الكلام دا مو من فراغ !!!

[ReEmOnTaa]

الـسلام عليكم

انا جايا اتنااقش في موضوع يخص الجامعه
بصراحه احنا لغاية متى في دا الجهل والتخلف
والله مايسير كدااا عيب
الاسبوع التاني في الدوامات ومافي ترتيب ولانظام
انا امس كونت في الجامعه روحت اسوي معامله
اول شي بالقوه دخلوني الجامعه ساعه عند الباب تحقيق
تاني شي اروح العمادة والقبول ايش الفوضا اللي احنا فيها
وفوووق دا كولو لامشرفات ولا مسؤلات يعطوو وجه للطالبات
تيب لو احنا جلسنا على داا الوضع رح يمشو الطلاب في دراستهم ؟؟؟
كتير من الطالبات عندهم ظروف وعندهم مشاكل وعندهم صعوبه في دفع الرسوم
ولا في اللي يقدرووووو
دا واسمها جـــامعــه حكووووميهـ
على اي اساس اسمها جامعه؟؟؟
لانظام ولا ترتيب وفوضاا بشكل غير طبيعي
ومافي رقااابهـ !!!
الوضع مرررررا مايسير
الاف الطالبات اتسحبوو من الجامعه
والسبب؟؟؟؟؟
طيب ليه كداا
كولنا نبغى ندرس كولنا بنحلم نوصل لاهدافنا بس لما نلاقي شي يوقف في طريقنا
بجد شي يحززززززن وضعنا اسوء وضع
كفايا اسلوب ادارة الجامعه لما بنجي نسألهم !!!
بجد تستغرب (((تقول دول متعلمين وماخدين شهادات )))

احنا لغاية متى رح نكوون في دا الوضع
؟؟؟؟

يعني اغلب الطلاب والطالبات جالسين في البيت
طيب ليه !!!
عشان ماجابو مجموع ؟
عشان ماعندهم امكانة دفع رسوم في جامعه حكوميه؟؟
عشان مو لاقين تعامل كويس ؟؟؟؟
!!!!

معليه طولت عليكم
بس والله ماكتبت داا الكلام من فرااااااغ

ابغى رايكم في الوضع داا بصراحه ووجهة نظركم خلونا نتناااقش مع بعض يمكن نوصل لاهدافنا

[مــضاوي الحلوة]

كلامك صح وعنجد لا تعليق.....................

[ReEmOnTaa]

جزاك الله خير

[hoopoe-23]

كلام صحيح بس ايش بيدنا نسوي الا نقول
حسبي الله ونعم الوكيل

[حــوريـهـ]

من جد .. وكل حرف كتبية من قلبك طآآلع وحآآسه فيه


قمة التخلف.. وقمة التآآخر.. ولله لو النظآآم من عصر أبو لهب و أبو جهل.. كآآن اسنع بمليون مرررة


لا وزيدكـ .. فيتماين واووو صآآر مصرح فيه... اللي معها تخش.. مامعها.. مالها مكنا هنا وتتفضل من غير مطرود



هاذا باللهي اسلووووب اشخااص متعلمين.. غلطان من معطيهم المسمى استاذ .. سكرتير.. دكتور... الا من رحم ربي


وقلة هم القلائل اللذي لايعدون على اصبع اليد الواحدة ...ولا الاخلاق.. كأن الجامعه ملك امهم ولا ابوهم ...



في شي اسمه فن التعآمل.. ولا المنصب.. هاذي امآآنه.. المفرووض تؤدي على آكمل وجه



لانو حرآآآآآآآم يضيع مستقبل آآلاآف الطلاب والطالبات .. عشان استهار ولعب من اداااارة رديئة ..



ان شالله الحآآل يتعدل .. ولو ان الشك المتيقن .. ماظنتـــي .. آآبد ...


وإلى الخلف أيتها الجامعه .. أقصد إلى الآمام إن شاء الله ..


يارب تتسنع .. < تحس انها تحلم
<< مقهروة من قلب




دعوآتي الخالصه من صميم قلبي.. أن يزرق الله أخوننا واخواتنا منلم يكتب لهم نصيب.. ممنكتب لهم نصيب الشقااء بهذة الجامعه الموقرة


كـــــــــــــل التوووووفيق والنجآآآآآح في مسيرتهم العلمية ...




دمــتــم بــــود

[Brilliant Shores]

والله جبتيها على الجرح فعلا الوضع ماعاد ينطااااااق بس الله يصبرنا ويعيننا


واللي يجرب يروح لو زيارة لكلية عفت او دار الحكمة بجد يلاحظ الفرق في التعامل


شي بالفعل يقهر لكن الحمدلله على كل حال الله يكتب لنا الاجر ،،،،

[نسيم جده]

من جددددددددددد قسسم بالله
الله يحرقها من جاااااامعه بس متى اتخرج منها الله يخدهم كلهم
اذا معدلي حاسبينه غلط ولي اكتر من اسبوعين وماسوى شي
قاااال ايش قال جااامعه مااالت عليها من جاامعه

[نادين]

شوفي حبوبه بكل اختصاار ماصار فيه أمـــــــــــانة

من جد اخر زمن ورفعت الامانة .. مافي احد يبغى يشتغل تروحي عند مسؤولة والا مشرفه تكلمك من راس خشمها

يالطيف اش سوينا انا طالبة ومن حقي اسال واستفسر .. ماودك تشتغلي يختي الشغلة ماهي صعبة قدمي استقالتك

فيه غيرك كثير .. يعني لازم تجبروننا ونقول روحوا شوفوا الغرب شوفوا كيف التعامل والذوق والاخــــــــــلاص

يالله احنا المسلمين احنا اللي المفروووض اخلاقناا كذااا بس للأسف بس فالحين في المظااهر والبهرجه ونسينا اللي جواا كيف نصلحه

انا ضحية احد الاخطاااء من الشؤون والسبب ايش عدم تركيز وبس تبغى الفكه من الشغل

طيب انت مكانك هنا لييييه ؟؟


والله من زمان ماشاركت في المنتدى الحلوو هذاا بس مووضووعك بجد ماجا من فرااااااغ

[FUUUUFO]

حسبي الله عليهم انا ظلموني وقفوا صفحتي ولم ارجعهم كل وحده تقول لاثانيه الموضوع عند الفلانيه وماطلعوا شهادتي في وقته وماقدرت ارسل اورقي لاماستر حسبي الله على من كان سبب يارب يطلع حقي فيهم ويحرق قلبهم مثل ماحرقوا قلبي

[ReEmOnTaa]

لاحوول ولا قوة الا بالله
والله حرااااااااااااام داا اللي بيسير
نوقف مستقبلنا عشان خاطر عيووهم
المهم عووواتكم وربنا ياخد حق كل مظلووم