☜☯حايسه ☜☯بهالتخصص ☜☯

[clever 100%]

السلام عليكم ورحمة الله وبركاته أولا الله يوفقكم في هذا التخصص ودائما لا تنسوا شكر الله على كل شي ثانيا : أنا سنة تحضيرى <<لسى طازة ونفسي بصراحة أدخل تخصص لغة انجليزية وأنا مستواي لا مبتدئ ولا توب يعني متوسط أعرف الحمدلله قرمر ـ ورد ـ ...الخ وإن شاء الله مع السنة التحضيرية أتقوى لأنو احنا بندرس 4 ليفلات لكن أنا بدرس 3 لأني طلعت ليفل 2 الحمدلله لكن لما أمسك كتابي الإنجليزي أقول إن شاء الله سهل بدخل انجليزي ولما أمسك كتاب أختي حق الطب أقول هونت س : تخصص الانجليزي سهل ولا صعب ؟ س :تقدري تتخرجي منه بنسبه 5 أو 4،9 يعني ممتاز لو شديتي حيلك ؟ س : ولو انتي نسّايه يعني بتحفظي الورد من هنا وبتنسيه من هنا، قصدي الوردس اللي مابستخدميه في حياتك يعني مثل الشركات النفطية والمشاريع ودا الكلام تقدري تمشي في الإنجليزي ؟؟ س : وهما يقبلوا ع أي أساس درجتك في الإنجليزي من 100 ولا المعدل الموزون كامل ؟ س :وإذا ع النسبة من 100 أو المعدل الموزون كم يقبلوا آخر درجة يعني مثلا في 90 ،85؟؟ س : وهذا السؤال للمتخرجين انتو الآن تخرجتوا وأكيد انكم ألميتوا بكل الإنجليزي وأكيد ماشاء الله بتعرفوا تتكلموا هل بصراحة تقدروا تتخاطبوا مع أمريكان بكل طلاقة ؟؟ س: برضوا للمتخرجين أو ع وشك يتخرجوا لما مثلا انتي الآن بتتكلمي مع مدير شركة ولا دكتور ولا حاجة اوبهة كدا ونسيتي كلمة اش تسوي مع انك شاطرة في الإنجليزي يكون معاكي قاموس في الشنطة ولا دكشنري <<الأخت محسبة العالم زيها يعني دي ورطة مرة كبيرة اش بتعملوا وقتها ومعليه كثرت الأسئلة عليكم لكن والله اني اعتبركم مثل أخواني أتمنى انكم تفيدون :أختكم من حواء

[nooni]

انا امس شفت وحده تسأل عن التخصص قالو لازم تكون درجتك في الإنجلش إلي بتدرسيه دحين 95 في 1 & 2
واما انك تحفظي وتنسي عادي كلنا كنا كدا بس مع الوقت يمشي عندك الوضع
والدكشنري فيي البداية كنا نعتمد عليه والمستويات الأخيره نمسك نادر
والكلام بطلاقة انتي وشطارتك إذا عودتي نفسك تتكلمي من بدري
يصير عندك سهل وتتكلمي زي ماتبغي وتتفلسفي عادي
بالتوفيق قلبوووو

[saeed al amri]

لااعتقد ان اى انسان يستطيع التحث بطلاقه مثل اهل اللغه الاصليين الا فى حالات نادره كان يولد هناك او كان مغترب من طفولته او ماشابه لفتره طويله ولاحظوا عندما يتكلم مستشرق اجنبى اللغه العربيه تلاحظون انه يفهم الكلام ولكن يتكلم بصوره غير فصيحه وليس المهم ان تتكلم اميركى او فرنسى المهم ان تفهم مايقال وتستطيع مجاراته بشكل جيد وايضا ملاحظ انكم تركزون على القشور وتتركون اللب يعنى تخصص انجليزى يقدر يتكلم اميركى او بريطانى مثلهم ليه تبغون تهاجرون هناك المهم هو هل يمكنك فهم ومحاوله استيعاب المضمون وتركيب الجمل والقواعد بصوره صحيحه ومن الغلط الشائع محاوله تقليد اللكنه لاهل اللغه الاصليين لان اللكنه خاصيه فرديه لكل شخص فاهتم بقواعد واساسيات اللغه وتركيب الجمل والمخزون الجيد للكلمات ومرادفاتها وغيرها وفى الختام اتمنى التوفيق للجميع

[clever 100%]

