مآهي طريقتكـ في مذآكرة المواد الأدبيه ? دعوه للجميع :شآركونآ تجآربكمـ

[لصممتي حكممه]

السلآم عليكم ورحمة الله وبركآته ..



الاغلب مننا محتار في الطريقه الصحيحه لمذآكرة المواد الادبيه ,..


درامآ , فيكشن , بويتري , مودرن , شكسبير ,..


نبغى نعرف من خلال تجآربكم الناجحه كيف ذاكرتوا هذي الموآد ,, وكيف كانت خطواتكم


الصحيحه,..


يعني في الاول نقرأ النص ونترجم بعدين نقرا التحليل ولا نقرأ السمري بعدين التحليل ولا كيف بالتحديد


لازم تكون ,..


يآاليت الكل يشارك لان كثيير راح يستفيد ان شاء الله ,..


وشكرآ ..

[anoodah]

مشكووووره عيوني ع ذا الموضوع والله لازم منه ياليت يتعاونو معانا انا عندي فكشن ودراما

[لصممتي حكممه]

ياليت والله ،،

الله يوفقك حبيبتي

[الملاك الأبيض]

صبااحكم سكر وطيب وعنبر

بالنسبة للمواد الادبية من خبرتي المتواضعة بكتب لكم كيف كنت اذاكرها لانو أخذت مادتي الدراما والبويتري من قبل .

بالنسبة لمادة الدراما كانت برضو مع ميس ايمان بوترعة وللامانة كانت راائعة جدا على صعيد الشرح وكذلك الاسئلة وان شاء الله مع منهجكم الجديد تكون بنفس روعة اداءها ..
طبعا المادة عبارة عن مسرحيات معكم ثلاث مسرحيات تقرأوها وتترجمو الكلمات الي تحتاج ترجمة ليسهل فهم المسرحية .. وبعدين تروحو تقرأو التحاليل الي نزلوها البنات من النت اطبعوها عندكم واقرأوها واكثر موقع تركز عليه ميس ايمان هو ايه نوتس . فركزو عليه . اقرأو التحليل وخذوا فكرة عن تحليل كل شخصيه ودورها وتحليل السومري والقصة ككل . هذي القراءة المبدئية وطبيعي تحسو بتشويش لاول مرة او صعوبة . لكن بعد ماتبدأ الدورة التأهيلية راح تشرح الميس كل مسرحية وتعطيها حقها بالشرح وبالتركيز على نقاط معينة . دورك هنا انو تركزي على هذي النقاط وتأشري عليها واعرفي انو اكيييد راح تجيب منها في الاختبار . والحلو في ميس ايمان لما تقول هذا مهم اعرفو انو راح تجيب منه وفعلا في الاختبار ماتخرج عنه .. فالمعلومات الي تذكرها جداا مهمة .. ثاني شي احنا الترم الي فات قبل ماتبدأ بكل مسرحية كانت تعطينا نبذة عن الكاتب وعن العصر الي عاش فيه وتقارن بين العصور الي عاش فيها كل كاتب من الكتاب الثلاثة .. واعطتنا ملفات عن هؤلاء الكتاب لأخذ نبذة ولمحة عن حياتهم وكانت مطلوبة معانا هذي المعلومات في الاختبار واجت على شكل اختياري .. وإن شاء الله لو طلبتها منكم انو تعطيكم الملفات بدري حتى تقدروا تعرفو هالمعلومات بدري .. سألتي كم مرة تقرأي التحاليل حتى ترسخ ؟ كحد ادنى ثلاث مرات يبغى لك تمشي عليها >>وطبعا قدرات الناس واستيعابهم يختلف من واحد لاخر لكن حطي في بالك انو كل ماقريتيها اكثر كل مارسخت المعلومات اكثر وكمان كل مرة تفهمي شي اكثر .

