اللي عنده فكره كيف احول من حسابي في سامبا الى حساب الجامعه يتفضل

[ام سجو]

ابغى اسدد الرسوم ...لكن حاولت احول من موقع سامبا اون لاين وتهت اخترت ايقونة تحويل من حسابي طلع لي ليس لديك مستفيدين ...حاولت اكتب اسم الجامعه مارضي يحرر اصلا
اتمنى احد يفيدني عشان اقدر اضيف موادي

[بلا موعد]

لازم تعرفي الفاتوره من خيار( تعريف مستفيد) وتختاري جامعة الملك عبدالعزيز ورقم الفاتوره يكون رقمك الجامعي بعد كذا بيجيك رمز التفعيل للمستفيد على جوالك وتدخليه بالخانه المخصصه له وتسوي تاكيد بعد كذا تروح لخيار تسديد فواتير وبتلاقي المبلغ. المطلوب منك لحساب الجامعه من ضمن الفواتير بس تاكدي من رقمك الجامعي يكون صحيح

[Super Linux]

هذا الي لقيته في المنتدى ان شاء الله يفيدك

للاسف ماعندي حساب في سامبا لو كان عندي لشرحت الطريقه

بالصور:شرح خطوات تسديد الرسوم بواسطة (مباشر) الراجحي

طريقة السداد لرسوم الجامعة عن طريق الراجحي وسامبا والأهلي

[ام سجو]

جزاكم الله كل خير ..على الرد
بس لمن دخلت على الفواتير وكل شيء فعلا زي ماقلت لقيت خانه مكتوب فيها الاسم الرمزي بعد خانة رقم الطالب ابغى اعرف اش هو الاسم الرمزي؟؟

[بلا موعد]

المشاركة الأصلية كتبت بواسطة ام سجو جزاكم الله كل خير ..على الرد بس لمن دخلت على الفواتير وكل شيء فعلا زي ماقلت لقيت خانه مكتوب فيها الاسم الرمزي بعد خانة رقم الطالب ابغى اعرف اش هو الاسم الرمزي؟؟

الاسم الرمزي اسم افتراضي من عندك اكتب على سبيل المثال ( جامعة الملك عبدالعزيز )

[ام سجو]

جزاك الله كل خير ياخ بلا موعد فعلا استفدت من الشرح وتم السداد الله يبارك فيك
كتبت الاسم الرمزي اسمي واسم الوالد وانقبلت وفتحت الصفحه ...الحمدلله نزل الجدول

[nour al3mr]

الله يوفقك ويفتح عليك
ويبارك بعمل الإخوة و لايحرمكم الأجـــــر

أسرعي في تنظيم جدولك لتبدأي المذاكــــــرة ..