المشاركة الأصلية كتبت بواسطة nooni انا امس شفت وحده تسأل عن التخصص قالو لازم تكون درجتك في الإنجلش إلي بتدرسيه دحين 95 في 1 & 2 واما انك تحفظي وتنسي عادي كلنا كنا كدا بس مع الوقت يمشي عندك الوضع والدكشنري فيي البداية كنا نعتمد عليه والمستويات الأخيره نمسك نادر والكلام بطلاقة انتي وشطارتك إذا عودتي نفسك تتكلمي من بدري يصير عندك سهل وتتكلمي زي ماتبغي وتتفلسفي عادي بالتوفيق قلبوووو

تقصدي 95من 100 درجة في المادة نفسها في ليفل 1&2 يعني في التحضيري بليييييييييييييييز ابي احد يأكد لي الخبر يعني هم ما يآخدوا بالمعدل عشان أشوف يعني يعني يعني عارفة طفشتكم والله ماقصرتو

[clever 100%]

المشاركة الأصلية كتبت بواسطة saeed al amri لااعتقد ان اى انسان يستطيع التحث بطلاقه مثل اهل اللغه الاصليين الا فى حالات نادره كان يولد هناك او كان مغترب من طفولته او ماشابه لفتره طويله ولاحظوا عندما يتكلم مستشرق اجنبى اللغه العربيه تلاحظون انه يفهم الكلام ولكن يتكلم بصوره غير فصيحه وليس المهم ان تتكلم اميركى او فرنسى المهم ان تفهم مايقال وتستطيع مجاراته بشكل جيد وايضا ملاحظ انكم تركزون على القشور وتتركون اللب يعنى تخصص انجليزى يقدر يتكلم اميركى او بريطانى مثلهم ليه تبغون تهاجرون هناك المهم هو هل يمكنك فهم ومحاوله استيعاب المضمون وتركيب الجمل والقواعد بصوره صحيحه ومن الغلط الشائع محاوله تقليد اللكنه لاهل اللغه الاصليين لان اللكنه خاصيه فرديه لكل شخص فاهتم بقواعد واساسيات اللغه وتركيب الجمل والمخزون الجيد للكلمات ومرادفاتها وغيرها وفى الختام اتمنى التوفيق للجميع

تب ليه ما بجمع الإتنين مع بعض استوعب المضمون وفي نفس الوقت أتكلم زيهم
وأنا لو ما تكلمت زيهم بيقولون هذي مادرست شي حتى ما تعرف تنطق الكلمات الله لا يبلانا ومادام اني بعرف اقلب لساني والحمد لله ع لغتهم ليه ما أتكلمها

[clever 100%]

معقول ماحد عنه أي خبرة بهالتخصص أجل وشلون دخلتوا كذا ع بركة الله
يا أخوان الله في عون العبد مادام العبد في عون أخيه

[saeed al amri]

فى دفعتنا ماكان مشروط المعدل او الدرجه فى الالكا وياليت عندى معلومه وافيدك وبالنسبه للتخصص فيه قليل من الصعوبه نوعا ما فى بعض المواد وبالنسبه لمشكله نسيانك فمن المهم ان تتدكرى الكلمات الى اخدتيها فى كل ترم لانها راح تتكرر عليك وراح تستخدميها فى الكتابه بالاضافه الى انه كل ترم تصادفى مئات الكلمات والمصطلحات الجديده القسم يحتاج الى شد حيل حتى تسهل الامور عليك اتمنى افدتك

[clever 100%]

تب على كلام الأخت انو لازم تجيبين بليفل 1 و2 95 وأكثر عشان تدخلين القسم احسبوها معي أنا اختبرت تحديد المستوى والحمدلله طلعت ليفل 2 أعتبر الآن نجحت من ليفل 1 صح يعني جبت فيه 100 بقي لي ليفل 2عشان لازم اجيب فيه 95 وأكثر عشان أدخل التخصص حسبتي صح يا أخوان ولا ايه وجزيتم خيرا

[ام حمدان]

المشاركة الأصلية كتبت بواسطة clever 100% تب على كلام الأخت انو لازم تجيبين بليفل 1 و2 95 وأكثر عشان تدخلين القسم احسبوها معي أنا اختبرت تحديد المستوى والحمدلله طلعت ليفل 2 أعتبر الآن نجحت من ليفل 1 صح يعني جبت فيه 100 بقي لي ليفل 2عشان لازم اجيب فيه 95 وأكثر عشان أدخل التخصص حسبتي صح يا أخوان ولا ايه وجزيتم خيرا

ايوه ياعسل
لازم تجيبي فالالكا اقل شي 95 + معدلك لايقل عن 4.50
هذي شروط القسم
شدي حيلك وبماانك ليفل 2 اتوقع مستواكي ماشالله كويس لذلك لا تخافي التخصص ماحيكون صعب عليكي إن شاء الله بس اهم شي تجتهدي وماتهملي دروسك يعني ماينفع المذاكره الي قبل الامتحان
لاااا ذاكري كل درس بيومه وإن شاء الله تمشي زي الحلاوه فالقسم وادخلي مواقع تطور اللغه عندك والفوكابلري

وماشالله الاعضاء ماقصروا ادوكي فكره عن القسم
واي سؤال ثاني حتلاقي جوابه هنا إن شاء الله
http://www.skaau.com/vb/showthread.php?t=239659

موفقه ياعسل



بالتوفيق ياعسل

[رغد محمد]

وعليكم السلام ورحمة الله وبركاته ..