اختبار الدراما كان عبارة عن اختياري عليه عشرين درجة كان عن الملفات الي اعطتنا اياها عن الكتاب والعصور الي عاشو فيها وخصائص كل عصر , كانت الاسئلة اختياري على هالقسم ..
وبعدين جابت لنا اسئلة مقالية كانت تسأل عن كل مسرحية مثلا البطل الفلاني ليه تصرف بهالطريقة واكتبي الجواب لايقل عن 8 اسطر مثلا .. وبعدين جابت ايساي ماني فاكرة كم ايساي بس اتوقع جابت اثنين كحد ادنى وكانت تبغى ايساي بمقدمة و3بودي وبعدين خاتمة . وتطلب انك تتكلمي عن نقطة معينة . مثلا لماذا انتهت القصة بهالشكل وهل لها علاقة بخلفية البطل ؟ يعني اسئلة كذا وانتي طبعا تكوني فاهمة القصة تماام ومارح يكون صعب انك تلاقي كلام تكتبيه فلا تخافو من هالناحية . وميس ايمان صراحة رائعة فيما يخص الدراما واهم شي تركزو معها في الكلاس وتركزو على كلامها وابدو بدري في موادكم وان شاء الله موفقين وفالكم اعلى الدرجات


ثاني شي مادة البويتري .. مع ميس سهام اخذتها وهالترم راح تكون مع ميس خديجة لاشك الاسلوب في الشرح يختلف ولكن اسلوب المذاكرة اتوقع راح يكون واحد .. اقرأو الاشعار وضروري تترجمو الكلمات الصعبة حتى تفهمو القصيدة وبعدين اقرأو التحليل تبع كل قصيدة وافهموه وفي الاختبار جابت لنا ايامها اختياري وكمان ثلاث ايساي وطلبت نشرح 3 قصائد . كانت طريقة الشرح بكتابة العناصر لكل قصيدة ومن الكاتب وفي اي عصر وغرض القصيدة وموضوعها واسلوبها ..الخ من عناصر الشعر .. طريقة ميس سهام كانت قبل كل قصيدة تقول الكاتب للقصيدة والعصر الي عاش فيه حتى تعطينا فهم اكثر للقصيدة وسبب كتابتها بهالشكل .. كانت هالمعلومات مو مهمة ولكن كفائدة وكان اهم نقطة في الكاتب اسمه والعصر الي عاش فيه ..


موفقين يااارب . اتمنى اكون افدتكم بشي واعذروني على الاطالة ^^

[لصممتي حكممه]

ملوووووووكه


اش اقول غير الله يجزاك كل خير ويرزقك بجنات الفردوس ويوفقك وييسر لك كل امورك ..~

طمنتينا كثيييييير الله يسعدك يارب

[anoodah]

شوووووووووووووووووووكرن كتيييييييييييييييييييييير مررررررررررررررررررره يعطيكي العافيه ياعثل ان شالله ربي يوفقنا جمعيا والفكشن مافي احد عنده هرجه عنها

[cool2011]

انا كنت ادخل موقع سبارك و احفظ سمري القصه +الشخصيات +الثيمات فقط وادور عن اسئله اذا موجود حليتها
ولله الحمد عديت بجميع المواد الادبيه ماعدا الادب الحديث راح اخذه الترم هذا مع باقبص واتخرج إن شاء الله
دعواتكم

[لصممتي حكممه]

المشاركة الأصلية كتبت بواسطة cool2011 انا كنت ادخل موقع سبارك و احفظ سمري القصه +الشخصيات +الثيمات فقط وادور عن اسئله اذا موجود حليتها ولله الحمد عديت بجميع المواد الادبيه ماعدا الادب الحديث راح اخذه الترم هذا مع باقبص واتخرج إن شاء الله دعواتكم

الله يجزاك خير ..~

الله يوفقك وتتخرج بالامتياز ..

[اشراقة مستقبل لامع.!*]

جزاكم الله خير
وخاصة الملاك الأبيض
ودي اقول شي لو سمحتولي
لما قرات كلامكم ,, ولما اقرا عن المواد الأدبية ومواد التخصص المتقدمة
احسها مرة صعبة
المطلوب منا في الاختبارات من كتابة شرح وايساي كل هذا رعبني
احس وكانو مستحيل
قولولي مشاعرك غلط
وان الي ندرسو نستفيد منو
محتاجة نصيحتكم والله

[SARO0O]

يسلمو صميته عالموضوع

وملوكككه الله يسعدك تحمست اذاكر ههههههههههه < بس اكيد مو قريبا ابدا


يعطيكم العافيه

سرو ...