سابك قبلوني الحمد لله

[ميكو12]

السلام عليكم ورحمه الله وبركاته







راح اختصر الموضوع باكمله
تقريبا باقي 15 ماده واتخرج من الجامعه
اللي ابي اقوله ان سابك الان قبلووووني اريد نصيحتكم هل اروح ولا استنى اخلص الجامعه
علما بان تخصصي الان 2.56
هل بامكاني اوصل اكثر من 3
انا منتسب وما عندي اي شغله ايش تنصحوووني
ودي استغل السنه ذي قبل التخرج في معهد او اي شي
علما باني احب سابكو و ارامكو
بليزززز ساعدوني
ايش المعاهد الكويسه في الانجليزي لتقويه الانجليزي لان لغتي تعبانه
تكفوون ساعدووني

[فهد نجد27]

والله مو فاهم عليك اخوي مادام انت لاشغل ولا مشغلة اجل وش يمنعك تروح لسابك ومن ناحية انك تواصل دراستك فانت منتسب بإمكانك الدوام بسابك ووقت الاختبارات تروح للجامعه وتختبر وراح تستفيد من شهادتك اكثر بعد التخرج

اما من ناحية المعاهد فما اعرف انت في اي منطقة ولكن دايرت انجلش مش بطال وكذلك المعهد الثقافي البريطاني اللي موجود بحي السفارات بالرياض ممتاز جدا هذا لو كنت من سكان مدينة الرياض وبالتوفيق

[ام سجو]

زي ماقال الاخ فهد نجد...بإمكانك تداوم في الشركه اللي ان شاء الله تتوفق فيها وتاخذ اجازه والله يوفقك واتوقع ان لغتك كويسه دام انك مستوى سادس وانصحك بالمعاهد اللي بتركز عالمحادثه لان هذي اكبر نقطه ضعف في تعليم الانتساب ...والله يوفقك

[ذياب]

روح لسابك ولا تفوت الفرصة وعموما سابك في الغالب اللغة مش مطلب كبير كثير من موظفينها ماعندهم لغه مره

لاتفوتك الفرصة اللي لقيته الحين ما أتوقع تلقاه بكره صدقني ولا يمنع انك تكمل ونت موظف مثل اغلب الشباب في المنتدى

بالتوفيق

[عبير العسيري]

اكيد روح سابك وكمل بنفس الوقت الجامعه وماعليك من المعدل مو ضروري ترفعه مدامك انقبلت اهم شي تخلص وبس

[المحزوون]

المشاركة الأصلية كتبت بواسطة ميكو12 علما باني احب سابكو و ارامكو

اعجبني الرايم سكيم ههههههههههههههههههههههه

الله يوفقك اخوي وانا من رايي انك ماتفوت الوظيفة وتعتذر كم ترم لين تثبت نفسك فيها واذا تثبت مضبووط كمل دراستك واحصل على البكالوريوس وقدمها على عملك افضل من الحصول عليها والبحث عن وظيفة ..

من وجهة نظري اخي الكريم والقرار في الاخير لك .. وبالتوفيق

[ahmed-1]

توظف وانا خوك وكمل إنتسابك زي منت ،،

ولا تنسى تستخير

وما راح يخيب الله ظنك

[ابو الاء]

اضمن الوظيفة
وحاول انت تحذف ترم أو ترمين
حتى تستقر أمورك المادية والنفسية
وبالنسبة للغة راح تكتسبها تلقائيا من طبيعة عملك
وسترجع للدراسة وانت في قمة النشاط والتفاؤل

[الحجازي]

ماشاء الله أخوي..بإذن الله ينتظرك مستقبل باهر..

انصحك بإكمال الدراسة وعادي لو تأجل هالترم كما تفضّل الأحبة..وتبدأ من السنة القادمة..
واعتقد شركات كبرى مثل سابك وارامكو يوفرون دورات للموظفين
يعني بعد ماتتثبت شوف مركز التدريب التابع للشركة، أو الموارد البشرية وهم يفيدونك.

بالنسبة لأفضل المعاهد.. المجلس الثقافي البريطاني ، وول ستريت
وبعدهم دايركت انجلش. img.imageResizerActiveClass{cursor:nw-resize !important;outline:1px dashed black !important;} img.imageResizerChangedClass{z-index:300 !important;max-width:none !important;max-height:none !important;} img.imageResizerBoxClass{margin:auto; z-index:99999 !important; position:fixed; top:0; left:0; right:0; bottom:0; border:1px solid white; outline:1px solid black;}

[انترنت]

دراستك ماتتعارض مع الوظيفه طالما انت انتساب توكل على الله ولا تفوت الفرصة