محاسبة 102 بنات عيشة عطية !!!!!!!

[sarah 444]

السلام عليكم ياحلوين , انشاءاللة الاختبار تبع المحاسبة 102 يوم الاحد فخلونا نتساااعد اي وحدة عندها معلومة او مساعدة او سؤال نتجمع في دا الموضوع ولو تعرفو طريقة الاسئلة والاشياء المهمة انا بصراااحة مرررة خايفة وشااايلة هم المادة بس اللة يعين ويد اللة مع الجماعة واتمنى التفاعل مع الموضوع

[sarah 444]

معقولة ولا احد :(

[sarah 444]

فين النااااااااااااااااااس

[jo0odi]

اختبرنآ مع ساره بكر امسس اقدر اقولك الاختبار شااااااااااامل من كل فصل جابت شيء واكثر فصل ركزت عليه التكاليف !
صح وخطأ من كل فصل والله نسيت كم قفره بس اظن 20 ( بكتب اللي اتذكره آخر شيء) والباقي اختياري !
..
الفصل الاول :
جابت كيف يكون القيد في دفترالمبيعات الآجله ودفير اليوميه المساعد اللي هو تاخذي الاجمالي من دفتر المبيعات الآجله وتحطيه بدفتر اليوميه المساعد وجابت عن دفتر العمليات النقديه يعني مثلاً تقولك شراء اصل ثابت نقداً وين أسجله !
..
الفصل الثاني :
جابت تكوين رأس المال اذا كان بشكل اعيان او بشكل اعيان وخصوم في شركة التضامن وجابت توزيع الارباح حسب نسبه متفق عليها وفي حالة تحديد فائده لرأس المال ومكافأة الشريك العامل !
..
الفصل الثالث :
جابت تقديم رأس المال وسداد قيمته على أقساط دفعه اولى ودفعه ثانيه وحالة سددوا الدفعه الاولى وتخلفوا عن السداد الدفعه الثانيه وبيع اسهم المساهم المتخلف بـ 70 ريال و جابت تكوين الاحتياطات كتبت في السؤال ا10%حتياطي النظامي و5 % رأس مال مدفوع للمساهمين دفعه اولى و3 % من الباقي لأصحاب التأسيس و5 % من رأس المال المدفوع دفعه ثانيه للمساهمين والباقي لحساب ارباح مبقاه بنفس هذا الترتيب جانا يعني انتي لما بتحسبي اصحاب التأسيس لازم تطرحي الاحتياطي النظامي والمساهمين دفعه اولى ودفعه ثانيه من صافي الربح يصير طلعتي الباقي من الارباح اضربيه في 3% ويطلع لك حصة اصحاب التأسيس ولاحظوا الدفعه الثانيه كتبتها بعد اصحاب التأسيس نوع من اللعب في الاسئله عموما اطرحيه انتي اصلا بيكون نفس قيمة الدفعه الاولى !
طلبت الاحتياطي النظامي , حصة أصحاب التأسيس , ومجموع ارياح المساهمين , والارباح المبقاه
..
الفصل الرابع :
جابت نسب السيوله في رأس المال العامل والنسب الجاريه ونسب الملاءه اللي هي نسبة الأصول الى الديون
وجابت من النسب الربحيه العائد على حقوق الملاك والعائد على السهم الواحد !
..
الفصل الخامس :
فصل التكاليف جابت منه اشياااء كثيره وركزت عليه
للأمآنه خبصت فيه مو عآرفه ايش اكتب لكم عنه عموما ذاكروه بتركيز جابت المعالجه المحاسبيه في الأوامر ومحاسبة التكلفه في المراحل الانتاجيه وجابت منه نظري اذا تذكرت شيء بكتبه لكم في الأخير
..
الفصل السادس :
جابت الربح الحدي ونقطة التعادل وقيمة مبيعات نقطة التعادل والربح المخطط او المستهدف
..
المحاسبه الحكوميه:
كله نظري جابت منه بالصح والخطأ بكتب لكم اذا تذكرت منه شيء

لي عوده على الجزء النظري
..
انآ عآرفه انكم مع عيشه بس يمكن تسفيدوا من الأسئله ويمكن تكون قريب منهآ
موفقين !

