أي إسفسارات هنا.. لتفادي المواضيع والزحمة..والكل حيفيدكم..(girls&boys)

[Brilliant Shores]

يا قلبي يا Redcandle والله كل شخص بيأخذ نصيبه ولا تزعلي نفسك الخيرة فيما اختاره الله قبل كذا حطوني معاها في الفيكشن

على الرغم اني ما ابغى معاها بس رضيت بنصيبي واخذت الكورس في شعبتها والحمدلله مشي الحال ،، اهم

شي عندها انك تثبتي نفسك وتشتغلي تمام وتسلمي البريزنتيشن والهوم ووركس في وقتها حسسيها بإجتهادك صدقيني

تنجحك وربنا يووفقك يا عسل ،،،، دعواتك

[redcandle]

الله يوفقك يارب ويسعدك

[Brilliant Shores]

المشاركة الأصلية كتبت بواسطة lovely cat انا اليوم روحت عماده القبول والتسجيل وسالتهم على موضوع الساعات الزايده حقت المواد الحره قالتلي انه هذا خطأ من نفس كليتنا وقالتلي انو اتبع الخطه القديمه يعني يسير انا باقيلي ساعه فنزلت ماده بساعتين واراجعها بعد اسبوعين .. يارب يسير أمورنــا .,؛

تسلمي يا عسل الله يووفقك وينور قلبك بالإيمان والعلم وربنا ييسر أمورنا

[ال الشيخ]

هل مادة اللغه العربيه 201 اجباري لقسم اللغه الانجليزيه لأني حصلتها عندي هالترم نازله

[الإمبراطورة]

المشاركة الأصلية كتبت بواسطة ال الشيخ هل مادة اللغه العربيه 201 اجباري لقسم اللغه الانجليزيه لأني حصلتها عندي هالترم نازله

ايوة أكيد لُغة عريية 101 و201
منْ مُتطلبآت الجآمعة
وإجبآرية على الجميع




بالتوفيق..

[NuNu5]

ســلام

لو سمحتوو انا عندي استفســار ياريت تســاعدووني فيه الله يسعدكم :( ترى مره الموضوع دا قالبلي حياتي ;(

انا في القدرات جبت 81.75
اوكي دخلوني كليه التربية :s
مشيت حالي فيها ودخلت التحضيري جبت 3.88
وحطيت رغبتي لغات .. دخلوني تااريخ .. وللاسف مره صعب ماقدرت امشي فيه
فـ اعتزرت الترم الاول .. ودحين بفكر اسحب ملفي واجي عبدالعزيز ادرس انتساب ولا انتظام لغات ..
فـ ابغى اتــاكد هل بـأمكاني اسحب واسجل الترم التاني الي هوا دا ولا استنى ع السنه الجديده ..؟! على حسب ما بيقولو في الكليه ..

ولازم اكمل الترم دا ولا عادي اعتزر .. واستنى يحولوني ع السنه الجديده ؟
لانو بصراحه التـــاريخ مره ماينبلع ! =( وكفايه ضيعت ترم خايفه ترووح سنه كامله وانا ساحبه وفي النهايه مايدخلووني حتى انتســاب .. بلييز ربي يسعدكم ادوني خببــر قبل السبت :(

[loloita]

قرأت مشكلتك وما هان علي ماأرد
لأني حاسة فيك
المهم :
أنا بصراحة ماعندي فكرة عالموضوع هذا بس روحي عمادة القبول والتسجيل وأسألي وراح يفيدوكي إن شاء الله
وربنا يساعدك ويحقق أمانيك ..

[miss_moshi]

عزيزاتي

ايش رايكم في اللي صار فيا

وانا رايحه اليوم الجامعه اتصلت على اختي عساس اتأكد من المبنى لمادة الفونتكس من12 لـ1

ولمن ردت عليا قالتلي راحت عليكي حطولك الماده من 10 لـ 11 مع مس ليلى هاشم !

انا انصدمت كيف يشيلوني من شعبه ويحطوني في شعبه تانيه

أيش اسوي اروح اتضارب معاهم يعني ؟؟

ليه الحركه دي اللي مالها داعي !!

قولولي بالله ايش اسوي !

[#لولو المورة#]

اختي nunu5 انا كنت انتظام في الكليه في قسم الانجليزي وبعدين سحبت الترم الثاني يعني سويت فصل اخذت ملفي وسجلت انتساب في جامعة الملك عبد العزيز
وقبلوني

[#لولو المورة#]

السلام عليكم ياحلوات
ابغى اسالكم انا مستوى ثالث انجليزي المفروض رابع بس اجلت الترم الاول ودحين بكمل
بس ابعرف ايش المواد الي ينزلوها وكيف سهله ولا صعبه وهل الامتحنات كلها من 100 لانو مااقدر احضر الدوره بسب انا في ماليزيا بسبب دراسة زوجي فارجو منكم التفاعل ومساعدتي
وجزاكم الله خير