كيف أعرف المواد الإختيارية والحره وكيف أنزلها..غير إلي حاطينا في الجدول

[tooowwwt]

شباب كيف أقدر أنزل مواد اختيارية أو حره غير الموجود في الموقع

مثلا لو أبغا أنزل تاريخ أو غيره أو أبغا أعرف ايش عندي خيارات كيف؟؟

[The_white_heart]

نقي المادة اللي تعجبك وروح للدكتور محمد خميس يوم السبت وقلوا ابغى المادة هذه وينزلك هيا

[tooowwwt]

من فين أقدر أشوف أي خيارات من الكليات الأخرى وأعرف المواد مثلاً التي تناسب ميولي؟؟!

شاكر لك تجاوبك

[The_white_heart]

اسأل اصحابك اسأل الشباب ايش المواد في كليتهم سهله وتناسبك

[dr.yaser]

على حد علمي .. أي مادة من أي قسم تاني ممكن تنزلها ..

أما كيف تعرف المواد .. يا عن طريق موقع الجامعة .. ادخل على الخطط الدراسية لكل كليه ... ونقي منها اللي يعجبك .. وسجل رمزها

أو عن طريق أصحابك .. شوف إيش المواد اللي بياخذوها من خارج الكلية ..

[Da Vinchi]

ما أدري يا شباب مادة تدبير منزلي متاحة للطلاب انتظام ؟؟

[عاشق البرمجة]

^
^

لا يكون لقيت وظيفة بمطعم ولا شي خخخخخخخخ

[Da Vinchi]

ياخي انا متعزب كم يوم وطفشت من اكل المطاعم وحايس في البيت عاد الوالدة توصيني احافظ عليه مثل ما تركته وانا قالبها استراحة (؛

انا فكرت اتزوج ,, لكن العين بصيرة واليد قصيرة ,, فقلت انزل المادة هذه وربك يسهل وأهو نتعلم ما تدري بكرة زوجتك تسحب عليك وتتورط بالعيال !!