شاركوا بآرائكم واقتراحاتكم لتطوير منتدى الحاسبات

[mind glance]

السلام عليكم ورحمة الله وبركاته

كل عام وانتم بخير وصحة وسلامة
هذه لرمضان والعيد مع بعض

وارحب بكل الاعضاء والعضوات اللي انضموا لطلاب وطالبات كلية الحاسبات
واتمنى لكم التوفيق

ومن غير ما اطولها
انا حابة آخذ آرائكم وافكاركم عشان نرتب هذا القسم "منتدى كلية الحاسبات وتقنية المعلومات"
بحيث انه يفيدكم اكثر ويكون مناسب لكم
وفي النهاية المفترض انه المنتدى يكون منكم واليكم
وحأبدأ بالأفكار اللي عندي
واللي يحب يساعدني بأي شي يتفضل لأني احس اني احتاج مساعدة
عاد تعرفوا كيف الواحد يتخرج وينشغل بأمور الحياة

المهم اتفضلوا على الخطة المستقبلية للقسم:
1-طبعا أكثر الاستفسارات هي عن "ايش اقسام الكلية" و "ايش الفرق ما بين هذه الاقسام" و "ايش افضل قسم"
اتكررت مواضيع كثير بنفس هذا الهدف او المضمون
وفي كل موضوع في مجموعة ردود مفيدة من الاعضاء...وعموما كل الردود سواء مؤيدة او معارضة تعتبر مفيدة
فالفكرة هي اننا نعمل موضوع واحد نكتب فيه شرح الاقسام الثلاثة للكلية (علوم حاسبات - تقنية معلومات - نظم معلومات) زي ما هي مكتوبة في موقع الكلية او البروشورات اللي كانت تتوزع في الكلية (وهذه عندي موجودة على ورق) وفي نفس الموضوع نجمع كل الردود حقت الاعضاء من المواضيع القديمة ونجيبها في موضوع واحد
ويصير الموضوع هذا هو مرجع شامل لأي احد يحب يأخذ فكرة عن الاقسام وآراء الناس فيها مرة وحدة

2- نعمل فهرس للملخصات والمواضيع المميزة (القسم الفرعي لمنتدى كلية الحاسبات)
حيكون موضوع فيه روابط لكل المواضيع الموجودة في قسم الملخصات والمواضيع المميزة لكن بشكل مرتب ومصنف حسب ارقام المواد او اهداف المواضيع
وبكدة يصير الوصول لأي موضوع مميز او ملخص سهل و واضح للجميع
واللي يبغى يدور على شي معين حيكتفي بأنه يدخل على الفهرس ويشوف العناوين المتوفرة في القسم

3- اي ملف سواء محاضرات او واجبات او ملخصات (مع انه ما عندنا منها في قسمنا كلية الحاسبات انا متأكدة) المهم اذا موجودة داخل اي موضوع ما بين الردود
افصل الرد واخليه موضوع لوحده...بحيث تستفيدوا منه و توصلوا له بشكل اسرع واسهل
واكيد عنوان الموضوع يكون يوضح محتواه...وهذا اهم شي

4- رقم 4 هذه علية انا من بداية الاجازة وانا ادور وقت لها
ان شاء الله رح اكتب لكم موضوع عن "المستقبل الوظيفي لخريجي علوم الحاسبات"
بناءً على المحاضرة التي تم إلقاءها في الكلية الترم الماضي بتنظيم من IEEE KAU student branch


هذا اللي طالع معاية اللين دحين
وانتظر آرائكم وأي افكار جديدة للقسم


مايند قلانس

[بوليمر®]

يعطيك العافية اخت مايند وغطيتي نقاط كثير ما شاء الله عليك

وعندي أمنية ونفسي اشوفها في جميع الكليات الجامعية ،، وقد شفتها في منتديات لجامعات ثانية ،، اشتغلنا العام الماضي على بعض المواد.

شرح المواد

بصراحة لو كل عضو او عضوين حاولوا يشرحوا مادة او جزء او درس او موضوع ،، راح يستفيد عدد مو بسيط في المنتدى وخاصة اللي ما قدر يستوعب مع الدكتور من اول مره وكمان الكلام يكون موثق ومكتوب على صفحات المنتدى


وهنا فكرة الموضوع

http://www.skaau.com/vb/showthread.php?t=27982


بالتوفيق

[طـمـوح]

أنا حيكون معكم وأي حاجه لخدمة هذا القسم مستعد
وجاهز
وإنشاءالله بكره أنزل كم إقتراح يفيد القسم

[طقوس ..~]

بصرآحه كذآ الناس وآلآ بلآش ..


