تجمع الطآلبآت الغير مقبولات في قسم اللغآت الأوروبية (مشآكل +إستفسآرآت +حلول)

[ام حمدان]

^
خلاص حبيبتي مدام عرفتي الموعد روحي سجلي اسمك ايش تنتظري
الله يسهل عليكم وتفرحونا بقبولكم جميع يارب

[Lady Yuna]

السلام عليكم ..~
انا ابغى اغير تخصصي من علم نفس الى انجليزي ومعدلي 3,40 ودرجتي في الكا1و2 فوق ال 90
وانا سمعت ان في بنات سجلوا اساميهم علشان اختبار الاجتياز لتخصص الانجليش طيب فين نسجل اسمائنا ومتى اخر موعد للتسجيل
بليز قولي لي ياحنين كيف الله يجزاك خير دنيا وآخره ..~

[nasm]

مشكورررررررره اختي رغووووووده على الرد ويعطيك الف عافيه انشاءالله راح اعمل بكلامك وادرس المواد الحره واطلب تحويل اذا نزل التحويل في الاوديس وانشاءالله يقبلوني والله يوفقني ويوفق جميع زميلاتي لما فيه الخير انشاءالله والجميع يكون راضي ومبسوط وشكراً مره اخرى

[sosa20o0o5]

السلام عليكم ورحمة الله وبركاته
حبايب انا رحت اليوم الجامعه الموقره عشان اسجل اسمي وتخيلو اش تقولي السكرتيره انتي جايبه في الكا 1 70 ماينفع تدخلي الاختبار لا زم تكوني فوق ال 80 عشان تدخلي علما اني الكا2 جايبه 90 ومعدلي 3.76 المهم قلتلها كيف انو الدكتوره رندا قالتلي ادخل الاختبار وكدا طبعا بعد الف كلفه خلتني اسجل اسمي وبياناتي لا وقالتلي كمان اصلا هما حيسوو تصفيه على اسماء البنات الي مسجلين اسماءهم قلت ماشاالله كمان والله حاااااااااااااااااااااااااله مع هالجامعه بس والله وراهم وراهم لوايش ما اتنازل عن حلمي حتى لو اضريط اخذ ترم واحول سامحوني على الاطاله بس مافي احد بيحس بمعاناتي الا انتو الي مثلي

[TOTO111]

يعني لازم اسجل اسمي والله حاله ايش ذا التعقيد الواحد ما يسمع اخبار حلوه من هالجامعه
ايش اسوي انا بعيده ومو من جده وكيف اسجل اسمي يااااااالهوتي

[عيون عليا]

Toto
لازم ياعسل تجي تسجلي اسمك
لان اصلا الاختبار حيكون في الاسبوعيين الاولى
فتعالي مشوار الاختبار مره وحده

الله يوفقك يارب وشدي حيلك ولا تتنازلي عن حلمك

[xX мïşş şяàв Xx]

/




بناااات انا اليوم رحت الجامعه ورحت مبنى الجوهره اول ماتدخلي يسار المكتب
مادري ايش اسمها المهم تسالك عن المعدل ولازم الكا 1و2 فوق ال80
انا الكا 1 = 79
والكا 2 = 90
ومعدلي 3.78
بالقوه رضيت تخليني اكتب اسمي : (
روحو سجلو
والاختبار يوم الاحد تاني يوم من الساعه ( 9 - 11)
مبنى ( 8 )
غرفه ( 800 _ 804_ 920 _ 826 )
بس لازم تروحي تسجلي اسمك
بالتوفيق حبايبي

[Paper]

فيني أسجل يوم السبت؟؟ لأني ما أقدر أروح الجامعة بكرا! و أخاف يكون آخر يوم بالتسجيل

وأيش أحسن وقت أروح فيه..؟

[غنوة البحار]

انا اليوم سجلت اسمي
وسجلت معاي حظي الزين

وسالتني تعرفي الشروط وقلت لها درجه الاختبار والمعدل

قالت سجلي اسمك وخلاص

[حظي الزين]

يابعد عمري يا غنوه ماني عارفه كيف اشكرك الله ايخليش لعينن ترجيش انشاالله