شنو افضل تخصص بكلية الهندسه ؟

[Z8rRt]

السلام عليكم ورحمه الله وبركاته

حبيت أستفسر عن كلية الهندسة ، وعن تخصصاتها
أنا إن شاء الله ناوي ع كلية الهندسة وكنت حاط عيني ع هندسة حاسب بس طاح من عيني هالتخصص
بعد م قريت عنه الكثير

ف بغيت اسالكم عن باقي التخصصات وشنو افضل تخصص " بوجهه نظركم ، وليش ؟ " , وما مدى صعوبته

+ هل الماث 202 صعبه مثل ما يقولون ولا سهالات ؟

وسلامتكم

[zelme]

انت ادخل في اول سنة في الهندسة وخم المواد وحتتعرف ان شاء الله على كل قسم من خلال هذه المواد

فكل مادة تعتبر مقدمة لهذا القسم
فالرسم الهندسي مقدمة للميكانيكا
والبرمجة الحسابية مقدمة للكهرباء
ومادة البحث والتصميم الهندسي والاقتصاد مقدمة للصناعية
والرياضيات والفيزياء مقدمة بسيطة جدا للكيميائية ولكنها مهمة لكل التخصصات
فاذا مافي رياضيات ما في هندسة بالعربي

وهو يعتمد على الله ثم عليك وقدراتك
فانا اقدر اقلك افضل تخصص هو الكيميائية ويجيك ثاني يقلك الصناعية ووو... وما حنخلص

لكن ادخل اول سنة على خير وانت حدد بنفسك وعلى حسب ميولك وقدراتك في تلك المواد

بالتوفيق

[Eng.Fahood]

^^

كفيت ووفيت أخوي

بس في تعديل بسيط

بالنسبة للبرمجة الحسابية مالها أي علاقة في الكهربا إلا في جزء بسيط من هندسة الحاسبات وقد تستخدم كأداء في بعض الكورسات المتعلقة في قسم القوى والإلكترونيات

مادة فيزياء 202 هي أقرب مواد السنة الأولى للهندسة بالنسبة للكهربائية



--

وصدقني ما في شي اسمه أفضل تخصص في شي اسمه أقرب تخصص لإمكانياتك ورغباتك والله يوفقك لما فيه الخير

[Z8rRt]

الله يعطيكم الف عافيه ماقصرتو والله

بس عندي سؤال اخير وهو اللي مخليني متردد , الحين انا بالسنة التحضيرية احيانا ما افهم من الدكاتره
فأضطر أبحث عن ملخصات وشروحات للماده , فهل في مواد التخصص يوجد شروحات وملخصات ولا بس في التحضيري ؟

ويعطيكم الف عافيه , لأني أخاف اتوهق بصراحه يوم أطيح بدكتور بعدين م يشرح كويس

[M7mmd.Y]

^

هذا شيء طبيعي وبيصير مع الكل، مو كل دكاترة الجامعة كويسين، وطبعا مو كلهم سيئين يعني

لكن فيه مواد تلاقي واحد، او اثنين يدرسوها بس وعادة تكون مواد تخصصية

بس كمثال، عندك مادة البرمجة EE201، هذي لو اخذتها عند جهانزيب خان، رح تعتمد على الله اولًا ثم على نفسك

الدكتور زي قِلّته، ولازم انت بنفسك تجتهد، وفيه شي ثاني لازم تسويه في كل المواد لو انك تبغا a+ , a

وهو انك تفك كتاب المادة وتذاكر منه بنفسك، وتتدرب على التمرينات اللي فيه، حتى لو مافيه سيلابُس

خلاصة القول، انو احتمال كبير انك تطيح عند دكاترة سيئين فـ كذا ولا كذا اعتمد على الله ثم على نفسك

وفيه مواد لها ملخصات، بس مو كلها

بخصوص التخصص، زي ما قال الأخ زيلمي الله يحفظه

يعني مافي تخصص احسن من تخصص، كله على ميولك، وبعد ما تدخل الهندسة وتاخذ اول خطة بتوضح لك الامور

بالتوفيق

[Z8rRt]

الله يعطيكم العافيه على التفاعل ، ويجزاكم الله الف خير

طيب يالربع ، لاهنتو تقدرون تقولون لي شنو التخصصات اللي بكلية الهندسة وكل تخصص يدرس شنو بالضبط عشان يكون عندي ولو خلفية بسيطة

والعذر والسموحة اتعبتكم معي

[أحمد الناصر]

عشان تعرف الكثير عن تخصصات كلية الهندسه ادخل الرابط هذا

http://engineering.kau.edu.sa/Defaul..._ID=135&Lng=AR

ورح تلاقي كل التخصصات ونبذه بسيطه عن كل تخصص

[вιαςк мσση]

افضل تخصص لكم هندسة كهربائية اجهزة طبيه

مستقبل جيد وبدلات قويه