ابي مشورة اخ لاخية لاهنتوا ..

[عبدالله بن عبدالرحمن]

السلام عليكم
زملائى الاعزاء طلاب وطالبات قسم اللغات اسعد الله جميع اوقاتكم بكل خير وسعادة
اخوانى بصراحة بدخل بالموضوع انا عندي شوية اشياء لخبطتنى من جميع النواحي ونفسيتى والله والله تعبااااااااااانة ومومستوعب او متقبل انى بجلس كم ساعة يوميا اذاكر وبعد التهديد اللى جا من الاودس اليوم بصراحة كملت على ومتلخبط فأيش رايكم شباب ااجل الترم هذا ولا استمر موضوعى الحمد لله بسيط لكن شااااااغل تفكيري واحس مالى نفس اذاكر او ادرس بالمرررررررة فهل فهل فهل.......؟؟؟؟؟!!!! ماادري شقول لكم بس كل واحد يعطينى رأية واسال الله لى ولكم التوفيق فى الدنيا والاخرة
اخوكم الفقير جدا لرحمة ولرضا ربة
عبدالله

[عبدالله بن عبدالرحمن]

expert
شرايك

[THE EXPERT]

تبي رأيي وبكل تجرد .. وياليت ما أحصل أي تعليق عليه ..

بصراحه ما ألوم القسم لو أرسلوا هالرساله .. ولا ألومهم يهددون .. لأنه وبكل صراحه اللي ما ينجح في مواد الأنجليزي للمستوى الثالث والرابع ما يستحق يبقى في القسم .. فهذي مواد عامه وسهله جدا جدا جدا .. وأغلب الطلاب يجيبوا فيها الدرجه كامله خاصتا في القراءه والأستماع .. والرايتنق تختلف من طالب لطالب ولكن يظل سهل .. وبصراحه استغرب تخوف الطلاب من هالرساله .. لازم الواحد يكون طموحه أكبر من كذا .. لانه وبكل صراحه بايخ شكل الواحد ينجح بمعدل بايخ وهو أصلا أنتساب .. لكن شهادتك أنتساب ومعدلك حلو تكون مقبوله منك .. واذا باقي تفكر في حذف الترم فهذي مشكلتك ..

وبكل صراحه وبدون زعل ماشفت متحمس مثلك ... في الصيف كله مواضيع تدل على انك متحمس وبس بدأ الترم وطفيت .. أجل كيف في المستويات المتقدمه .. وبعدين أستغرب من دفعتكم كل شوي يطلعلك واحد ويكتب انا متحطم وابي اغير وانا وانا انا وانا .... الموضوع سهل والمواد سهله .. ومناهجكم الجديده أسهل من المناهج القديمه ... أشتر الكتب وشوف المواضيع والدروس وأبدأ فيها من الحين .

وخير يا طير لو دخلت للقسم وما توفقت هل بتمووووت والا بينقطع رزقكـ ... اما المواضيع اللي زي كذا فلاتقدم ولا تأخر ...وبعدين ليه تبي تنجح من غير ما تجلس بالساعات قدام الكتب ... ياخوي مافيه طالب في قسم اللغات الأوربيه أنتساب والا وحفرررر وطففففففش وما تهنى في أجازاته وحرق دمه وأتعب تفكيره ولكن في الأخير ينجح الواحد لان تخصصنا سهـــل بس يحتاااج وقت وجهد ..
أتمنى لكـ ولزملائكـ التوفيق

أخـــــــوكـــ
the expert

[THE EXPERT]

صـــــــديـــــــقــــــك من صــــــدقــــــــــك

أحيانا الواحد يحتاج أنه مايفكر ولا يشغل باله أبد وأنت لازم من اليوم الى نهاية الأسبوع الجاي ما تدخل للمنتدى ولاتفتح الكتب ولا تكلم أحد من طلاب الجامعه ولا ترد على أحد وأبتعد كل البعد عن أمور الجامعه واللي يذكرك فيها ( حتى الجرايد لاتقراها ) .. وبعد أسبوع أبدأ ذاكر وعندك وقت طويل لأن مناهجكم سهله جدا.. اتوقع أن حالتك هذي بسبب حماسك الزايد في الصيفيه لو أنك ابتعدت عن أمور الجامعه والتفكير فيها خلال الأجازه كان الان انت متحمس ..

[عبدالله بن عبدالرحمن]

مو بلطف الا اشكرك بعنف
كثير رايك يهمنى خبرينا العزيز
وتأكد رأيك يعتبر رأى هام ومفصلى لاى شخص بالمنتدي عشان كذا حرصت انى استشيرك اخوي
واوفقك على كل ماذكرت باستثناء امر واحد اللى هو انها بردت عزيمتى لمجرد عدم الرغبة والللللللللللللللللللله نفسيتى تعبانة وقليل جدا ادخل هنا
(حتى زملائى بالعمل وسوسو فينى شفيك محمر الا اشفيك مسمر الا اشفيك نحفان)انواع التطفيش
ولكل جواد كبوووة
بصراحة (شوك وريستارت) كان كلامك يا اكسبيرت ولكن سليم وصحيح
==واسال الله ييسر لى ولك وللجميع مافية الخير
وكعادتك مافية شي جديد رد كافى ووافى الللللللله يوفقك ويرزقك
====مو قادر اجمع كلمات والله

[رغد محمد]

وعليكم السلام ورحمة الله وبركاته ..

