ارجو المساعده محتاره

[ميما :)]

انا تعليم عن بعد كانت اختباراتي في السنه التحضيريه في الفرع الرئيسي للطالبات والحين تخصصت والحمدلله
ادارة الخدمات الصحيه والمستشفيات راح تكون اختباراتي في الفرع كلية البنات في الفيصليه
لمن جيت اسوي الحذف والاضافه مكتوب الفرع
سؤالي
وش احط الفرع الحين ؟
سؤالي التاني
انا محمله الانجليزي 102 وابغى اضيفه للجدول
وين راح اختبروا برضوا في الفرع الرئيسي ولا في فرع كلية البنات في الفيصليه ؟؟؟؟


اتمنى تساعدوني لاني توي اتخصصت ولسه ما اعرف شيء والله يجزاكم كل خير ويحققلكم مبتغاكم

[بَنتّ الج‘ـوٍد]

زيي مره حايسه ومو عارفه
ابغا احذف ماده واحط الانقلش بداله
ياليت احد يساعدنا

[ميما :)]

توي دخلت على الاودس بس للاسف موادي مو راضي يحذفها ولا يضيفها
ودخلت على السنترا لقيت محاضراتين قادمه شلون وانا ما اضفت شيء

[بَنتّ الج‘ـوٍد]

زيي دخلت لقيت مادتين
الساعه 5 عندي محاضره , شكلو مراح نقدر نضيف ونحذف :(

[ميما :)]

والله شكلو كده ياليت لو احد يدخل ويريحنا

[ميما :)]

من وين انتي يا بنت الجود

[عبدالله 7z]

بالنسبة للانجليزي 102 تختبريه في الفصيليه خلاص انسي السنة التحضيريه وموقع الاختبار

بالنسبة للحذف والاضافه عن طريق ايقونة الحذف والاضافه . . . اذا انتو مسددين او عندكم إعفاء تقدرو تحذفو وتظيفو

بالتوفيق للجميع

[بَنتّ الج‘ـوٍد]

انا من جده , عرفت الطريقه ي حلوه
تدخلي التسجيل البحث عن الشعب الدراسيه بعدين تختاري الماده بعدين فرع كلية الفيصليه
بعدين نوع الدراسه نعليم عن بعد بعدين البحث عن شعب دراسيه راحت تطلعك الماده و اكتبي رقم مرجعها عندك
اطلعي روحي عند الحذف و الاضافه في مستطيلات تحت تكتبي المرجع ف المربع وتحطي تنفيذ التغيرات
اخرجي روحي للجدول بتلاقيه

^ ذا الاضافه


بس انتي اي كلية .؟ اذا كلية الاعمال برابغ حطي كلية الاعمال برابغ مو مكان اختبارك وين
ان شاء الله فهمتي

[ميما :)]

انا اختباري في فرع الفيصليه

[بَنتّ الج‘ـوٍد]

لا كليتك ايش .؟