كل الي في الحاسب يدخل بليز ضروري

[السوسن البهي]

بسم الله الرحمن الرحيم


السلام عليكم ورحمة الله ::::::

طبعا الكل يعرف مادة اساليب الكتابة العلمية قد ايش متعبة بتكاليفها وواجباتها والاستاذات مايرحمون


حابه اطلبكم طلب ياليت تفيدوني باحسن الطرق لهذه المادة سواء حل واجبات مذاكرة كل شيء عنها



وكمان ياليت تقتروحون عليا عناوين للبحث طبعا لازم تكون في الحاسب



اتمنى انكم تردوا علي والله يوفقني ويوفقكم جميعا في حياتكم





متحطمة بقوووووووووة من هذي المااااااااااااااااااااااااادة

[eih]

وعليكم السلام ورحمة الله وبركاته
لاتشيلي هم الماده ولاتتحطمي وان شاء الله حتعدي زيها زي الباقي
اهم شي الواجبات حليها بانتظام واول بأول واذا في شي مو مفهوم روحي للاستاذه وافهمي هي ايش طالبه بالضبط لانه الواجبات والبحث عليها درجات كبيره
والاختبارات افتكر الدوري الاول كان حلو بس ركزي وانتي تذاكري وحاولي تأشري في الكتاب كل شي مفهوم وبألوان واضحه لانو الدوري الثاني والنهائي الكتاب حتدخلي معاكي الاختبار
واما للموضوع ابحثي في النت قبل لاتختاريه وشوفي ايش اللي اكثر موضوع له مصادر
ممكن تتكلمي عن نظم التشغيل او الشبكات
واسألي الاستاذه ممكن تفيدك في الموضوع
وبالتوفيق ومعليش على الاطاله

[السوسن البهي]

الله يسعدك ياقلبي والله طمنتيني شوي



بس الواجبات متعبة بشكل مو طبيعي

يعني استاذتنا مررررررررررة وحدة 3 واجبات


الله يوفقك ويسعدك وين ماكنتي

[السوسن البهي]

ياجماعة احد يعبرني ولو بدعوة

[Nosa]

وعليكم السلام ورحمة الله

والله يا قلبي انا ما أخدت دي المادة لاني خطة قديمة

بس سمعت عنها انها متعبة شويتين بالابحاث تبعها

بس مافي شي صعب او مستحيل .. حاولي تنفذي المطلوب أول بأول واتعبي شوية
وصدقيني ربنا ما رح يضيع تعبك بإذن الله

توكلي على الله وشدي حيلك

موفقة ياااارب خيتووو

[السوسن البهي]

الله يعطيك العافية ياقلبي

ويسلمك ويوفقك وين ماكنتي

[*smsm*]

حبيبتي مادة الأساليب صح إنها متعبة شوية خصوصا لو أخدتيها مع أستاذة سمر الطاهر
فيها واجبات كثيرة حاولي تحليها كلها أول بأول تسألي أستاذة سمر عن أي شيء غير مفهوم وحتى لو كان مفهوم برضو اسأليها لأتها كل يوم بتغير رأيها يعني خليك وراها وخليها تعرفك وتحفظ اسمك وتحس إنك مهتمة بالمادة
وركزي في البحث أهم شيء عن work sheets اللي راح تعطيكم هي عشان تعملوا البحث لأنها حطت عليها الترم اللي فات 20 درجة وعلى البحث النهائي 5 درجات بس
وبالنسبة للإختبارات لا تشيلي هم مرة سهلة خصوصا إن الكتاب معاك في كل الاختبارات وسمر ما راح تجيب شيء برة المنهج أهم شيء قبل الاختبار تروحو تسألوها وتتناقشو معاها عن الاختبار وهي راح تقول لكم
وعلى فكرة أنا أخذت المادة وكنت شايلة همها وحاولت أحذفها بس الحمد لله استمريت وخلصتها وأخذت فيها A+ نقصت بس درجة واحدة
الله يوفقك يا رب وييسر كل أمورك

[السوسن البهي]

الله يسعدك ياقلبي ويسلمك

والله مرررررررررررة طمنتيني


الله يوفقك في كل شي ويعطيك العافية

بس انا اخذها مع تغريد باقيس

[red flower]

^

من حسن حظك انك ماتاخذيها مع سمر الطاهر


الماده ابدا ً مو صعبه
بس يبغالها شوية مجهود
ويمكن اكثر اللي يقولوا عنها صعبه هم بنات سمر .. لأنها كانت مره متعبتهم
واسلوبها مره سيئ ( حسب ماسمعت )

انا اخذتها مع اروى لنجاوي
طبعا اي ماده مع أ. اروى تطلع حلوه وسهله وتعدي


وزي ماقالوا البنات
الاختبارات open book
يعني الماده مريحه جدا ً من ناحية المذاكره

صعوبتها بس في البحث على النت .. وتطبيق القواعد والاشياء المطلوبه اللي تاخذوها
يعني حاولي تطبقي كل شي تقوله الاستاذه ، لأن اي غلطه بسيطه ممكن تخرب لك البحث
وتنقصي عليها شي كثير برغم انها غلطه بسيطه



لاتشيلي هم
وان شاءالله تعدي بكل سهوله ، وتاخذي فيها درجه حلوه


موفقه

[خلود الغامدي]

الله يعينك ياقلبي ولا تشيلي هم ربي راح يفتح عليك وييسرلك ..بس انت ادعي واكثري من الاستغفار وتشوفي قد ايه حتنحل الامور ..ولازم تكوني قويه وماتضعفي لان المؤمن القوي خير من المؤمن الضعيف..

أختك..خلود الغامدي