براكتكم 2 الترم الثاني ....

[nadoy]

اعرف بنات اتدربو في دار الحكمة يقولو حلو
بيتدربو على اشياء ادارية
واحيانا تيتشر اسيستنت
وكمان في بنات اتدربو في كلية عفت
بس يقولو مررررررررة شغل يعني اعمال ادارية بس مشددين

[مييمو]

بنات انا دحين اتدرب في دار الحكمة مررة روعة التدريب هناك وناس ذوق واخلاق

ادخل بيانات عالكمبيوتر بس طبعا تعاملهم معايا بالإنجليش لأني قلت لهم اني جاية عشان امارس لغتي انا مرة مرتاحة معاهم

اللي تبغى تتدرب في دار الحكمة نصيحة انها تجي وتبدأ

بس القسم اللي انا فيه قالو مكتفيين لأنه صديقاتي راحو ولقيو في قسم ثاني

بس برضه جربو تراهم متسامحين معانا لأبعد حد

اتمنى اكون افدتكم

[سماء جده]

ميمو لو سمحتي طيب ممكن تديني عالخاص رقم اتصل عليهم منو اعرف حيقبلوني ولا لا
مس الاء قالتلي روحي جربي كلميهم لكني مني عارفه كيف اوصلهم لاني ماقدر اروحلهم بنفسي فاابغى اتاكد ازا اكتفو ولا لا

[مييمو]

المشاركة الأصلية كتبت بواسطة سماء جده ميمو لو سمحتي طيب ممكن تديني عالخاص رقم اتصل عليهم منو اعرف حيقبلوني ولا لا مس الاء قالتلي روحي جربي كلميهم لكني مني عارفه كيف اوصلهم لاني ماقدر اروحلهم بنفسي فاابغى اتاكد ازا اكتفو ولا لا

حياتي انا ماعندي الرقم بس بحاول اجيبه لك وارسل لك هو عالخاص بكرا

بالنسبة لمكانهم هم قريبين من الجامعة مدري اذا تعرفي مدارس دار الفكر اللي قبال الجامعة ..هم جنبهم>>> فاشلة في الوصف

المهم انا والله مااعرف اش الأقسام الثانية بالضبط بس انا في قسم التعليم المستمر


واذا في اي سؤال انا جاهزة وبالتوفيق ان شاء الله

[داانه]

ميمو الله يسعدك ممكن تديني الرقم تبع دار الحكمه

لانو عندي رقم ومابيردو علي


انا سمعت انو ما بيقبلو اي احد للتدريب

انتي عملولك اختبار قبل لا تتدربي ووالا ع طول قبلوكي؟


اتمنى تفيديني

[مييمو]

المشاركة الأصلية كتبت بواسطة داانه ميمو الله يسعدك ممكن تديني الرقم تبع دار الحكمه لانو عندي رقم ومابيردو علي انا سمعت انو ما بيقبلو اي احد للتدريب انتي عملولك اختبار قبل لا تتدربي ووالا ع طول قبلوكي؟ اتمنى تفيديني

اول مارحت عملولي انترفيو بسيط
سألتني who are you?
وقلت لها اني طالبة في جامعة الملك عبدالعزيز وحابة اتدرب عندكم عشان امارس لغتي واستفيد من التدريب في حياتي العملية
سألتني اذا عندي خبرة في الكمبيوتر قلت لها ايوا وبعدها على طول قالت لي تقدري تبدأي من اليوم كمدخلة بيانات وعشانك قسم اللغة الانجليزية راح نتعامل معاكي كله بالإنجليش

وطلبت مني اكتب لها مواعيدي اللي بأجي فيها للكلية بشرط انها تكون ثابته يعني مو كل يوم اغير الموعد بكيفي واذا بأكون مشغولة في يوم معين في الجامعة بسبب اختبار او شي طاريء لازم اعطيهم خبر قبلها بيوم

اتمنى اكون افدتك >> دحين بأرسل لك الرقم وبالتوفيق للجميع

[no0ny]

ميمو لو سمحت ارسلي لي الرقم انا كمان علا الخاص لأنه انا كمان ابغى اتدرب في عفت أو دار الحكمة..

[nadoy]

طيب ايش هي الاقسام التانية في دار الحكمة

[toootah]

بنات تعرفو احد تدرب في الغرفة التجارية انا ابي اتدرب هناك بس مماعرف كيف الشغل وهل هم متعاونين او لا
الصراحة انا لمن رحت لهم مرة ماحبيت المكان لانو اغلبهم رجال والمدخل واحد للنساء والرجال بس النساء لهم غرفة مقفلة بس منظر الرجال يخوف وكمان خايفه من الترجمة تكون صعبه علي تعرفون مو ترجمة تخصصنا حايسة
وش تنصحون فيه

[الإمبراطورة]

^^
وحدة من البنآت عم بتؤووول
يترجموآ موآقع..

بس مآ فهمت كيف..

[motr]

ولآ زآل البحث مُستمر

[/motr]

بنآت مآ تحسو انو مآلنآ مجآل عمل وغير مرغوووب فينآ...

صح يآ طآلبآت الانجلش؟؟؟

بالتوفيق.. :)