معلومات عن إختبار الإنجليزي في الحرس + المقابلة الشخصية

[بيو كيميائية ^_^]

بدر + Ocean

مافيه أخبار جديدة ؟؟

[بدر الحزنوي]

^ ابد والله ما زلت انتظر
لما كلمتني البنت مرة ثانية سألتها قبلتوني او لا
ولمحت لي اني ان شاء الله مقبول بس لازم يطلع القرار رسمياً ووقتها يبلغوني

واتمنى والله يردون علي بأسرع وقت
لان لو قبلوني ابغى اقدم على الجامعة العربية المفتوحة عشان الدبلوم االتربوي
اصير اتدرب وفي نفس الوقت ادرس الدبلوم واخرج اخر السنه بشهادتين

متفائل خير ان اليوم موعد اعلان المقبولين وان شاء الله اني منهم :)

[بيو كيميائية ^_^]

لا إن شاء الله يارب يطلع قبولكـ

على طول بشرنـا :)

وإن شاء الله تاخذ شهادتين

ربي يكتب لك الخير

[بدر الحزنوي]

^ آآآمين

انتهى يوم الاربعاء دون اي اتصال
يعني راح نعيش بعذاب الى السبت

ما تعرفون احد كلموه واعطوه الموافقه ؟ ولا الجميع مثلي ينتظر ؟
الله يعين

[بيو كيميائية ^_^]

والله ماأعرف

بس إن شاء الله كل تأخيرهـ فيها خيرهـ

وبإذن الله يجيك الخبر الحلو السبت

[بدر الحزنوي]

الحمد لله , الحمد لله , الحمد لله

[بيو كيميائية ^_^]

ألف ألف مبروووك
والله فرحتنا مثل ماقلت بيقبولونك ;)
الحمدلله
بس ربي يعينك ع الغربة
بس دام قبلوك إذا سمعت عن اي برنامج خبرنا

وإن شاء الله Ocean قبلوها

[بدر الحزنوي]

^ يا هلا :)
الله يبارك بعمرك يا رب
احب ان اشكركم على الدعم المعنوي اللي قدمتوه لي بهالموضوع
ما قصرتم بيض الله وجيهكم


امي اليوم اكلمها بالجوال اخبرها بالقبول
حسيت بنبرة حزن في صوتها
لكن نتحمل الفراق سنه

الله يعين وييسر واجد السكن المناسب
وصفت الرياض في رحلتي السابقتين بـ "ووع" هههههه
وهي من جد وع مقارنة بجدة

يا رب تطمنا الأخت Ocean بخبر قبولها

شكراً لكم مرة أخرى

[بيو كيميائية ^_^]

العفـو ماعملنا شيء :)

الله يعينها ويصبرهـا بس كل ماإشتقت لهم روح لهم وهم يجونكـ في الويكـ آند

والله يعينك على الرياض

وتشوف سكن وناس كويسة

بس سنة مابتحس فيها على طول بتخلص

ولا تنسى تسجل في حافز لو ماسجلت ;)

[رتيلْ]

مرحبآ ..

قريت الموضوع صفحه صفحه وآستفدت كثير من كلآم الاخوآن
آلف مبروك للي آنقبلوآ والله يكتب الخير للبآقيين ..


انا قدمت ع آلحرس .. وآليوم جآني مسج انه آكلمهم
وكلمت وحدهـ قالتلي موعد اختبارك يوم 27 اوقست قلتلهآ بكون مسآفره برآ السعووديه !!
ينفع يتآجل الاختبار ولآ كيف .. مآعطتني كلام واضح وصريح
قالت اول مآترجعي من السفر كلمينآ وتشوفي موعد جديد
حآبه اتأكد .. ينفع اغير موعد الاختبار واختبر مره ثانيه ولآ خلآص تروح الوظيفه كذا ...؟؟

وانا من جد متخوووفه بشكل محد يتخيله
عمري ماسويت مقآبله ولآ اختبرت اختبآر توظيف .. :(

طمنوني وفيدوني إذا عندكم معلومآت وخبره ونمآذج أسأله أو مواقع تساعدني


وآلله يعطيكم العافيه يآرب ...