شهادات خبرة

[loly]

السلام عليكم

الحمد لله مو باقي على تخرجي كتير ولا قليل ؟؟؟!! >> مدري كيف ؟؟؟!!
فحبيت اني استغل الفرصة دي وادور على محلات اتدرب عندها عشان اخد شهادات خبرة

بس للأسف مني عارفه كيف ابدأ ولا فين اروح ولا شي

وهل الموضوع زي زمان انه الوحده تروح لمحل وتقولهم ابغى اتدرب عندكم ويوافقو ولا ؟؟؟
وهل في اماكن معينة تدربنا وتعطينا شهادات خبرة ,, ولوفي ,,, فين؟؟؟ ,,

فأتمنى انكم تشاركوني في الموضوع سواء بنات ولا اولاد عشان كلنا نستفيد ,,

و اتمنى انه محد يدخل ويطنش الموضوع ,, ؟؟ !!

وكلكم سواء شاركتو ولا لا مشكورين ....:)

[loly]

نسيت ما اقولكم على شي هذا التدريب اللي ادور عليه لنفسي يعني مو عشان الجامعة

[Nosa]

وعليكم السلام ورحمة الله وبركاته

أنا سمعت في ناس تتدرب في الغرفة التجارية وفي في الامانة وممكن معاهد .. كلهم يبغوا احد يشتغل ببلاش :p
اتوقع في الجامعة نفسها ممكن تتدربي!
اسألي في نفس الكلية او روحي العمادات والشؤون واعرضي عليهم انه تتدربي عندهم
يعني حيكون احسن لك انه تشتغلي في اوقات البريك وانتي في الجامعة لو انتي حابة :)

والله يوفقك وتتخرجي باعلى الدرجات ..

[Nosa]

افتكرت كمان قبل فترة شؤون الكلية كانوا يخلوكي تشتغلي ساعات معينة ويدوكي شهادة عليها!
تأكدي لو لسه يبغوا .. عند أ. منى المجدوعي اعتقد :)

موفقة حبيبتي ..