آنا معاكـ .. اي شئ تبغي مساعده فيه انا حـآضرهـ :)



وافكر بكم شئ مفيد .. لي بـآك

[أرنوسية]

موضوع رائع عزيزتي مايند
أفكار حلوة
وكمان فكرة أخ بوليمر حلوة
مع إنو مررررة صعب نلاقي وقت نلخص الدروس ونحطها في المنتدى مع ضغط الدراسة
خاصة هذا الترم عندي تنظيم بنيان ويقولو إنها صعبة الله يسهل

أنا عندي أفكار بس أحسها تناسب الإجازة أكثر
1. عمل مسابقات مختلفة زي مسابقات تصميم مواقع أو مسابقات برمجة .... إلخ
2. أي عضو اتعلم شي جديد من دورة أو من قراءات خارجية في مجال الحاسب ممكن يلخصه في المنتدى عشان الكل يستفيد أو ممكن يعمل دورة مبسطة
3. .......

حاسة نفسي طولت عليكي وعندي أفكار كثيرة من هذا النوع
بس من جد ما أحس إنو وقتها هذي الأفكار لإن الدراسة خلاص ما بقي عليها شي
أحاول أفكر في أفكار ثانية مفيدة لوقت الدراسة

لي رجعة إن شاء الله إذا جاتني أفكار

[MeEnSAt]

وعليكم السلام ورحمة الله وبركاته

افكار جميلة ,, معاكي معاكي =)

وفكرة بوليمر ابداعية من قلب ,, ان شاء الله نطبقها دا السمستر

عندي فكرة صغيرونة بجد ياريت تتطبق حنرتاح كتير ,,

ينحط قسم فرعي داخل منتدى الحاسبات لكل تخصص

عشان تقدر نرجع لبعض اسرع والمستجدين يلاقو نقاشات المواد اللي من أول

بجد أحس دا الشي مرة مهم يسير

ويعطيكم العافية ,, أي مساعدة احنا في الخدمة ^^

[digital-girl]

ياشيخه الله يــسعدك ...وينور دربك ..,, ويرزقك اعلى المنـــاصب بالدنيا والاخره يارب..,,,,

بس قبل كل شي لازم نحط هدف قدامنا كـــــــــــــــبير..,,

او بالاصح اذكركم على نقطه جداً جداً جداً مهـــمه..

هو(((((حب الـــــــــــتعــاون))))))...,,,

...يعني زي ما يقول احمدالشقيري..

حط مهندس ياباني ومهندس عربي..

ممكن المهندس العربي يتفوق على الياباني..

لكن حط 3 مهندسين يبانيين و3 مهندسين عرب..

راح يتفوق الثلاث مهندسين اليابانين على العرب...,,,

عـــــــــــــــارفين لــــــــــيش ياعرب....؟؟!!!

لأن العربي يحب الشغل لوحده والابداع لوحده والتميز لوحده والعلم لوحده...!!! الا من رحم ربي.. (-،

بمعنى اخر.. يعيني الموضوع هذا عام لطلاب الكليه وفيه فــائده كــبيره..علينا وعلى غيرنا..

فلازم نعرف ونحط ببالنا .. ان الاقسام الثلاثه كلها مكمله لبعض..ودراستنا ومعلوماتنا بمختلف الاقسام لها

فائده لكل قسم ولكل شخص فينا يحتاج للاخر..,,,

وتذكروا المسلم كالبنيان يشدوا بعضه بعضا...,,

يعني الابداع والتفوق منك بالتعــــاون وحب الخير للغير...و بتبادل الرأي والفكر والتواضع ونقل المعلومه

للغير وحسن استماعك للطرف الاخر

وتقبل الانتقاد..... :)

وحنا بيدنا نرتقي ونبدع ..,, ونجعل من كليتنا طلاب وطالبات قدوة للكليات

الاخرى...
----------------------------------

كنت بكتب نقطه بس حذفتها حسيتها ماتنفع

ان شاءالله لو طلعت الافكار بجي وبكتبها هنــا..

بس النقاط الي حطيتيها مبدئيا شي مرة حلو..

