رأيكم .. رجاءا

[رشة امل]

السلام عليكم ..
كل عام وانتو بخير ويجعلها سنة خير يارب عليكم
ندخل ف المهم , حبايبي انا صديقتي قدمت عالجامعة تسجيل ادبي -انتظام وموزونتها تدخلها بس للاسف هيا حضرمية
ف حتى الان مانزل لها الترشيح وراجعت وقالولها ( تعالي بعد العيد وللاحتياط اختاري بين الانتساب وعن بعد عشان اذا ماقبلناك انتظام
تدرسي ف واحد فيهم وبعد سنة تقدمي تحويل انتظام بإذن الله... )
سؤالي هوا : بخبرتكم اش تشوفو الافضل لها ؟ لانه هيا مستجدة ماعندها فكرة وللامانة تبا تجيب معدل وتحوول انتظام بجد يعني ان شاء الله يارب الله يسهل لها . سألنا كم شخص والاغلبية قالوا عن بعد افضل : لانه نفس الانتظام اللهم عاللاب بعكس الانتساب اللي مافيه الا فرصة وحدة وهيا الاختبار الفاينل ,, اوك انا معاكم عن بعد افضل بس اكيد تضمن فيه المعدل بإذن الله؟ لانه هيا تشوف الانتساب اريحلها خصوصا انو بتحضر ايام المراجعة واللي قبلها تخلي الاستاذات يشرحولها مباشرة
.... ف الله يسعدكم اللي مر بالتجربة وححول لانتظام يفيدنا اش الافضل لها ؟؟
وشكرا لكم مقدما

[ماجد قرشي]

وعليكم السلام ورحمة الله وبركاتة
وأنتم طيبين ان شاء الله

اذا كان هدفها التحويل للانتظام فتحتاج معدل عالى حسب المطلوب للمقيمين ان المعدل يكون 4.75

دراسة الانتساب يكون فيها دورة سنترا عن طريق النت مدة ثلاثة أسابيع يتم شرح المواد وفيها وتقدر الطالبة تتواصل مع الأستاذة خلال الشرح
نظام الانتساب ال 100 درجة كلها ع الاختبار

التعليم عن بعد نظام درسته محاظرات طيلة الترم يتخللها اختبارات دورية وواجبات لكل مادة
الاختبار عليه 70 درجة
ال 30 درجة المتبقيه على الاختبارات والواجبات والحضور ( ليس مطلوب ان يكون في نفس عرض المحاضرة ) لكن الافضل طبعا اذا في إمكانية حظورها مباشرة

الانتساب مافيه حضور فى الجامعة الحضور عن طريق النت

[r3odii]

انا افضّل تدخل انتساب ..
لانه اسهل ومافيه تعقيدات ، اختبارات نهائيه فقط
اما اذا كان بإمكانها الدخول وحضور محاضرات وحل وواجبات وحضور اختبارات نهائيه ، تدخل تعليم عن بعد
مع العلم ان السنة التحضيريه تعتبر سهله .. وبإذن الله تقدر تجيب المعدل المطلوب

[JoJah]

انا كونت طالبة انتساب العام الماضي السنة التحضيرية سهلة ولله الحمد بس بخصوص ايام مراجعة مافي فقط دورة لمدة ثلاث اسابيع مكثفة تنشرح كل المواد فيها وباجتهادها تقدر ان شاء الله وفي محاضرات مسجلة نموذجية تقدر تطلع عليها من الادوس للانتساب بس انا دي السنة حولت عن بعد حابة انو محاضراتي تكون يومية وماانضغط قبل الاختبارات لانو في ترم محاضراتنا تكون قبل الاختبارات بشهر لخطة ب اما خطة ا قبل شهرين هي ممكن تدخل انتساب الترم الاول وحتفهم الوضع ماناسبها تحول عن بعد لكن تنتبه انو التحويل من انتساب او عن بعد او انتظام مرة وحدة يعني ادا دخلت انتساب تكمل السنة التحضيرية انتساب وبعدين تقدم تحويل للانتظام قبلوها خلاص الحمدلله وادا ماقبلوها تقدر تحول لعن بعد ادا ماناسبها الانتساب ادا هي شاطرة حتجيب معدل عالي بالانتساب وادا ماتقهم او صعب عليها ينشرح لها المنهج بوقت قصير تدخل عن بعد ثم تحول انتظام عشان يكون عندها فرصة التحويل لاسمح الله ماقبلوها انتظام تحول لعن بعد او انتساب ع حسب اش بدات وان شاء الله كلامي واضح بالتوفيق