استفسار عن حاسبة المعدل الجامعي

[آميرة الحلاآ]

السلام عليكم
الحين لما احسب معدلي كيف احسب عدد النقاط السابقة والساعات السابقة .. ؟ هل احط الساعات المجتازة والا الساعات المسجلة والا ساعات المعدل ؟
لانو انا عندي الساعات المسجلة 84 والساعات المجتازة 65 وساعات المعدل 71 .. وايش الفرق بينهم ؟
معدلي 4.02 .. حابة ارفعه للإمتياز .. وباقي لي 21 مادة من اصل 128 مادة .. كل مادة 3 ساعات يعني باقي لي 63 سااعة .. سااعدوني

[صادف غرورك عزة النفس فيني]

سؤالك مو واضح ياعزيزتي

[آميرة الحلاآ]

اوك ..
فيه حاسبة تحسب المعدل التراكمي المتوقع يعني تضيفي مواد وكدا ووتحطي درجات افتراضية وتشوفي ارتفاع المعدل كيف ..
في الحاسبة دي يطلبو عدد الساعات السابقة وعدد النقاط .. انا في سجلي الأكاديمي عندي ساعات مجتازة وساعات مسجلة وساعات المعدل ؟ فماادري ايش الفرق بينهم ..
فلما ابي ادخل ساعاتي في البرنامج هل احط ساعات مسجلة ولا مجتازة ؟ وكيف احسب عدد النقاط ..
ان شاء الله فهمتي علي

[خـا!لـد]

السلام عليكم

الساعات المسجلة = جميع المواد المسجلة في سجلك الدراسي سواءً اللي نجحتي فيهم أو لا.
الساعات المجتازة = فقط المواد اللي نجحت فيهم.
ساعات المعدل = هي المواد اللي داخلة في حساب المعدل فقط.
مثل ماتلاحظين عندك مادة مسجلة ولكنها غير داخلة في حساب المعدل لسبب ما !

بالنسبة للآلة الحاسبة، كل ماعليك إدخال المواد اللي داخله في المعدل (ساعات المعدل) + كم ساعة كل مادة + درجتك في كل مادة وهي تقوم بحساب كل شيء.

أتمنى لك التوفيق

[آميرة الحلاآ]

فهمني اكتر ..
الحين في خانة مجموع الساعات السابقة احط ساعات المعدل ؟
طيب في خانة مجموع النقاط السابقة ايش احط ؟
انا ضربت المعدل × عدد الساعات السابقة .. صح دي الطريقة في حساب النقاط ..
وبالنسبة للجدول احط المواد وساعاتها ونقاطها صح ؟
وطيب مو كلما زادت الساعات المسجلة كلما قل ارتفاع المعدل والا هم يقصدوا ساعات المعدل ؟ احسني مشتتة
اسفة على الازعاج وجزاك الله خير وفتح عليك من فضله ..

[خـا!لـد]

المشاركة الأصلية كتبت بواسطة آميرة الحلاآ فهمني اكتر .. الحين في خانة مجموع الساعات السابقة احط ساعات المعدل ؟ طيب في خانة مجموع النقاط السابقة ايش احط ؟ انا ضربت المعدل × عدد الساعات السابقة .. صح دي الطريقة في حساب النقاط .. وبالنسبة للجدول احط المواد وساعاتها ونقاطها صح ؟ وطيب مو كلما زادت الساعات المسجلة كلما قل ارتفاع المعدل والا هم يقصدوا ساعات المعدل ؟ احسني مشتتة اسفة على الازعاج وجزاك الله خير وفتح عليك من فضله ..

الساعات السابقة = الساعات اللي تم الإنتهاء منها ولاتتضمن المواد الحالية في المستوى اللي تدرسينه حالياً
النقاط لها طريقة حساب معينة، فكل مادة لها عدد ساعات، فنضرب عدد الساعات في النقاط (النقاط حسب درجتك في المادة).

(95-100) تحسب بـ 5 نقاط = +a
(90 -94) تحسب بـ 4.75 نقاط = a
(85-89) تحسب بـ 4.50 نقاط = +b
(80-84) تحسب بـ 4 نقاط = b
(75-79) تحسب بـ 3.50 نقاط = +c
(70-74) تحسب بـ 3 نقاط = c
(65-69) تحسب بـ 2.50 نقاط = +d
(60-64) تحسب 2 نقاط = d
(0-59) تحسب بنقطة واحدة= f

بعد جمع النقاط في جميع الفصول نقسمها على ساعات المعدل ليظهر لنا المعدل.


وأرى إنه أفضل لك إستخدام الآلة الحاسبة في المرفقات لاتحتاج لهذا كله
فقط تدخلين أسماء المواد + عدد ساعات كل مادة + درجة كل مادة
ويتم الحساب مباشرة ويظهر لك معدلك ومراتب الشرف
*طبعاً لاتدخلي المواد التي لم تدخل في المعدل.

بالتوفيق،،،

[آميرة الحلاآ]

لانو ناوية ارفع معدلي فحابة اضيف مواد حرة اضافية لأصل للإمتياز بإذن الله فأنا ماالتزم بالجدول ..
اختصر لك اللي فهمته بالنسبة للنقاط المسجلة وضحت الصورة وبالنسبة للساعات السابقة هي ساعات المعدل وهي اللي اعتمد عليها في حساب المعدل .. وليست الساعات المسجلة
صح كدا ؟؟
الله يفتح عليك ويرزقك من حيث لاتحتسب .. الف شكر

[خـا!لـد]

المشاركة الأصلية كتبت بواسطة آميرة الحلاآ لانو ناوية ارفع معدلي فحابة اضيف مواد حرة اضافية لأصل للإمتياز بإذن الله فأنا ماالتزم بالجدول .. اختصر لك اللي فهمته بالنسبة للنقاط المسجلة وضحت الصورة وبالنسبة للساعات السابقة هي ساعات المعدل وهي اللي اعتمد عليها في حساب المعدل .. وليست الساعات المسجلة صح كدا ؟؟ الله يفتح عليك ويرزقك من حيث لاتحتسب .. الف شكر

صحيح، الساعات السابقة اللي يهمنا فيها ساعات المعدل أما المواد الخارجة من المعدل مانحتاجها.
بصراحة البرنامج هذا معقد فأخاف بسبب أي خطأ بسيط يسبب لك مشكلة (خاصةً عندك إختلاف بين ساعات المعدل وساعات المسجلة وساعات المجتازة) في إحتساب المعدل خاصة في وقت حرج قبل التخرج فلذلك تأكدي من الحساب كثير.
بالتوفيق،،،

[آميرة الحلاآ]

الف شكر لك وجعله في ميزان حسناتك

[خـا!لـد]

المشاركة الأصلية كتبت بواسطة آميرة الحلاآ الف شكر لك وجعله في ميزان حسناتك

عفواً
جربتها وظهر لي معدلي بالضبط :)
لاكن الموضوع معقد شوي