الفرنسي سلامات وش الي صاير ؟!

[تميمي عسل]

ياخي وش يحس به الي كاتب الأسئلة هذي ؟
عشر ضماير مدري ثمانية كلها يقول اكتبوها وصرفوها ؟!
لا وتعال عاد للتأنيث والتذكير سؤال مدري وش يبي الصراحه ؟! ولا احد جاب طاريه من
الي حضروا الدورة ومن زين الاسئلة بعد حاشرنا في الورقه كل ماكتبت اجابة خلص الفراغ !؟ وش الاسئلة الصعبة هذي ؟ بعدين مافيه اسمك وعمرك وجنيستك ولون بشرتك ومدري ايش كل هذي
ماجت في الاختبار ؟!
ياخي ترانا طلاب انتساب وتخصص انقليزي وش دخلني في الفرنسي تجيب لنا الاسئلة هذي
على العموم انا ندمت صراحه اني نزلت المادة هذي .. والله يوفق الجميع ,,

[nofy]

ومن سمعك حتى احنا جات الاسئلة صعبه

[AL-AOLANI]

والله انا زيك انفجعت

بس رقعناها يمين وشمال

ماتوقعت انهم يخلونا نكتب الايام والشهور وتصاريف الافعال والارقام كمان على بالي اختيارات زي باقي المواد

بس ربك يستر اذا بيدققون بالاملاء رحنا فيها

:(((

[تميمي عسل]

المشاركة الأصلية كتبت بواسطة al-aolani والله انا زيك انفجعت بس رقعناها يمين وشمال ماتوقعت انهم يخلونا نكتب الايام والشهور وتصاريف الافعال والارقام كمان على بالي اختيارات زي باقي المواد بس ربك يستر اذا بيدققون بالاملاء رحنا فيها :(((

خلــك من الأيام والشهور ياخي التصاريف هذي الي مدري وش تبي جايب كل التصاريف وخمس افعال سلامات ؟! بعدين انت تقول ارقام ماجابوا ارقام ؟! جابوا الساعه جعلها تكسر على روسهم .

[نبض الخفوق]

الحمدلله الاختبار كان متوسط ولو اني ما ضمنت درجة الامتحان

لكن الله كريم

[Fahad s]

الله يعين بس يا شباب

البنات احسن منا اسئلة

[نبض الخفوق]

المشاركة الأصلية كتبت بواسطة تميمي عسل خلــك من الأيام والشهور ياخي التصاريف هذي الي مدري وش تبي جايب كل التصاريف وخمس افعال سلامات ؟! بعدين انت تقول ارقام ماجابوا ارقام ؟! جابوا الساعه جعلها تكسر على روسهم .

يا اخي كثر خيرهـ

لانه ضروري يجيب مثل هالسؤال

وعشان الدكتور رحم الطلاب خلى توزيع الدرجات في صالحنا

لاتنسى ان هالتصاريف اللي تقول عليها حاط لكل تصريف ربع درجه بس

[نبض الخفوق]

المشاركة الأصلية كتبت بواسطة fahad s الله يعين بس يا شباب البنات احسن منا اسئلة

صدقني البنات اصعب وبكثير

ولا تنسى انهم عطونا الاسئله وشرحوها لنا

اتحدى اذا يصير عند البنات زي كذا

[تميمي عسل]

المشاركة الأصلية كتبت بواسطة نبض الخفوق يا اخي كثر خيرهـ لانه ضروري يجيب مثل هالسؤال وعشان الدكتور رحم الطلاب خلى توزيع الدرجات في صالحنا لاتنسى ان هالتصاريف اللي تقول عليها حاط لكل تصريف ربع درجه بس

ياخي يجيب بس مو كل الضمائر الثمانيه على الاقل اربعه قوول ستة لكن ثمانية كثيرة
والافعال بعد مكثر منها يعني عطنا ثلاثه اثنين اربعه ..

[؛؛ساري؛؛]

إن شاء الله خير ، وبإذن الله يجتازها الجميع بتوفيق الله .