...شـــــكرا

[mind glance]

اشكركم جميعا على المشاركة والحماس ماشاء الله

بوليمر

يعطيك العافية اخت مايند وغطيتي نقاط كثير ما شاء الله عليك وعندي أمنية ونفسي اشوفها في جميع الكليات الجامعية ،، وقد شفتها في منتديات لجامعات ثانية ،، اشتغلنا العام الماضي على بعض المواد. شرح المواد بصراحة لو كل عضو او عضوين حاولوا يشرحوا مادة او جزء او درس او موضوع ،، راح يستفيد عدد مو بسيط في المنتدى وخاصة اللي ما قدر يستوعب مع الدكتور من اول مره وكمان الكلام يكون موثق ومكتوب على صفحات المنتدى وهنا فكرة الموضوع ::: لحظة ....... ممكن تشاركنا / تشاركينا هالفكرة ::: بالتوفيق

الفكرة مرة حلوة
ومو شرط الواحد يشرح مادة كاملة
ممكن ممكن نقطة وحدة او درس من مادة حيستفيدوا منها كثيرين
وصدقوني تحتاجوا هذا الشي في قسم الحاسب
وان شاء الله رح تلاقوا الدعم مني بثبيت الموضوع واضافته لفهرس المواضيع المميزة

طموح وطقوس
اشكركم على تواجدكم وعرض المساعدة
اذا عن جد نفسكم تعملوا شي ومانتوا عارفين ايش انا اقولكم
شوفوا كل المواضيع اللي تتكلم عن التخصص في كليتنا والفرق بينها او ايش احسن ومن ده الكلام
وارسلولي الروابط
عشان ابدأ اجمعها في موضوع واحد
واذا ممكن اتشرط كمان ... الردود اللي تكون شرح لتخصص معين وايش هدفه و الدراسة فيه ترسلولي روابطها لوحدها
عشان نعرضها بطريقة غير عن آراء الاعضاء الشخصية
(واي احد حابب يساعدنا في النقطة دي حأكون شاكرة ومقدرة...وفي النهاية الفايدة لكم)

عزيزتي ارنوسية

موضوع رائع عزيزتي مايند أفكار حلوة وكمان فكرة أخ بوليمر حلوة مع إنو مررررة صعب نلاقي وقت نلخص الدروس ونحطها في المنتدى مع ضغط الدراسة خاصة هذا الترم عندي تنظيم بنيان ويقولو إنها صعبة الله يسهل أنا عندي أفكار بس أحسها تناسب الإجازة أكثر 1. عمل مسابقات مختلفة زي مسابقات تصميم مواقع أو مسابقات برمجة .... إلخ 2. أي عضو اتعلم شي جديد من دورة أو من قراءات خارجية في مجال الحاسب ممكن يلخصه في المنتدى عشان الكل يستفيد أو ممكن يعمل دورة مبسطة 3. ....... حاسة نفسي طولت عليكي وعندي أفكار كثيرة من هذا النوع بس من جد ما أحس إنو وقتها هذي الأفكار لإن الدراسة خلاص ما بقي عليها شي أحاول أفكر في أفكار ثانية مفيدة لوقت الدراسة لي رجعة إن شاء الله إذا جاتني أفكار

الله يعطيك العافية افكار حلوة
وحتى لو عندك افكار تانية اعرضيها هنا مرة وحدة حتى لو وقتها المناسب مو دحين
المهم نجمع الافكار هنا مرة وحدة
وبالنسبة لتلخيص الدروس...حتى لو انك تلخصيها على ورقة وتعمليلها سكانر وتحطيها على المنتدى
حتوفري شوية وقت وتفيدي غيرك


MeEnSAt

وعليكم السلام ورحمة الله وبركاته افكار جميلة ,, معاكي معاكي =) وفكرة بوليمر ابداعية من قلب ,, ان شاء الله نطبقها دا السمستر عندي فكرة صغيرونة بجد ياريت تتطبق حنرتاح كتير ,, ينحط قسم فرعي داخل منتدى الحاسبات لكل تخصص عشان تقدر نرجع لبعض اسرع والمستجدين يلاقو نقاشات المواد اللي من أول بجد أحس دا الشي مرة مهم يسير ويعطيكم العافية ,, أي مساعدة احنا في الخدمة ^^

امكن اقرب فكرة مناسبة لهذا الاقتراح
هو عمل موضوع فهرس لبقية المواضيع المميزة والملخصات ونقاشات المواد السابقة
لأنه في كثير مواد مشتركة ما بين التخصصات الثلاثة فضروري يجمعكم منتدى واحد
وممكن يتم ترتيب الفهرس حسب التخصصات

ديجتال قيرل
شكرا لطرحك
وفعلا التعاون وحب التعاون وتبادل الآراء شي مهم جداً للنجاح


سؤال لكم:
اي نقطة تعتبروها الأهم لكم عشان نبدأ فيها؟

[الـجـلادMaLeK]