مع إنك طالب رأي الإكسبرت لحاله ..إلا إني بدخل عرض وبقــــــــــــــــــــــــــــــوة بعد ..

عبداللــــــــــــــــه !!!

وش هالكلام .......!!!! وش هالكلام ياخوي .............!!

والله ثم واللـــــــــــــه ثم واللــــــــــــــــــــــــــــــــــــــــــــــ ـــــــــــه إنك صدمتني ..!!!!!

وكأنك ضربتني كف ..!!!

إنت ألحين لك أكثر من 3 شهور وإنت أكثر واحد متحمس للدراسة _ماشاء الله تبارك الله _وأكثر مني كمان ..!!

وتبي تتعلم ومتلهف للتعليم ..وأسأله كثيرة عن الكتب وكل شوي استفسار من كثر التلهف والحب للتعليم ..

وبعد هذا كله ....................!!!

تعتذر.....!!!!!!!!!

اسمحلي ..وبقووووووووة بعد اسمحلي ..وش بلاك ..؟؟؟؟

مهما بلغت الصعوبات إليّ واجهتك في حياتك ..ومهما كانت الظروف قويـــــــــــــــــــــــــة ..خلك جبل ..!!

وش يعني إني أعاني مشاكل ..أنا لاني أول واحد ولا آخر واحد أعاني ...

بالعكس لازم أتحدها وأقهرها وأقول يا أنا ياهي ..وأنا إلي راح أفوز عليها ..

وش فيــــــــــــــــــــــــك ؟؟؟

واللـــــــــــــــــه حرام يعدي من عمرك كم شهر جالس فيها من غير تعليم بسبب مشاكل راح تنحل مع الوقت إن شاء الله ...

وبعدين ترى دروسنا سهلة كثيـــــــــر مثل ماسمعت من الكثيرين والدليل حتى الإكسبرت قايلك إنو حرام تنزل الدرجات في مواد سهلة ..ليش تضيع ترم ..!!!!

واللــــــــــــــــــــه قهر ..!

صدقني أنا ما أبي منك شي غير إنك تحاول تفكر بهـــــــــدوء بينك وبين نفسك وتستخير وتاخذ المشورة من الله _عزوجل_.

والله إني اكتب وأنا مقهووووووورة بعد ..

وبخصوص الرسايل أنا مستغبرة إنها جاتك لأن معدلك ممتاز_ ماشاء الله تبارك الله_..ولا يمكن علشان الإلكا .....!

وبعدين هذه الرسائل احسها تشجع مو تحبط ..يعني تخليك تتحدى نفسك وبقوة كمان ..لاتخليها تأثر عليك ..

صدقني إنت تقدر وعندك قابلية للتحمل وتقدر تحقق إلي نفسك فيه ..ولاتخلي هالدنيا ومصايبها إلي ماتخلص تأثر عليك ..

اضحك وتونس وعيش حياتك وإذا حسيت باليأس اسجد لله ركعتين وراح ترتاح واللـــــــــه ...

وخير يا طير لو دخلت للقسم وما توفقت هل بتمووووت والا بينقطع رزقكـ ... اما المواضيع اللي زي كذا فلاتقدم ولا تأخر ...وبعدين ليه تبي تنجح من غير ما تجلس بالساعات قدام الكتب ... ياخوي مافيه طالب في قسم اللغات الأوربيه أنتساب والا وحفرررر وطففففففش وما تهنى في أجازاته وحرق دمه وأتعب تفكيره ولكن في الأخير ينجح الواحد لان تخصصنا سهـــل بس يحتاااج وقت وجهد ..

الله يسعدك يا أستاذي المحترم ..

كلامك درر واللـــــــــــــــــــــه ...شكرًا لك ولتشجيعك وصراحتك الصادقة يا أستاذي الخبير ...


أرجوك عبدالله ...

لا تخلي اليأس والمشاكل تسيطر عليك ..وأنا أقولك هالكلام لأني أعتبرك أخوي بجد ..

فسامحني إذا جرحتك بكلامي ...

تقبل مروري ..

رغد محمد..

[عبدالله بن عبدالرحمن]

هههه اضحك الله سنك
من رقة احساسك راعيت مشاعرى اكسبيرت بعنف اشكرك
:)
بالعكس اخوي مرحلة الصيف كانت تجربة جميلة وممتعة والله يا اكسبيرت وكانت دافع كبير لى ولو تنعاد تجربتها لاعيدها ونفس استمتاعى وشغفى ومو حكاية انى استنذفت طاقتى لكن اشياء شخصية عمرى ماتوقعت اقع فيها لكن وقعت فيها وتقيدت وانا اللى كنت احلها لكل من حولى
اتمنى ماتعتقد انه شعور انهزام او تقهقر على قولتهم عمري ماانسحبت من اى شي دخلتة بحياتى الا اخوض التجربة
احرجتنى والله
وفقك الله وزوجك الله بكرا يا اكسبيرت وجعل كروت الدعوى تنهال علينا من حدب وصوب

