ماعااد أتحمل .! أبمووت .! ألحقوني تكفووون .! بالعربي وين أقرب مشنقة > نتائج التسكين <

[الســــاامر]

السلام عليكم ورحمة الله وبركاته

مساء / صباح الورد والفل والياسمين عليكم جميعا

وإن شاء الله الجميع بخير و صحة وعافية يارب .

كيفكم مع انتظار نتائج ظهور التسكين << حاس فيكم والله

عموما أنا والله لي عتب على اللي يقولون انهم خلاص ما عاد يقدرون يصبرون اسبوعين !!!

أبسألكم بالله عليكم كيف صبرتوا سنة كاملة , حتى لو قلتوا لي انه عشان هذي نتائج تسكين وهذا مستقبل ومن هذا الكلام صح هو من حقك تقلق شوي وهذا والله شي ممتاز انك متحمس عشان تشوف درجتك وتشوف مستقبلك أما مرة لا تطلع ولا تروح ونفسك راس خشمك << وهذولا هم المعنيين في الموضوع , فهذا وأعذروني على هاللفظ يسمى " الافراط في الحذر " بالعربي ( وسوسه ) مع كامل احترامي للجميع

وانا هنا والله ما أقصد واحد بعينه ولكن الكلام هذا للجميع وهو لي قبل أن يكون لكم .

المهم حبيت أنزل موضوع بسيط عن الشي هذا , وأخليكم الان مع الموضوع

{ أربطوا الأحزمة الله لا يهينكم } << أقول خلصنا بس .


اصبر قليلا وكن بالله معتصما * لا تعجلن فإن العجز بالعجل
الصبر مثل اسمه في كل نائبة * لكن عواقبه أحلى من العسل

أتمنى انكم تقرون هالبيتين أكثر من مرة أتحدى اذا ما كان ينطبق علينا والمشكلة اللي يشوفنا يقول هذي أول مرة ينتظرون فيها درجات أو أن الدرجات هذي خلاص ياحياة أو موت ما كأن نحن مرينا بـ 12 سنة دراسية وما كأن نحن من رابع ابتدائي ونحن نختبر وننتظر النتائج , هل طار من الدنيا شي ..؟ يعني من المفترض ان نكون الحين عارفين كل شي وعندنا خبرة في هالمجال ومثل ما ذكرت سابقا اني عارف ان واحد منكم الحين بيجي ويقول لي هذي تحدد مستقبلك ! طيب يا أخي بالله قول لي وش الفرق بين بكرة والا بعد اسبوعين ..؟

لا تجي وتقول أبغى أستمتع بالاجازة , الإجازة طويييييييييلة ولاحق عليها يعني ما أعتقد أسبوعين بتخرب عليك برنامج الاجازة لماذا لا نتكلم بالمنطق ..؟ لماذا نجعل العاطفة دائما هي من تتحكم بنا ..؟ .

واللي يحس نفسه مره ما يقدر يصبر :

تصبَّرتُ مَغلوبًا وإنِّي لَـمُوجَعٌ * كما صَبرَ الظَّمآنُ في البلدِ القَفْرِ
ولَيس اصْطِباري عَنك صَبرَ استِطاعةٍ * ولكنَّه صبرٌ أمَرُّ مِن الصَّبر .



طيب الحين انتظرنا الدرجات ونزلت الدرجات وكل واحد شاف درجاته وأكيد بيكون هناك طلاب ما هم راضين عن درجاتهم وهذا حق مشروع لهم لكن السؤال اللي يطرح نفسه هل الطالب الغير راضي عن درجاته عمل شي خلال السنة هذي اجتهد وذاكر وحضر وسوا كل شي والا فله وسحبات وعند الاختبارات حقرا بقرا ومن الامور هذي ..؟ اذا كان من النوع الأول فأقول له :

لا يدفع المرء ما يأتي به القدر * و في الخطوب إذا فكرت معتبر

فليس ينجي من الأقدار إن نزلت * رأي وحزم ولا خوف ولا حذر

فاستعمل الصبر في كل الأمور ولا * تجزع لشيء فعقبى صبرك الظفر

طيب يا أخي زعلت وتنرفزت وقفلت الاخلاق عندك طيب وبعدين ..!! رجعت الدرجات ..؟ تعدلت الدرجات ..؟ لا والله مارجعت ولا بترجع . فعشان كذا أرضى بالمقسوم ولا تكدر على نفسك بشي انتهى خلاص .

