اذا سمحتوا ممكن؟؟

[بشاشه]

سلام..ياحلوين بخصوص مادة أساليب الكتابه العلميه ...
انا شلت الماده بس ما ابغى ادرسها هذا الترم عادي احذفها؟؟
ودي والله احذفها بس خايفه اندم!! ايش رايكم؟؟
احس المواد الي نازله لقسم علوم حاسبات يبغالها كثير موشوي
والاساليب يبغالها بحث ما حاعرف أوفق بينهم! وإلا؟
شوووووووووروا علي؟؟
ومنكم نستفيد. ومشكورين كلكم

[شيهانه جهينه]

الكل اخذها ياخت بشاشه وربي يسر الامور
الماده سهله يعني بامكانك تجيبين فيها b
بسسسس شدي حيلك
والافضل انك تاخذينها من الان وترتاحين فيها
وانصحك لا تغيرين بالجدول شئ
مجرد رأي

[بشاشه]

شكراا انك رديتي... بس انا خايفه من البحث الترم الفات مازبطته عشان كذا
وكمان يمكن تجي استاذه غير الي درستني الماده في البدايه لانها ما تعجبني..
والمواد الباقيه لازم أشد حيلي فيها . ما ادري كيف!!

[شيهانه جهينه]

شوفي نصيحتي لك خذي موضوع عليه القيمه وله وزنه

لا تاخذين شئ سطحي مثلا يوتيوب او برنامج لا خذي شئ عويص
بحيث انك لو بحثي تقدرين تطلعين كلام كثير

وتلقين له بحوث سابقه
الماده ماعتقد فيها شئ صعب
شدي حيلك وخذيها الان وارتاحي

[P!nk ink]

هلا اختي ..

شوفي ماحيكون البحث والمادة كلها صعبة عليك زي اول لانو عندك خلفية عنها ..

والبحث سهولته وصعوبته تعتمد على إختيارك لــ سؤال البحث ..!!

ولازمـ تعرفي ان هذى المادة رغمـ اننا كنا متذمرين منها إلا إنها حتساعدنا كثير
في السنوات الجاية ..

نصيحتي لك شيليها من دحين لانه باقي في عقلك اشياء منها فاكرتها
ولو خليتيها بعدين صدقيني حيكون كابوس على قلبك ودك تخلصين منه ..

والرأي الاول والاخير لك ..
استخيري .. والله يكتب لك اللى فيه الخير

بالتوفيق للجميع ..,