ساعدوني يابناات جدة خصوصا بنات الكيمياء الحيوي والكيمياء ..

[weda]

بليز بنات ساعدوني انا اخذ كيمياء حيوي عامة مع استادة امينة وهي بصراحة طيوبة بس شرحها ابدن مو مفهوم واسئلتها حلوة وتدي درجات بس مشكلتها الوحيدة الشرح والحين اختبارات نهائية واحس نفسي ابدن مووو فاهمة شيء فبليز اللي تعرف استاذة خاصة او استاذ خاص في هالمادة تفيدني يجزيكم خير وكمان في الكيميا العامة لاني كمان ماافهمها واستاذتنا ماتفهم ومااعرف وش اسمها
انا مستنية ردودكم ان شاء الله انكم تفيدوني في اسرع وقت مابقى شيء على الاختبار

[R-Kh]

اممم
والله مدرسة مااعرف
بس شوفي اوراق دطتورة سوسن خوجة في خوارزم
انا اخد عندها
احس الورق مفهوم
او اشتري كتاب فوت اند فوت او لبنكوت
في بنات يقولوا الكتاب سهل وواضح
بس انا انصحك بأوراق دكتورة سوسن
...
وبالنسبة للكيمياء العام
دوري كتاب عربي في نفس المواضيع
اكيد راح تفهمي
او لو عندك كتب الثانوية
لانها نفس المواضيع
...
كتاب المبسط في الكيمياء الاساسية
سهل وواضح
..
بس الله يهديكِ قبل الاختبارات بفترة قصيرة
تدور أستاذة
ياريت كان من اول
عشان لاتربكي نفسك
...
:)

[weda]

المشاركة الأصلية كتبت بواسطة r-kh اممم والله مدرسة مااعرف بس شوفي اوراق دطتورة سوسن خوجة في خوارزم انا اخد عندها احس الورق مفهوم او اشتري كتاب فوت اند فوت او لبنكوت في بنات يقولوا الكتاب سهل وواضح بس انا انصحك بأوراق دكتورة سوسن ... وبالنسبة للكيمياء العام دوري كتاب عربي في نفس المواضيع اكيد راح تفهمي او لو عندك كتب الثانوية لانها نفس المواضيع ... كتاب المبسط في الكيمياء الاساسية سهل وواضح .. بس الله يهديكِ قبل الاختبارات بفترة قصيرة تدور أستاذة ياريت كان من اول عشان لاتربكي نفسك ... :)

شكرا على ردك بحاول اجيب هالكتب وبشوووف بس برضو احس اني ماافهم لوحدي لازم احد يشرحلي

وترى انا من زمان ادور ولاني عجزت وتعبت قلت احط الموضوع هنا ونشوووف

[R-Kh]

لا ان شاء الله تفهمي من اوراق دكتورة سوسن
ترجميها
وراح تلاقي كل شي واضح بإذن الله
...
والكتاب سمعت انو موجود بجرير
..
الله يسهلها عليكِ
..
:)

[northstar]

الاخت الي فوق وفت وكفت

[CrAzY]

يابنتي د.أمينه تاخدي معاها الـ a+ وانتي حاطة في بطنك بطيخة زرقا :) مايحتاج مدرس ياقلبي

وازا ما سلمتي واجبات الحقي سلميها لانها تدي بونس طيب عليه .. وحليه كأنك في اختبار منزلي على قولتهم

ممم ايش كمان ايش كمان ..

الاختياري حقها يجي من الدوريات .. والللي تأشر عليه ذاكريه بس .

وقبل كل شي اتوكلي على الله وربنا يوفقك ياقمري

[عين الغلا]

اهلين ياعسل


انا اخد كيميا حيوي مع د\ سوسن خوجة

مممممممممممممممم والله مدري ايش اقلك شرح مو شرح احسها تقرأ يعني ماتفرق عن حقتكم

بس ملخصاتها احسن ملخصات وراح تفهمي منها ولو تبغى نصيحتي روحي عندها وخدي البور بوينت لانو ارتب زيااادة واوضح .

وعلى فكرة سوسن خوجة ماعندها بونس ولابطيخ

خلاص درجات اختباراتها الدوري وخلصنا

ودحين المدرس الخصوصي مرررررررة مايمدي ...

خدي نصيحتي واشتري ملخصات سوسن خوجة وابدئي ذاكري فيها ياعسل

والله يوفقك يااارب

[طيف المشاعر]

وعلى فكرة سوسن خوجة ماعندها بونس ولابطيخ

ـههههههههههههههههههههههههههـ
و الله صاااادقة
تقول انا اعطي بونس و في النهاية ما يطلع و لا شي
انا اخذت معها انزيم و الحمد لله خسفت في درجاتنا
و دحين اخذ معاها هرمون