وان كان من النوع الثاني فأقول له :

>>>> خيرها في غيرها حاول مرة أخرى <<<< .


وأيضا هناك نوع ثالث ما ذكرته اللي هم ما توفقوا وحملوا بعض المواد وان شاء الله ما يكون هناك ولا واحد منهم ولكن لو لا قدر الله ورسب واحد فأقول له :

لا تُطِلِ الحزنَ على فائِتٍ * فقَلَّما يُجدِي عليك الحزَنْ
سيَّان مَحزُونٌ على فائتٍ * ومُضمِرٌ حُزنًا لِما لَم يَكُنْ

ما عليش يالغالي ترى نيوتن وآينشتاين كانوا فاشلين دراسيا ولكن هذا ما منعهم أنهم يبدعون في مجالات أخرى , يعني بالعربي الفصيح الدراسة ليست كل شي بل هناك مجالات ممكن تكون أفضل من الدراسة وأيضا أنت لا تيأس حاول تعدي المواد اللي حملتها مره ومرتين حتى تتجاوزها باذن الله , التخصصات ما بتطير وكل شي متيسر ولله الحمد ما عليك الا انك تشد حيلك شوي وان شاء الله تشوف اللي يطيب خاطرك .


المهم أنا والله عندي كلام كثيييير لكن ما ودي أطول عليكم لأني عارف كل ما كان الموضوع طويل كل ما كان ممل ولو طولت الموضوع شوي بتقولون هذا بياع كلام وما عنده سالفة ومن هالأمور .

عموما أنا حبيت أوصل فكرة بسيطة لاحظتها هاليومين , أتمنى تكون وصلت .

مع العلم إني عارف أن بعضكم بيحقد علي وبياخذ في خاطره مني لسببين الأول كل واحد يقول أكيد هذا يقصدني , والثاني أن الموضوع يتكلم عن التسكين .

والله العظيم ما أقصد أحد في هذا الموضوع لكن فكرة هفت على راسي وقلت خلني أكتبها وأستفيد من وقتي , ومثل ما ذكرت لكم الموضوع هذا موجه لي قبل أن يكون موجه لكم .

أهم شي لا تنسون الدعاء لأنه لا يرد القضاء الا الدعاء فأكثروا من الدعاء وعسى الله يتقبل منكم .

على العموم بارك الله في الجميع وعسى الله يوفقكم ان شاء الله

وان شاء الله نشوف كل واحد/ة في تخصصه/ها باذن الله وموفقيييين جميعا .

ملاحظة * أتمنى تعذروني على صياغة الموضوع وعلى عنوان الموضوع اللي كتبته من باب شد الانتباه فقط لا غير .
هذا وصلى الله وسلم على سيدنا محمد وعلى آله وصحبه وسلم تسليما كثيرا .


,,,,,,,

[anoos04]

تشكر اخوي عالموضوع الجميل صراحه


لاكن اذا مستواك متدني وتبحث عن التخصص اللي تحلم بيه
وماتدري هل تنقبل او لا
صدقني راح تحس بالوسوسه والقلق والارق
انت تقول صبرتو 12 سنه
صح 12 سنه بس ماهي مصيريه زي هذي السنه



صح كلمة مقدر ومكتوب رزقك فين
لاكن الشيطان عامل عمايله

الله يوفقنا وياك ويدخلنا التخصص اللي نطمح له
تحياتي ...

[fahad al-zahrani]

صح لسانك

شف حبيبي المشنقة ماخبر لك مكان قريب .لكن مافيه مشكلة نتقابل مالك الا من شالك بصدام الجمس (هع مسوي يمون)

الله يستر بس .انا الحين استنا الدرجات عشان اشوف اقدر افل في الاجازة والا لا .التسكين افكر فيه اذا نزلت الدرجات.

الله يعين بس . والله يكتب اللي فيه الخير.\

والسلام

[ُزمرد]

وعليكم السلام ورحمه الله تعالى وبركاتة

في باديء الامر .. ترددت بالدخول الى الموضوع .. خِفت ان أصاب بعدوى الخوف من العضو المضطرب الذي أنشأ هذا الموضوع ..

وأخيراً توكلت على الله وقررت تهدئه بعضاً من النفوس القـــلـِـقة ، وإذا بي أرى ان السحر يُقلب على ساحره !! ...

