نموذج التخرج للطالبات

[alwan]

السلام عليكم..انا حتخرج هذا الترم باذن الله..وابغى اتاكد من بعض المعلومات اذا ممكن..
اولا..انا من برة جدة و ما اقدر انزل جدة الا للاختبارات فهل لازم اسلم نموذج التخرج في تاريخ محدد؟؟ وللا عادي ايام الاختبار؟؟
ثانيا..انا حصلت نسخة من نموذج التخرج لكن مسحوب سكان فهل ممكن اعبيه و اسلمه و للا لازم اجيب واحد اصلي؟؟

[white rose]

وعليكم السلام ورحمة الله وبركاته

هلا اختي والله يتمم لك تخرجك على خير

تقدري تسلمي نموذج التخرج لمن تنزلي للاختبارات بس حاولي قبلها بكم يوم تقدميه افضل

ولا جيبي واحد اصلي من استاندات العمادة بس وضع النموذج عشان تعرفي الورقة بمجرد انك تشوفيها لكنهم هناك يوفرونها لكم واذا لا قدر الله ما لقيتيها تكلميهم وهما يعطونك النموذج بس العادة يكون فيه نماذج كثيرة بالاستاندات ،،

الله يوفقك :-)

[alwan]

مشكورة اختي..جزاك الله خير..يعني افهم من كلامك اني اذا رحت قبل الاختبارات باسبوع مثلا و عبيت النموذج و رحت اسلمه ما حيقولولي موعد الاستلام انتهى..عشان سمعت انه الاستلام حيبدأ بعد اسبوع من الآن

[white rose]

المشاركة الأصلية كتبت بواسطة alwan مشكورة اختي..جزاك الله خير..يعني افهم من كلامك اني اذا رحت قبل الاختبارات باسبوع مثلا و عبيت النموذج و رحت اسلمه ما حيقولولي موعد الاستلام انتهى..عشان سمعت انه الاستلام حيبدأ بعد اسبوع من الآن

العفو اختي واياك

لا ما يقولو لانك من برى جدة وصعب حضورك من قبل هالموعد والعادة يتفهمون وضعك وما يدققون كثير اذا خبرتيهم انك من خارج جدة خاصة

والاستلام هما يحددوه بوقت معين لكن ما يلتزمو فيه كثير اعرفهم سلمو اوراقهم ايام الاختبارات كمان وعادي مشو الورق وانتبهي مبنى العمادة للقبول والتسجيل نقل لمبنى الشئون 65 اللي جنب ال420 في الدور الثاني ،،

بالتوفيق :-)