اخذ اسس تغذيه ماده حره!؟ حياك هنا

[((المتميزة))]

الماده الحره اشوف انها لازم تكون سهله وانا حابه اني ادرسها
طيب واسس تغذية؟؟
طبعا دي الماده من قسم الغذاء والتغذيه في كلية الاقتصاد المنزلي
في الباب الاول تتكلم عن الكربوهيدرات والثاني عن البروتين والثالث عن الدهون والرابع والخامس عن الفيتامينات والمعادن,,
فاشوف الماده دي انسب شي لبنات العلوم وخصوصا الكيمياء والاحياء مره قريبة من تخصصهم
وحيشوفوها جدا سهله,,
اما بنات الاداب واقتصاد واداره مانصحهم بها الا لو هما حابين علم التغذيه
وسلامتكم,,

[نيكييتا]

المادة بالإنجليزي فقط لبنات التغذية

باقي الأقسام بالعربي >>> للمعلومية اخذتها مع دكتورة منى حلبي و حذفت لنا اشياء كثييييير من المقرر

^ _ ^

[قلبي مملكه]

حتى للعلوم بالعربي؟

[((المتميزة))]

هلا والله,,
شكرا نيكييتا للتوضيح,,
وقلبي المملكه حتى للعلوم بالعربي,,

[Sahar yanas]

طيب انا اقتصاد وادارة وابغاها وحابه اتعلم

بس خايفه تكون دسمة وماليا خلق

ولو مهي بالعربي مع السلااااااااامه

[نيكييتا]

شوفي هي المادة فيها معلومات كتير شوي للصدق

لكن اقسم بالله مع دكتورة منى حلبي استمتعت وحضرت الإختبار من غير مذاكرة وجبت فوق 95

دكتورة رائعة من جد تحببك في المادة مهما كانت و الأهم من كلو انو المادة تفيدك في حياتك الشخصية و تغير مفاهيم كتير عندك

دكتورة منى اعطتنا ايميلها و قالت لنا حتى بعد مانخلص من المادة اي وحدة عندها اي استشارة ترسل لها

اي وحدة رح تاخذ المادة معها اضمن لها انها تستمتع فيها 100%

[SoOoma~]

المشاركة الأصلية كتبت بواسطة نيكييتا المادة بالإنجليزي فقط لبنات التغذية باقي الأقسام بالعربي >>> للمعلومية اخذتها مع دكتورة منى حلبي و حذفت لنا اشياء كثييييير من المقرر ^ _ ^

يعني الي تخصصها نسيج تدرس اسس التغذيه بالعربي
ودكتورة منى تدرس المادة بالعربي والانجلش ؟؟
ولو سمحتو ممكن اسم الكتاب ..
وموجود فخوارزم ؟؟؟

[نيكييتا]

استاذة منى تدرسها باللغتين

و زي ماقلت المادة صح فيها معلومات كتير بس من جد ممتعة و مفيدة

اعرف بنات من كليات ثانية يحضروها مع الدكتورة مجرد حضور يعني مو حتى ماخذين المادة

^ _ ^

[حنو123]

ممكن رمز المادة

[SoOoma~]

fun 111