[عبدالله بن عبدالرحمن]

مو معقول ؟؟؟
الكريمة بنت الكرام رغد محمد..؟؟؟؟؟؟

[عبدالله بن عبدالرحمن]

للتوضيح:
الموضوع موضوع كفالة مالية بمبلغ كبييييير بالنسبة لامكانياتى ويمكن يتطور الموضوع اذا وصل للقضاء ولالى فيها لا ناقة ولا جمل ومااقول غير الله حسبي ونعم الوكيل والقهر انة احد اقاربي القريبين جدا جدا جدا جدا
عشان ماتقولو انهاارت عزيمتى واستنفذت طاقتى
:)

[nour al3mr]

~.. وعليـــــكم السـلام ورحمــــة الله وبركـــــاته ..~

حيـــاك الله أخ عبد الله ..

تدري شيء ..لــو أعرف أحد جنبـــــك كان خليته صفقك من راسـك على الجدار ..
بعدها بتدوخ حبتيـــــــن.. بس إن شاء الله بعدهـــــا ترجع لصوابــــــــك..
ويصير تفكيــرك منطقـــــي مو عاطفــــي..
والقصد من عاطفي ( إنــــك تسير خلف مخاوفــــــك وتكون هي الحكم على تصرفـاتك وقراراتــــــك )..

أخي الكريــــــــم..

لا يوجد تخصص سهــــــل في الجـامعة ككل..
صحيح أن التخصصـات التي باللغة العربيــة تعد أهون من تخصص اللغات الأوربية ( الانجليزي و الفرنسي) ..
لكــــــن تكمــــن المتعة في تحدي النفس والعزم و الإصـرار على تخطي كل مستحيل في نظر البعض..
حيث أنه لا يوجد شيء مستحيل في هذه الحيـــــاة ..

وكمــــا ترى يوجد العديـــد من طلاب وطالبـــات الإنتســاب قد تخرجوا وبمعدلات رائعـــــــــة..ماشاء الله ..
فلا تحبـط نفســــك من الآن..
لك الحق في التــخوف .. حيث أن القسم جديد عليك وقد يكون من حولك يعكسون صورة سيئه وكئيبة عن القســـم..
لكـــــن ماينبغي عليك فعله .. أن تستمع لهم بأذن وتخرج الكلام من الأذن الآخرى..
أو بالأحرى أن تقفل أذنيــــــــك .. وتفتح عينيـــــك باحثا عن النـور وسط الظـــلام..

أصـدقك القول إن قلت لك أنه بحول من الله وقوته سيـــكون لك مستقبل رائـــع ومشــرف في هذا القســــــــم..
وستكون خيــــــر قدوة لمـــــن بعدك ..

بخصوص الرســالة التي اربكت الأغلب منكــــــــم ..
قد أسلفت في موضوع سابق أن هذا النظـام قد طبق لدينا شطر الطالبات ( إنتظــــام ) منذ الترم الماضي..
وكان بمثـابة دافـــع قوي للطـالبــات ومصدر مهم لهن للجد والإجتهــاد ..
وقد أبدع الأغلب ماشاء الله بتفــوق..

وكمــــــا أفـاد الأخ الخبيــــــــر..

أنه من مصلحة الطالب والطـالبة الذين لم يستطيعوا تجاوز المواد الأولى أن لايكملوا في القسم كي لايضيع من عمرهم سنيـــــــن.. فحب الشيء وإن كان أســاس ودافع للسعي خلفـــــــه.. لكنه لا ينبغي أن يكون الأســاس ..
فتعلم اللغـــة مقدرة وهبة من الرحمــــــــن .. بالإضـافة أن بذل الجهـــد مصدر مهم للتفوق بعد التوكل على الله وحسن الظــــــــن به..

أمـــــا مايخص مشكلتـــــــك .. فمن الطبيعي أن تؤثـر على نفسيــــتك ..
والله أعلـــم بمصـابك وحالك..

أخيــــــرا..

فلتستعــــذ من الشيطــان .. ولتركـــز على صحتك ..
وفوض أمـــرك لرب الأرض والسمــــــاء ..
وأبذل قصـارى جهدك في المذاكـــرة ..
ستجد مايســــــرك بإذن لله ..~

وأسـأل رب الأرض والسمـــاء .. رب العرش العظيـــــــم .. أن يعجل لك بالفرج القريب ..
وأن يرزقـــك من حيث لا تحتسب .. ويصرف عنك كل من أراد بك سوء وظلمــــــــك..

( الكلام مو راضي يخلص لكــــن إلى هنــــــا يكفي لا اترمي بره )

أسعــدك الإله ووفقــــك لكل خيــــر..
وأثـــلج صدرك وأزاح عنــك كل هم وضيق..

اللهـــــــــــم آميـــــــــــــن..

( أعتــــذر على أسلوبي لكـــــــن حرصــا على مصلحتـك واعتبر كلامي من أختك الكبيرة أو والدتــــك ><)
دمت في حفظ الله ورعــــــايته ..~