افكار كثيرة ما شاء الله

وانا مستعد معكم

فالفكرة هي اننا نعمل موضوع واحد نكتب فيه شرح الاقسام الثلاثة للكلية (علوم حاسبات - تقنية معلومات - نظم معلومات) زي ما هي مكتوبة في موقع الكلية او البروشورات اللي كانت تتوزع في الكلية (وهذه عندي موجودة على ورق) وفي نفس الموضوع نجمع كل الردود حقت الاعضاء من المواضيع القديمة ونجيبها في موضوع واحد ويصير الموضوع هذا هو مرجع شامل لأي احد يحب يأخذ فكرة عن الاقسام وآراء الناس فيها مرة وحدة

هذا اهم شيء وخاصة للمستجدين ويكون المفروض اول شيء تسويه

هذا مثل الفهرس للطلاب المستجدين

2- نعمل فهرس للملخصات والمواضيع المميزة (القسم الفرعي لمنتدى كلية الحاسبات)

.

جميل واعتقد لازم احد يساعدك فيه ياخذ اشراف تحتك وتكلفيه بقسم الملخصات فقط وانتي تشرفي على المشرف .. لحالك ما اعتقد تقدري كل شوي تحدثي المواضيع وتتابعي المشاركات وتردي

3- اي ملف سواء محاضرات او واجبات او ملخصات (مع انه ما عندنا منها في قسمنا كلية الحاسبات انا متأكدة) المهم اذا موجودة داخل اي موضوع ما بين الردود

غريب من الرغم حنا كلية الحاسب .. لازم يكون لدينا مناهج الكترونية مساعدة

ان شاء الله رح اكتب لكم موضوع عن "المستقبل الوظيفي لخريجي علوم الحاسبات"

وهذا ايضا اهم واهم .. لازم حنا نعرف ايش ؟ ندرس ؟ وليه ؟ وين راح نتوظف .عشان تزيد همتنا

شرح المواد

فكرة حلوه وانا فكرت نسوي موضوع مستقل لكل مادة ونحطه في قسم خاص .. اسمه مثلا شرح المواد

وتحاولي تفتحي لكل مادة موضوع .. حتى لو محد رد او شرح

عشان لحد يحط شروح بمكان ثاني .. او يصير 3 مواضيع عن مادة وحده

وتكتبي في الموضوع

((هنا يتم حصر جميع المشاركات والشروحات عن المادة * ))

1. عمل مسابقات مختلفة زي مسابقات تصميم مواقع أو مسابقات برمجة .... إلخ

ليه مثلا ما تكون دورات لتعلم php او html والمسابقات ايضا فكرة جميلة

وآسف على الاطالة ولي عودة ان شاء الله

مودتي

[IT dancing doll]

السلام عليكــم
مشكووووووووره مايند ع اهتمامك بالقسم وع ساكـِ عالقوه يارب
وكل الافكار اللي انطرحت رائعه اهم شي الملخصات
انا عندي كم فكره احس انهم ملخبطين بس ممكن تعجبكم..
ذي ممكن تكون اقسام فرعيه..^___^
1-نماذج للاختبارات شي والله مره مهم لكل الدفعات لازم يكون عندنا دا الشيء وازا اتفتح قسم فرعي ليها اكيد كلنا لما حنقرا القسم حيخطر ع بالنا ندخل ونكتب اللي عندنا
2-نقاشات مشاريع المواد
3-صيااااانه وتبادل الخبرااات كمانا احب دا الشي ومهم انه يكون في قسم كلية حاسب حنتعلم اكثر من تجاااااااااربنا ونستفيد من بعض اي شخص كانت عنده مشكله وداخ حتى يحلها ممكن يكتبها هووون
وبكـذا كلنا حنستفيد
وكمانا بعض المواضيع المثبته ماعرف حيمشي الحال والا بس قلت اقول كل الي عندي
ممكن يكون فيه موضوع مسلي وبنفس الوقت مره مفيد وحيكون فيه تفاعل كبير اكيـــــــــد
جاوب واسأل اللي بعدكــ شور كل الاسئله حتكون في نطاق الحاسب ومفاهيم الحاسب عشان تتوسع مداركنـــــــــــا ونتعلم نقرا عشان نفهم...وحتصير فيه روح المنافسه!!!


اتمنى تكون راقت لكم افكاري وماكون لخبطت وسوري كثرت هرج
...وازا تحتاجي اي مساعده استازتنا مايند انا موجوده لاتترددي ابدا ...
اي ويل بي ويذ نااااااايس ايديز