وأنني انا التي هدأت وإطمأننت بعدما كنت في أشيد حيرتي وفي إضطراب تــام ..


أخي العزيز / الــسامر

تعجز الكلمات عن شكرك لهذه الكلمات التشجيعية التي سنستمد منها القوة بإذن الله كلما شعرنا بالضعف والخوف


شُكراً مجدداً على هذه الطرح الرائع

سلمتْ أناملك .

ُزمرد ..

[sultanooh]

انا ما هقدر اصبررررررررررررررررررررر

وخاصة ان مستقبلي حتى الآن مجهول

لكن فقط إذا نزلت الإحصاء والإنجليزي حارتاح لأن كل همي النسبة الخاصة اذا طلعت حققتها بعدين ماعلي حتى لو يطلعوا التسكين بعد سنتين

اهم شيء هالمادتين تطلع ما أقدر اتحمل صبررر وانا انتظرهم

موضوعك حلووو يسلموووو

[الصمت الحكيم]

جزاك الله خيرا اوفقك الرأي بأن الصبر مفتاح الفرج وغير كذا يعني لو اقلقنا انفسنا مثلاً راح تطلع بدري كله مكتوب والله يوفقك الجميع لما يحبه ويرضاه ومن وجهة نظري انكم تشغلون انفسكم بأعمال مفيدة مما يساعد في علاج هذا القلق والتفكير في الغيبيات بلا فائده

[azo0oz 111]

اهــ يالسااااامر وربي انت كنق في الكتااابه اهنيييك اسلووووبك فوق فوق الخياال وانا الحمدلله ماني خايف وبأذن

الله مهندسسسسس وجزاااك الله خييــــر < متاابع لكل موااضييعك منهاا مواضيع الترم الاول طبخه الفيزياء وخطه

الريااضياات اهنيييك اخوي وجعل ربي يووفقك <برــــــــــب اكمل ماث دعواتك

[حلم راقي]

وعليكم السلام والرحمه

يسعد صباحكم

تسسسلم يمينك ياخوي على هالموضوع

الله يجزاك خير ويجعله بموازين حسناتك

الحمدلله يا ربي انا ما عندي مشكله ادخل الرغبه الاولى والا الثانيه

والا حتى الثالثه صحيح قبل كنت حاطه ببالي اني لو ما دخلت الرغبه الاولى

بيصير فيني شي وبتحطم ومن ذا الكلام بس الحمدلله الحين اقتنعت انو

اي شي يجي من ربي انا راضيه فيه

لاني عارفه انو مهما يصير لي بإذن الله بيكون فيه خير..

مره ثانيه جزاك ربي عنا خير الجزاء.

[{halah..]

المشاركة الأصلية كتبت بواسطة sultanooh انا ما هقدر اصبررررررررررررررررررررر وخاصة ان مستقبلي حتى الآن مجهول لكن فقط إذا نزلت الإحصاء والإنجليزي حارتاح لأن كل همي النسبة الخاصة اذا طلعت حققتها بعدين ماعلي حتى لو يطلعوا التسكين بعد سنتين اهم شيء هالمادتين تطلع ما أقدر اتحمل صبررر وانا انتظرهم موضوعك حلووو يسلموووو

-------------

خارج عن الموضوع
>> قريت العنوان وين اقرب منشفه جلست افكر ايش دخل دا فدا
وقريت الموضوع ومرا ماشاء الله موضوع جيد

الله يوفقك مستر سامر وتدخل التخصص اللي تتمنا

[THE HILL]

وعليكم السلامـ

تشكر اخوي السآمر ع الموضوع ،، وع قولتگ ماهي نهآية الدنيا ، بس صدقني قلة اللي يمتلكون الصبر وخصوصا اذا كان شي مرتبط بمصير مستقبلهم ،،


لكن ما تمر ايام الا كل واحد بيرجع ينسى اللي صار ويعرف انه مقصر وهذي عاقبة تقصيره ،،

" يعني ازمه وتعدي " بس مإيوقف عند هالحد وزي ما ذكرت علمآء كانو ما يفكرون انهم في يوم من الايام يوصلون لهذي المرتبه *وبعضهم يقولون خرافات وكلام فاضي *


و لازم الواحد يحط ف باله انه يقدر يبدع ويحارب الفشل ويرضى بالمقسوم • بيكون مرتاح واسعد الناس •



والله يختار اللي فيه الخير ان شا الله ،،