::{ كَيف تَعَلَّمتُ اللُّغَة الإنْجِلِيزِيَّة ! }::

[تغريد الغدي]

ما شاء الله تبارك الله


ربي يوفقنا جميع

أما بالنسبه لي أنا فمرحلة الابتدائية ما كان فيها انجليزي على وقتي وحظي
المهم في المتوسط ما كنت حول اللغه حدي حدي كلمتين اعرفهم وخلصنا في الثانوي فجاة صرت اعرف أجاوب على الكلمات اللي تطلبها مننا المعلمة كيف وليش ومتى ما ادري
بعدين ما كملت دراسة وتزوجت ومن قعدة البيت مليت قلت مالك الا الدراسة ودخلت انتساب لغة عربية لانو مافي غيرها انتساب بجامعة الباحة بالرغم اني متخرجة من العلمي لكن العمر فات علي واضطريت ادخل عربي وما فيها ولا شيء انجليزي , والحمد لله تخرجت ونقلنا جدة وقدمت على مدرسة عالمية للتوظيف والحمد لله بفضل منه وبفضل من رضى أمي علي ودعائها لي شاءت الأقدار انو اتوظف عندهم مديرة قسم رياض الأطفال وطبعاً ما اعرف أتكلم انجليزي ابدا افهم منهم شويات لكن مو مرة اضطريت انو ادخل دورة لغة انجليزية ودخلت والحمد لله المستوى الاول والثاني تمام اخذت الثالث والرابع وتنكت وخلصنا

الحين بعملي وأنا من النوع الخجول استحي اتكلم لانو أخاف أغلط و أنا عارفه انو كذا مو صح لي لانو ما راح اتعلم لكن مو بيدي هذا من ناحية من ناحية ثانية صرت انسى الكلمات اللي تمر علي يمكن زهايمر ههههههههه

يوة نسيت اعلمك انو لي 11 شهر بالوظيفة
بس ان شاء الله نتغلب على هذا كله واكيد لو احتاج مساعدة ما بتقصرون معي


وسلامتكم