آآآآآآآآمين قلبو وإياكِ إن شاء الله وعقبال نبارك لكِ على قبولكِ في القسم ياااااااااارب ..

بخصوص أسألتكِ هذه إلي أعرفه تفضلي :

س : تخصص الانجليزي سهل ولا صعب ؟

هذا ياقلبي يعتمد عليكِ إنتِ ..يعني كيف نظرتكِ لهذا القسم ..إنتِ شايفته صعب ..!! راح يكون عليكِ صعب ولكن إذا كان العكس راح يكون سهل عليكِ ..هو على حسب نظرتكِ له ..وأكيد القسم يبيله جد واجتهاد كبير جدًا من قِبلكِ ..

س :تقدري تتخرجي منه بنسبه 5 أو 4،9 يعني ممتاز لو شديتي حيلك ؟

بصراحة أنا ما أعرف هل في أحد تخرج بهذه النسبة أو لأ ..ولكن نظرتي انا للأمور أشوف إنك تقدري إذا وضعتي الأمر في رأسكِ مافي إنسان مايقدر يحقق إلي يبيه كلنا نقدر نسوي إلي نبيه بس أهم شي: العزيمــــــــــــــــة +الإجتهاد +الإرادة +توكل على الله = تحقيق الحلم وبجدارة إن شاء الله ..
س : ولو انتي نسّايه يعني بتحفظي الورد من هنا وبتنسيه من هنا، قصدي الوردس اللي مابستخدميه في حياتك يعني مثل الشركات النفطية والمشاريع ودا الكلام تقدري تمشي في الإنجليزي ؟؟

طبعًا راح تمشي فيه إن شاء الله ..طيب أنا أكبر نساية في هالكون كله والمشكلة إني ما أحب الحفظ حتى بالمررررة..ولكن هذا الشي مامنع من إني أدخل لقسمي إلي حلمت فيه من زمان وراح أتفوق فيه إن شاء الله ..

س : وهما يقبلوا ع أي أساس درجتك في الإنجليزي من 100 ولا المعدل الموزون كامل ؟
ياحبيبتي ..

هم طالبين المعدل يكون فوق 4.50 والدرجات في الإلكا 101 و102 تكون فوق 95 ولو كانت درجاتكِ أقل منها مافي أي مشكلة بإمكانك تعملي اختبار وإن شاء الله تتجاوزيه وتنقبلي في القسم بس طبعًا الإختبار ما تدخليه إلا إذا كان عندكِ خلل في أحد الشروط إلي ذكرتها ..

س :وإذا ع النسبة من 100 أو المعدل الموزون كم يقبلوا آخر درجة يعني مثلا في 90 ،85؟؟
ذكرته سابقًا ..

س : وهذا السؤال للمتخرجين انتو الآن تخرجتوا وأكيد انكم ألميتوا بكل الإنجليزي وأكيد ماشاء الله بتعرفوا تتكلموا هل بصراحة تقدروا تتخاطبوا مع أمريكان بكل طلاقة ؟؟

إن شاء الله لما أتخرج اجاوبكِ عليه ولا يهمكِ قلبو >>هههههههههههههههههههه..

س: برضوا للمتخرجين أو ع وشك يتخرجوا لما مثلا انتي الآن بتتكلمي مع مدير شركة ولا دكتور ولا حاجة اوبهة كدا ونسيتي كلمة اش تسوي مع انك شاطرة في الإنجليزي يكون معاكي قاموس في الشنطة ولا دكشنري <<الأخت محسبة العالم زيها..

هههههههههههههههههههههه
مدري والله بس بواقع تجربتي أنا لو ما عرفت الكلمة إلي أبي أقولها أحاول أوصفها له بأي طريقة المهم يفهمني في الأخير ..

سوري على الإطاله ياعسل ...

أسأل الله لكِ التوفيق والسداد ولو تامري على شي بإمكانكِ تسألي في الرابط إلي وضعته العسل أم حمدان ..

تقبلي مروري ..

رغووودة ..