استفسار بسيط عن الاقتصاد الجزئي والكلي

[abodi-aaa]

السلام عليكم ورحمة الله

حبيت اخذ رايكم اذا ممكن اخذ المادتين مبادئ الاقتصاد الجزئي ومبادئ الاقتصاد الكلي في ترم واحد

ولا صعبة وماتنصحوني, مع العلم اني ان شاء الله حنزل مبادئ المحاسبة

الله يعطيكم العافية مسبقا

في انتظار الردود

[أبو عبدالعزيز2020]

بصراحة انا اخذت مبادئ الاقتصاد الجزئي في الصيف اللي فات مع د/ محمد النفيعي ، المادة مررة كانت سهلة . اما بالنسبة للاقتصاد الكلي ماعندي خلفية عنها ، بس ناوي اخذها الترم هذا ان شاء الله

والله يوفق الجميع

[anwaaaar]

انا اخدت اقتصاد جزئي وكلي في نفس السمستر..مهي صعبه ابدن ..بس متشابهه يمكن تحس شوية لخبطه او ان المعلومه تتكرر تسير تسمعها هنا وهنا ....

شوية تركيز وتجيب الاتنين سوا وبعلامات عاليه إن شاء الله ..والله يكتبلك الخير

[فرح السنين]

انا كمان زي انوار ترى اخدتها في ترم واحد جزئي وكلي وبالمره احسن لانو هالمادتين فيها شبه من بعض ويفيدك
الله يفتح عليك وعلينا

[nejoud boss]

أول شي حبيت أقول إنه الاقتصاد الجزئي يتكلم عن اقتصاد الفرد سواء كان مستهلك أو منتج ودخله وإستهلاكه ...إلخ

أما الاقتصاد الكلي تتكلم عن دخل الدوله يعني الدخل القومي ككل واستهلاكها ....

المادتين جدا سهله بس يبغالها شوية تركيز

بس أنا احسها صعبه تاخذ المادتين مع بعض لأن المعلومات متشابهه وراح تلخبطك

اتمنالك التوفيق

[abodi-aaa]

الله يعطيكم العافية كلكم

وبالتوفيق لنا جميعا

[روحي عراقيه]

انا درست المادتين .. انصحك تاخذي كل وحده لحالها

لا تتسرعي ما وراكي شي .. بالتوفيق