الله يحرم وجهها عن النار الي تفيدني في الاستاذات وتكون قبل كذا درست سوسيو او براكتكم1

[بنوووووتة]

السلام عليكم
يابنات ابغاكم تفيدوني في استاذات السوسيو لانه زي ما انتم شايفين فيه 4 شعب واكيد مو كلها عزيزة والي سمعته من البنات انه مس هيفاء محا تعطي هذا الترم معناته اكيد بيكون دكتورة امل شعيب ودكتورة عزيزة فياليت الي قبل كذا اخذت معاهم تقولي مين الاحسن وكيف اسلوبها
وكمان براكتكم1 مين افضل استاذة ايمان او ناريمان لانه بنات سحر يقولوا شغلها كثير
ومشكورين الله يسعدكم لا تنطشوا

[شوري]

وعليكم السلام ورحمة الله وبركاتة

بالتوفيق حبيبتي

شوفي اخذت سوسيو مع دكتورة امل شيب ما تتعوض

والله انا منتسبة وأخذت معاها

اسئلتها مرة حلوة وشرحها خيالي ماشاء الله عليها

واستخيري وربي يكتبلك الخير

بالنسبة للبراكتيكم ماجربت غير سوزان بالنسبة ل عزيزة ما تدرس انتساب

اتمنى افدتك
وشوفي رائي الأخوات

موفقة

[OFF]

سوسيو لسا ماخذت الترم الجاي معاكي ان شاء الله

اما البراكتكم اخذت مع إيمان صراحة هي طيبببببببة بغض النظر عن إنها تحب تنقد البنات كثير بالمفيد والغير مفيد خاصتن وهم قاعدين يسون البريسينتشينات

بس درجاتنا معاها كانت كويسة طول السنة وتوقعنا انه كلنا ننجح معها بدرجات مررره كويسة بس انصدمنا بـ 70 في النهاية الحمد لله على كل حال

بنات ناربمان يمدحونها صراحة انا اخذت معها بويتري وكانت درجتي معها مررررررره كويسة

[زيـــنـــة]

السوشيو انا اخدتو مع د. عزيزة، جدا رائعة و شرحها واضح و مفهوم و أسئلتها في الاختبار معقولة و ماعندها طلبات كتير,,

التدريب العملي 1 انا اخدتو مع أ. إيمان حمزة و كان من أحلى الكلاسات اللي اخدتها، ماعندها شغل كتير برضو بس لابد من الالتزام بالحضور و أسئلتها برضو واضحة،،

[Brilliant Shores]

السوسيوو يا قلبي أخته مع عزيزة كان جـــــدااا رااائع ومتعاونة مع البنات وتعطي درجاات ود.أمل شعيب برضو يمدحوها


أما البراكتكم مررررة رهيــــــب مع أ.إيمان حتى أسئلتها حلوة

[حنين الود]

حبيبتي الله يختارلك الخير الطيبه في دي المواد
بس مايصير تفتحي موضوع وانتي عارفه فوق فيه موضوع مثبت عن خبرات الطالبات تقدري تسألي فيه البنات وحيردوا عليكي بنات كتير مو بس 4 او 5 وبسؤالك حتفيدي غيرك من البنات مايصير نفتح مواضيع كتير ونتشتت ونحاول نرد على الكل يعني لو انا حابه افيد غيري اقعد افتح كل موضوع وارد على كل بنت بتفتح موضوع والمصيبه نفس المواضيع مكرره ونفس المواد ونفس الاستفسارات ؟؟ بالله يرضيكي الكلام دا؟ وبدي الطريقه حنتعب لكن ايش تخسري لما تكوني معانا ويد وحده وتكتبي استفسارك في الموضوع المثبت ؟؟
في النهايه انتي حره ..

[بنوووووتة]

حنين الود مشكورة
و الي خلاني ما اكتب الموضوع فوق اني شايفة محد يرد عليهم هم كلهم يمكن 6 او 7 بنات الي قاعدين يردوا على بعض’’’’’’واصلا في بنت من زمان سالتهم عن السوسيو ومحد رد عليها,,,,,
طيب يا بنات بس الي سمعته انه دكتورة عزيزة الصح والخطا حقتها تلخبط ....
بس انتم الي جربتوه ايش رايكم فيه
وبالنسبة لبنات دكتورة امل ليه محد رد علي

[نص دافوره]

عزيييزه كويسه ومابها شي

احيانا بعض الفقرات تحسيها غامضه شويتين لكن مع المذاكره مزبووط كل شي يسير واضح وسهل

فاالك التوفيق

[رزاز]

انا اخذت مع د امل شعيب يناسو عليهاااااااا تجنن
وتساعدك ولاتخليكي تايه في البحث ابداااااااا ماشاء الله تكون معاكي اول باول
ياااي ربي يسعدها دنيا واخرره
والحمد الله درجاتناا كانت مرره تجنن :)بس ماعرف اذا راح تدرس الترم الجاي اولا

موفقه

[صبوحة]

بالنسبة لبراكتكم 1

ايش متطلباتة من المواد عشان اقدر انزلة

؟؟؟؟؟؟؟؟؟؟؟؟؟؟؟