[jo0odi]

عدنآ إليكم من جديد ^^
..
رآح اكتب لكم الجزء النظري وفتحت الملزمه كمان عشان اتذكر زياده في فقرات كتبتها من فهمي يعني مو متذكره بالتحديد كيف جابتهآ !
..

1- تكلفة أي امر انتاجي هي مواد مباشره وأجور مباشره وتكاليف صناعيه غير مباشره
2- شركات التضامن تتكون من شريكين أو أكثر مسؤولين عن جميع ديون الشركه
3- شركات المساهمه ينقسم رأس مالها إلى أسهم متساوية وقابله للتدوال وتُحل بوفاة احد الشركاء او بالحجر عليه
4- في شركات التضامن لايجوز الإتفاق على حرمان أحد الشركاء من الأرباح أو إعفاءه
5- في شركات التضامن اذا لم يتفق الشركاء على طريقة توزيع الأرباح فإنها توزع بينهم بالتساوي
6- حصص التأسيس تدخل في تكوين رأس المال ويحق لأصحابها في ادارة الشركه
7- المقارنة الرأسيه هي مقارنة القوائم الماليه ل سنه ماليه مع القوائم الماليه لنفس المنشأه في سنه أخرى
8- نقطة التعادل هي النقطه التي يتعادل عندها الإيراد الكلي مع التكاليف الثابيته
9- امر الدفع اذا كان المبلغ المطلوب صرفه يساوي 20 ألف فأكثر
10- اي مبالغ مستحقه ولم تحصل بعد تدخل في حساب المطلوبات
11- يستلم أمين الصندوق المبالغ من الاداره الماليه ويحرر بذلك ايصال استلام ويكون هذا في حالة اوامر قبض
12- في مرحلة الإعداد يتم عرض مشروع الميزانيه على مجلس الشورى ورفعه الى السلطات العليا
13- تهتم المحاسبه الإداريه بتقويم أداء المنشأه ككل
14- رواتب المشرفين والمديرين والمراقبين وعمال النظافه تسمى تكاليف صناعيه غير مباشره
15- السيوله تعني مقدرة المنشأه على الوفاء بإلتزامتها دون اللجوء إلى بيع أصل ثابت
16 الشريك الموصي يكون مسؤولاً عن ديون الشركه بقدر حصته في رأس المال
17 - الربح الحدي هو الفرق بين سعر الوحده والتكلفه المتغيره للوحده الواحده
18- بيع اصل ثابت بالآجل يسجل القيد في دفتر اليوميه
19- الموازنه العامه للدوله هي لايردات ونفقات الدوله خلال فتره قادمه
20- الموازنه هي تعبير رقمي عن خطط وبرامج الاداره وبياناتها تكون فعليه
( قالت لنا في الشرح انه الموازنه بيناتها تقديريه والميزانيه بياناتها فعليه وقالت اكتبوها وجابتها بالأختبار)
21- الحواله بأن يدفع شخص معين مبلغ معين لأمين الصندوق

..
ملاحظه :
ركزوا على القيود في كل فصل اخذت نصبيها من الاختبار وخصوصا قيود فصل التكاليف وكمان ركزوا على القيود في حالة الارباح والخسائر وين يكون حساب الارباح والخسائر في حالة الربح والخساره في الشركات والتكاليف يعني في الجانب المدين ولا الدائن !
..

كتبت كل اللي تذكرته ان شاء الله أكون افدتكم
موفقين ودعوآتكم لي في ظهر الغيب =)
..

[honey_bronz]

الله يعطيك العــــــــــــــــــــــــــــــــــــــــــافية ياقمر

[sarah 444]

تسلمي ياعسل وللة ماقصرتي :) اللة يوفق ياااارب

[sarah 444]

حبيت أسألك من فين ذاكرتي ؟ عشان استاذة عيشة قالت نذاكر من ملزمة سارة بكر

[jo0odi]

نفس الشيء من ملزمة سآره بكر
..
موفقين يآرب

[sarah 444]

اخت jo0odi فاكرة اغلب المسائل جات من اي باب ؟ وهل المسائل جات اختياري او جا منها مقالي ؟