شكوى من قلب محرووق.. عن السكن الداخلي للطالبات فرع الشرفية

[FUUUUFO]

والله حزنتوني الله يعطيكم الف عافيييه

حسبي الله على كل ظالم
وش وراهم عند اهليهم وراوتبهم تمشي ومافي ضمير وذمه في عملهم وتعاملهم لو وحده من بناتهم مارضوا عليه حسبي الله عليهم والله حرقتوا قلبي

[^^memo^^]

عزيزتي هذا ايميل الاستاذ وليد خشيفاتي وكيل الاسكان والتغذيه

khushefati@hotmail.com

ارسلي له شكواك وباذن الله سيجيب :)

..

[S.S.STRAWBERRY]

الله يكووون بعووونكم انا ساكنة بأسكان الشرفية ياريتني اقدر اساعدكم ولله من جد شي يقهر
ولله مو حياة يلي عايشينها هادي مو معاملة طالبات علم اصلا ولا حتى مساجين يؤؤ
والله حالكم يصعب عالكافر لا اله الا الله محمد رسوول الله
اللهم فرج عن اخوتي واخواني الطلبة واعنهم يااارب

[بلاسس]

الله يساعدكم ويفرج همكم ليس كل ما يلمع ذهب هذة الشي اكتشفته في جامعتنا الموقرة

[نـكـد]

انا كمان بـ سكن الشرفية
عمارة 4

خلوني بس نتكلم عن الغرف

خلونا نسكن ونرتاح وبعد اسبوع يجي سنة رابع ويطردوا البنات
وحده بس وحده من رابع طردت 3 بنات من غرفة اصلا هما كانوا متحاشرين فيها
وهيا قعدت وارتاحت والبنات يسحبون اشيائهم من غرفة لـ غرفة ومن عمارة لعمارة
يدوروا ارض يناموا عليها
لاحسيب ولا رقيب
ولاااا
وغير البنات اللي من اولى اللي اخذو شقة ونظفوها وغسلوها ورتبوها ومسحوها
في الاخير جو رابع قالوا لهم اطلعوا
ما رضيوا ابدا ابدا
لمن راحوا اولى الدوام
جابوا عصا وكسروا الشبابيك وكسسسسروا الباب
تخيلو غرفة بلا باب


واعرف كمان وحده نسيت جوالها في الباص
مارضيوا يجيبوه لها قالوا تعالي بكرا الصباح
حطت ايدها على راسها وقالت لو ماكلمت امها دحين .. امها بتيجي بالسيارة واخذت جوال من
البنات وشرحت لامها الوضع
المشكلة الباص واقف برا
والبواب قاعد يشرب قهوة ليش ما يحيبو وريح البنت وخلاص ؟؟

من جد حالتنا تصعب ع الكافر


..

اعرف وحده من الجوع تقعد ع اللبان عشان ماتحس
واذا خلصت اللبانة بلعتها


..
والبنت اللي نسيت تجيب الفوطة الصحية
وهيا من الشرقية
اتطرت تشتري من البقالة اللي على بالهم الدانوب
الفوطة الصحية اللي فيها 10 حبات بـ 17 ريال تخيلووووووا
و10 حبات والله ماتكفي يوم
اشترت بـاكثر من 70 ريال تخيلوووو بي
ومالها احد هنا في جده
لمن وحده من صحباتها طلعت اشترت لها كرتون كامل
وكان سعرو اقل من اللي دفعتوا في البقالة حقتهم

والطلبات اللي من برا بيك وما بيك وكذب
يجي بااااارد تلج
وفوقها يزيدوا ع السعر الوجبة نقولهم ليش
يقولوا هذي الاسعار الجديدة توبها نازلة
ايش تحس فيه حرمة كبيرة طويلة هبيلة
تكذب
كنت بقول لها الكذب حرام بس سكتت


..

وفي بطايق عشان الباصات
اللي تبغى تشتريها
بـ 52 ريال واهم شي الريالين عشان محد ينظلم في قطتهم
واذا ما اشتريناها ما ندخل الكلية
لانو في باب خاص لباصاتنا
واذا ما ورينا السكيورتيات البطاقة ما يدخلونا
وباب السيارات الثاني بعيد جدا عن بابنا
ومانقدر نروح مشي لانو في واحد واقف مايخلينا نرجع


..
الهيتر وما ادراك ما الهيتر ( غلاية الماء )
له استخدامات في السكن محد يدري عنها غيرنا
احانا 6 بنات .. سبحان الله حبينا بعض مرا
كاننا اخوات
ومعانا 4 هيترات
2 للمويا وذا شي جدا طبيعي
والثالثة للاندومي
والرابعة للاسباقيتي وباقي المكرونات
تخيلو فين نسلقها
في الهيتر
والمكرونات لمن نطلع نحاول نزبطها عشان نخفي الطعم اذا موو حلو
مايونيز تونة وتوابل حارة شطات الخ الخ
والاندومي نبلعها بلع بالغصب
واخر الليل تلاقينا في الحمام (وانتوا بكرامة ) نرجع
ما نستسغو بس غصب بنموت جوع


...

