القبول مشرووووووووووط ( بديل التوفل )

[رحال2009]

السلام عليكم ورحمة الله وبركاته

اليوم رحت اكمل إجراءات قبولي في ماجستير المحاسبة ولكن صدمت أنهم قالوا قبولك مشروط ولابد تجيب درجة التوفل
فحاولت إنهم يأخذوا أوراقي وأحصل على البطاقة الجامعية فرفضوا وقالوا عندك حل إنك تودع الفين ريال في سامبا قيمة دورة في اللغة الانجليزية وتجيب الايصال وتحصل على البطاقة الجامعية
ويتم دراسة الدورة مع بداية دراسة الماجستير ( أتمنى احد ياكد لي هذه المعلومة لأني لست متاكد منها ) واجتياز الدورة يغنيك عن التوفل

[نوره علي]

و عليكم السلام و رحمة الله و بركاته

أعتقد أن الدورة فقط لطلاب وطالبات كلية الآداب لكن ماجستير المحاسبة ما يشملها ، و ما أعتقد أن دفعك للألفين راح يفيد ، لكن يتم تأجيل القبول و إن شاء الله إنك تتوفق لاجتياز التوفل الفصل الدراسي الأول و تبدأ بعدها دراسة


نصيحة لا تتورط وتدفع الألفين قبل ما تتأكد من عمادة خدمة المجتمع لأنها المسؤولة عن هذه الدورة

و بالتوفيق

[دلوعه غير]

انا كاتبة تعهد << ماعندي التوفل

بس اخدت اوراقي وقالتلي تعالي اخر شهر 7 عشان البطاقه<< كل البنات محد استلم المستوفية والي مو مستوفية

بس قالت محا تبداي تدرسي الا لمن تجيبي التوفل

[Smart Accountant]

ايش اللي ما نبدأ دراسة الا لما نجيب التوفل.!!!!

التعهد اللي كتبناه إننا نجيب التوفل خلاااااااااااال الفصل الدراسي الأول من دراستنا للماجستير

:(

ماني فاهمة ولا شي

:(

[دلوعه غير]

المشاركة الأصلية كتبت بواسطة smart accountant ايش اللي ما نبدأ دراسة الا لما نجيب التوفل.!!!! التعهد اللي كتبناه إننا نجيب التوفل خلاااااااااااال الفصل الدراسي الأول من دراستنا للماجستير :( ماني فاهمة ولا شي :(

لمن كتبنا التعهد فهمونا كدا

بس دحين يقولوا لا ما تبدأي الا بالتوفل
ولو ماقدرتي تجيبيه لازم تأجلي ترم وتجيبيه خلال الترم الأول

[سوسو66]

التعهد اللي كتبناه إننا نجيب التوفل خلاااااااااااال الفصل الدراسي الأول من دراستنا للماجستير

مو إحنا كلنا مفكرين كذا .. والمفروض يكون كذا ..

بس الصدمه يوم سلمنا اوراقنا .. قالوا ماراح تنزل لكم مواد الماستر لا لمن تجيبوا التوفل ..


بس انتي اذا عندك مواد تكميليه ترى عادي ..

[Smart Accountant]

حسبي الله..

الله يختارلنا الخير

[نوره علي]

المشاركة الأصلية كتبت بواسطة smart accountant ايش اللي ما نبدأ دراسة الا لما نجيب التوفل.!!!!

المشاركة الأصلية كتبت بواسطة smart accountant التعهد اللي كتبناه إننا نجيب التوفل خلاااااااااااال الفصل الدراسي الأول من دراستنا للماجستير :( ماني فاهمة ولا شي :(

اذا بدأت دراسة و بعدين ما قدرت تحقق شرط التوفل يا ترى ايش تقترح على الجامعة ساعتها ؟؟

فصل الطالب بعد دراسته فصل دراسي أو اعطاءه فرصة أخرى ؟؟

و بعد الفرصة الأخرى إن لم يحقق الشرط كيف يكون التصرف حينها ؟؟

أعتقد تأجيل الدراسة حتى تحقيق الشرط هو أمر منصف من قبل الجامعة

و بالتوفيق

[Smart Accountant]

مو معقول إنه خلال الفصل الأول ما نقدر نحقق شرط التوفل

حيكون في 5 اختبارات اعتقد

يعني ان شاء الله نقدر

:(

[abod2010]

سلام
يابنات للاسف لازم شهادة التوفل وإلا تأجلي ترم وانا اتصلت ب الموظفة هند الجفلي وكانت صارمه ياتجيبي التوفل قبل رمضان او اجلي القبول وقالت اخر موعد للتأجيل 6 رمضان وبصراحه صدمتني وطبعا انا خليت وحده من صحباتي تسلم الاوراق وقالت لها نفس الكلام..طبعا لحد ذحين ماادري شو اسوي بس على طول بعد ماقفلت منها دخلت ع موقع التوفل وحجزت اقرب موعد توفل قبل رمضان وبيكون 25jul يعني 3 شعبان والموعد اللي بعده بيكون 30aug يعني 9 رمضان بعد تأجيل القبول .. ع العموم حبيت افيدكم والله الموفق