفتح معايا ووصلت للي ابغاه لاني بعد ماحملتها علق عندي الجهاز وما قرت اردلك معلية يالمرررة اسفة تعبتك معايا الله يسهل عليكي وينجحك في اختباراتك..آمين

[zainab]

معلية لو اقدر اسئلك عن الدكتورة سامية بخاري من فين افدر اعرف ساعتها المكتبة عشان انا رايحة الجامعة يوم الاربعاء وابغىاعرف اذا عنده ساعات مكتبية في يوم الاربعاء ولا لأ..
الله يعافيكي

[طالبة متميزة]

ياقلبي بنفس الطريقه اللي دخلتي فيها موقع أ. حنان ادخلي ع موقع أ.ساميه بخاري وشوفي ساعاتها المكتبيه

[طالبة متميزة]

هيا ياحلوه مين قدك
أنا دخلت ع موقعها وجبت لك ساعاتها المكتبيه
من الساعه 12 الى 1 في مبنى 13 رقم مكتبها 5_6