استفسار بخصوص قسم دراسات طفولة

[عاشقة الأطفال]

السلام عليكم ورحمة الله وبركاته
بنات أنا سنة تحضيرية والسنة الجاية راح أتخصص ان شاء الله
بناات أنا عندي استفسار والله يخليكم اللي تقدر تفيدني أتمنى تساعدني والله يجزاكم خير
بنات أنا مرررررة أحب الأطفال واحب اتعامل معاهم ومن صغري أحلم بدخولي دا القسم
وكل أطفاال العايلة يحبووني الحمد لله
بس أبغا أعرف سلبيات وايجابيات دا القسم
وافضل الأستاذات فيييه
لأني متحمسة وأسمع من النااس كلاااام فبصرااحة أرجع اخاف وأتردد
طمنووني الله يطمنكم يااااارب ويسعدكم ويوفقكم في حياتكم :)
مشكووورين مقدما وجزاكم الله خير

[ساكنه في بيتنا]

كل ما اجي ارد ماادري فين يوح

خلاص عصبت .. بس اروق ارد تاني ان شاء الله ..

[أورنج~]

ننتظر ردك بليزز

[فرفشة]

يارب الأخت ساكنة في بيتنا ماتقصر معاك وبقيت البنات
برضوا انا احتاج معلومات
الله يعين ويسهل

[ساكنه في بيتنا]

السلام عليكم و رحمه الله و بركاته

معليه بنات على التأخير ..

دام رغبتكم في الطفوله ربنا ييسر امركم ويوفقكم و يكتبلكم الخير


الطفوله زيو زي اي قسم في الدنيا فيه مميزات و فيه عيوب


مميزاته كتير حأحاول أحصرلكم اللي في بالي ..

يخليكي تعرفي خصائص نموهم و اذا كان سوكهم عادي في دي المرحله ولا لأ عشان تعرفي كيف تتصرفي معاهم ..

يخليكي تعرفي كيف تغرسي الصفات الحلوه و تكوني شخصيته ( شخصيه الانسان المسلم ) ..

يخليكي تعرفي كيف تعدلي السلوك الخاطيء و تستبدليه بسلوك صحيح



يخليكي تعرفي أكثر الأمراض المنتشره في الطفوله وكيف الوقايه منها و معالجتها وكيف التصرف معاها

يخليكي تعرفي كيف الطريقه الصحيحه لقراءه القصه و اختيارها

ممممم باختصار يخليكي تلمي بالطفل من جميع النواحي ..


العيوب .. تقريبا اغلبها في الوظيفه بعد التخرج و في شهادتنا الديوان مو راضي يستوعب انها تربويه !!!


الدكاتره الحمد لله كلهم معاملتهم كويسه صحبات اكتر من انهم دكاتره

بس فيه كم وحده جات من بعثه الترم اللي فات يقولوا البنات تعاملهم مش ولا بد ..

اممممم

شوفوا دي الروابط ان شاء الله كمان تفيدكم ..

نبذه عن قسم دراسات الطفولة


بنات دراسات طفوله


لو بدكم شي تاني انا حاضره :) ..

[فرفشة]

مشكورة دايم ماتقصري
الله يحفظك

[فرفشة]

طيب المواد الي فيها تطبيق عملي لمن ننزل المكان المخصص الاستاذة تشرح ولا يكون التكليف علينا نحن نشتغل
وكيف يكون الاختبار فيه ومحاسبين على الشغل ولا عايدي الاستاذة ترويكم وتراعي لو حصل اخطاء

[ساكنه في بيتنا]

العملي عاده ما يكون فيه شرح كتير .. اكتر من انك تلاحظي و تكتبي ملاحظاتك ..

ممم الاختبار ما يكون في الجزء العملي .. بس النظري .. ..

[عاشقة الأطفال]

مشكووورة ع المعلوومات
طيب أسئلة الاختبارات
كيف تكون مقااالية أكثر ولا اختياري وصح وخطأ ؟؟

[ساكنه في بيتنا]

على حسب الاستاذه كل وحده ليها اسلوبها


بس اغلبهم يجيبوا كم سؤال اشرحي و وضحي و حاجات زي كدا .. << اصلا دا اللي ينفع اكتر شي احسه مع قسمنا << كلامنا كتير ..