طـــــالبه انتساب جديده بينكم ^_^ ومحتاجه نصايحكم الحلوه .. تفضــلو ..

[Cho Kakao]

السلام عليكم ورحمة الله وبركاته


كيفكم جميعا ً ؟ إن شاء الله تكونو تمام

تخصصت وبحمدلله انجلش بعد جهد وعناء


وانا من دفعه 09 إذا في أحد معايا ياريت يقولي

حابه تنصحوني كيف القسم عموما وكيف المواد ؟ واسمع نصايحكم عموما

حاسه بلخبطه شويه لأني جديده بينكم وجيت القسم معاكم > لأنو اول كنت بقسم السنه التحضيريه انتساب

فـ الوضع جديد عليا وحابه تنصحوني مما استفدتو بدا القسم والمواد

وشكرا لكم

[يارب تحقق احلامنا]

الاخت العزيزة انا مابأنصحك !!
لكن بدعيلك من قللللللللللللللللللللللب
الله يوفقك ويوصلك لمرادك يارب يارب يارب
برد عليك وبكتب موضوع الحين استشارة لانة جاني احباط من شخص ولازم استشيير الاخوات-ات اللى درسو فعلا بالتخصص هل فعلا كلام صحيح او اني من الان ادور على تخصص يمكن يفيدنى

[طموح العلم]

أهلا وسهلاً بك أختي بيننا
ومبروك مقدماً التخصص وإن شاء الله تتوفقي فيه
أولا : وهذه أعتبرها أهم نصيحة لأني ما ادركت أهميتها إلا بعدين هي أن تأخذي المواد من أول الترم يعني مع طلبة الإنتظام وتخصصي كل يوم لجزء من المواد كأن إختبارك الإسبوع الجاي وبكذا تحصلي نفسك وقت الإختبار 100%
ثانياً : تدربي على الكلمات وترجمتها وكتابتها كتابه صحيحة أكثر من مرة وحاولي انك تخذي دفتر مخصص للكتابه كل يوم اقل شئ ثلاث صفحات علشان تأخذ يدك على الكتابه والإسبلينق الصحيح0 حتى لو ما كنت عارفة إيش كتبتي مثلا كتابة مقال من الي في الكتاب كم مرة 0
ثالثا : حاولي تسجلي على الأم بي 3 محادثات من النت حتى لو كانت فهمها صعب بالبداية راح تلاقي نفسك بعدين أفضل مستوى وتتعود اذنك على السماع بسرعة 0
رابعاً : مراجعة أسئلة الإمتحان والملخصات للأعوام السابقة الي بالمنتدى تراها مررررررررررة خطيرة 0
خامساً : تشغيل تعليم الإنجليزية على اليو تيوب فهي مفيدة جداً 0
سادساً : بس خلااااااص يالله إبدي ذحـــــــــــــــــــــــــــــــين 0

سلاااااااااااااااااااااااااااااااااااااااااااااااا اااااااااام

[ام حمدان]

هلا فيك بيننا

انصحك تدخلي موضوع تجمعنا
تجمع طالبات المستوى الثاث انتساب
اقرأيه كلة بتمعن عشان تآخذي فكرة عن المواد وتستشعرين بنفسك ايش السهل وايش الصعب

تمنياتي لك بالتوفيق فقسمنا وربي يسهلك الدراسه فيه

موفقه

[my-nana]

أهلين فيك بيننا
من تجربتي لازمم تذاكري أول بأول وتجهزي نفسك من أول الترم علشان تخلصيها بدري بدري وسوي نفسك كأنك بانتظام كل يوم درس لحد ماتخلصي والرايتنق إذا مانتي عارفه تكتبي براجراف مرتب لاتاخذيه خليه الترم الجاي وتدربي عليه بالإجازه وهوا يحتاج تكوني ملمه بالأفعال والصفات وترتيب الأفكار وأهم شي تكتبي جمله صحيحه بالإملاء والقواعد
الفرنسي صميه صم كل الإختبار كان من الكتاب
الريدينق يبالك تركيز بالإختبار لأنه معقد شوي بس عموما نص نص بس القطعه اغسلي يدك منها مره صعبه كمان ذاكري نوع الكلمه فعل وإلا اسم وإلا صفه والبرافكس والسفكس
اللسننق ذاكري الكلمات ومعناها بالإنجليزي وكمان حطيها في جمله هذي كثروا منها في الإختبار والفونكشنز اللي تجيك بالمربعات كمان الإختصارات وعودي نفسك على السماع للمقاطع الصوتيه واكتبيها كمان لو حبيتي

[Cho Kakao]

^__^ نصايحكم قويه والله فعلا

لازم أدرب نفسي كمان يالله حسيت إني فعلا كأني بالبجنر

الله يستر والله بديت أخاف واتوتر شويه

جزاكم الله كل خير يارب والله نصايحكم ذهب والله وبإذن الله اجتهد وأحاول قد ما أقدر والله يسهلنا

إيش كمان عندكم نصايح ؟ > وي طماعه ههه

[سوسه نوسه]

هلييييييييييين اختي انا صح داخله مستوى رابع بس ماخدت ولاماده بالتخصص الي راح لانو كنت ناويه اجيب معدل بس ربي ماكتب الحمدلله على كل حاااااال بس اول مستوى الحين باخد مواد تخصص ان شاءالله تكوني معايا ونتوفق ياااااااااارب ونصايحهم كتييييييييييييييير عجبتني الله يعطيهم العافيه وان شاءالله يارب يكون سهل بصراحه من خوفي من هالتخصص يعني من كلام الناس قلت اخذ بس مادتين من التخصص وباقي مواد عامه

[Cho Kakao]

^_^ أنا بفكر كل مستوى اخد 3 مواد يكفي عشان ما أسبب لنفسي صدمه كهروماديه *_* > من المواد

الله يستر بس يارب ننجح ونفهم لأنو لو مافهمنا من البداية راح نتعب بعدين عشان كدا لازم نجتهد دا المستوا إن شاء الله

[ام حمدان]

المشاركة الأصلية كتبت بواسطة cho kakao ^_^ أنا بفكر كل مستوى اخد 3 مواد يكفي عشان ما أسبب لنفسي صدمه كهروماديه *_* > من المواد الله يستر بس يارب ننجح ونفهم لأنو لو مافهمنا من البداية راح نتعب بعدين عشان كدا لازم نجتهد دا المستوا إن شاء الله

ياحبيبتي اذا تبغي تعجزي فالجامعه وانتي لسى ماخلصتي خذي 3 كل ترم
حبيبتي انا صراحه اقل حد اسمع فيه 4 مواد فالترم
بس معظمنا يآخذ 5-6 مواد فالترم وكمان عشان مانعمر فالجامعه

شوفي هذي خطة القسم فالمرفقات يمكن توضح لك الصورة بخصوص المواد وتقسيمها
الله يوفقك ويسهل عليك ياعسوله

[Cho Kakao]

ههه كنت افكر 3 حلوين لأنو المستوى اللي فات اخدت 3 وكانو حلوين على قلبي

وحده شافتني تقولي نفس كلامك لكن انا حذفت ماده لأنهم كانو 4 اصلا بس اضايقت ماكان في وقت اذاكرها قمت حذفتها

بس إن شاء الله 4 مواد حلوين ويارب يسهلنا ^_^