انا ووحدة صحبتي

نمر بين محاضرتين ع الكافتيريا
عشان ناخذ شي يسد الجوع
ونمشي وناكلوا الناس يقولوا اشبهم هاذول من الصبح
مادريوا عن الحالة
والله الجوع فشلنا الكلاس يكون هادي اذا سمعتي صوت الجوع من وحده من البنات
اعرفوا انها من السكن
..

واللي قالتوا الاخت عن المويا لمن انقطعت
والله رحت بفرشتي ومعجوني وصابونتي ومكياجي
عشان الحمامت ودخلت وسويت كل شي وطلعت ع الكلاس



حتى غداهم اللي يجي على قولتهم من احسن المطارات نجيبو
بااااااااااااااااااااااااااااااااااااارد
والرز لو اضرب احد فيه تطلع لو كدمات والنوع الثاني زي العجينة..
والمكرونة البارده
والدجاج والسمك كمان بارد وطعمو مرا مو حلو
اما الايدامات في حكايتها حكاية
عبارة عن مويا باردة + معجون طماطم + بطاطس شبه مطبوخة

والله والله ثم والله
اذا مو كل بنت تاكلو عشان تسد الجوع
انا شخصيا ما اكلوا مرا ما استسغت طعموا


سامحوني ع الكلام المتخلبط
وبدون ترتيب



الله يكون في عوننا
ادعولنا بالتوفيييييق















.

[روووني]

وربي حرااااااااااااااااااام وياويلهم من الله

ارسلوا لأسامه طيب والمشاط وارسلو للجرايد الالكترونيه والعاديه وربي يتعدلو معاكم ابدا لاتسكتوا

وربي حزنت عليكم مااتوقعتهم انانيين لدي الدرجه الوحده فيهم ترضى لبنتها ولا لأختها تنام جوعانه!!!

حسبي الله عليهم والله ينصركم عليهم انشرو موضوعكم في الفايس بوك عشان يجوكوم صحفيين ينشرو الموضوع

لا حول ولاقوه الا بالله هدا جهاد مو دراسه ولامسوين لكم الخاسر الاكبر جامعتنا لازملها برنامج واقعي يحكي مأساتنا

امام دول العالم عشان تستحي وتتعدل

مالكم الا الصبر والشكوى لاااااااتسكتو ابدا افضحوهم وياليت بلأسامي تبع المشرفات والسكيورتي والحارس كمانوكل من ل
ه يد بالموضوع

[samara-oo]

نكد....انتي عماره 4؟؟؟
انا بعد عماره 4
كاني كاني عرفتك.......هع هع
وبالنسبه للسكن فوق الازمه هاذي كلها مافي جو مذاكره ابد والباصات مرررره مسخررررره بطيئيين لاقصى حد يعني بالله من الجامعه للسكن ساااااااااااعه كامله اروح مكه اقرب لي

[S.S.STRAWBERRY]

والله ما كنا ندري انهم وصلت معهم لدي الدرجة في المعاملة والأستهتار انتو كأنكم بغربة مو بلدكم لأنكم بعاد عن اهاليكم مستخفين فيكم حسبي الله ونعم الوكيل اخواتي راسلو راسلو كول الصحف وراسلو كول مسؤولين الجامعة
واذا ما ردو ضلو تكتبو وتراسلو لين يردو ويعملو تحقيقات بالموضوع ..الله يكون بعونكم لا اكل لا موية لا معاملة ايش بقالكم من الدنيا والله انكم قطعتم قلبنا وحاسين فيكم الأكل يلي بتاكلو سئ الأندومي عمره ما كان غذاء مفيد انما هو سدة جوع او تسلية واللبان يزيد الجوع ما يسده انا من جد مصدومة.... والله صحبتي بماليزيا وسكن الطالبات مو منقصين عليهم بشي صح مانعين عنهم الطبخ والغاز لكن في كفتيريا مفتوحة للغداء والعشاء والفطور
وتقلي المعاملة تمام ..نحن بسعودية المفروض المعاملة تكون هنا احسن من ماليزيا على الأقل يهتمو بصحتكم وغذائكم ومتتطلباتكم .....الله ينصركم على كل مين يعاديكم ويفرج همكم ويساعدكم ..لا حول ولا قوة الا بالله

[اوزلام]

حسسسسسسسسسسسسبي الله ونعم الوكيل ...
ايش الناس دي اللي لا عادت ترحم ولا عاد في قلبها ذرة خوف من الله ... خلاص ماتت قلوبهم مدري هم ضامنين الجنه ما يفكروا انو في حساب وعقاب في الاخره ... لكن من امن العقوبه اساء الادب مع الاسف هم للان ما لقيوا احد يشكمهم عاللي بيسووه متروكين سايبين لا حسيب ولا رقيب لكن وينهم من رقيب في السموات السبع يمهل ولا يهمل ..وصليها لجهه مسئوووووووووووله انا لو مكانك اخلي الاعلام كمان يجي يصور المنظر حشى سجن وربي مو سكن اوادم ...

[LAURA H]

فعلا لا تعليق..... شي محزن والله..
بس والله لو نشرتوا الموضوع في الفيش بوك ممكن تنحل مشاكلكم..